ອົດສະຕຣາລີ ສະໜັບສະໜູນ 2 ແສນ​ໂດ​ລາອົດ​ສະຕຣາລີ ເກັບກູ້ລະເບີດບໍ່ທັນແຕກຢູ່ແຂວງອັດຕະປື

- Australia AIDS for bom checking - ອົດສະຕຣາລີ ສະໜັບສະໜູນ 2 ແສນ​ໂດ​ລາອົດ​ສະຕຣາລີ ເກັບກູ້ລະເບີດບໍ່ທັນແຕກຢູ່ແຂວງອັດຕະປື
- Untitled design - ອົດສະຕຣາລີ ສະໜັບສະໜູນ 2 ແສນ​ໂດ​ລາອົດ​ສະຕຣາລີ ເກັບກູ້ລະເບີດບໍ່ທັນແຕກຢູ່ແຂວງອັດຕະປື


​ພິ​ທີ​ລົງ​ນາມ​ຂໍ້​ຕົກ​ລົງກ່ຽວ​ກັບ​ກ​ານ​ເກັບ​ກູ້​ລະ​ເບີດ​ບໍ່​ທັນ​ແຕກຢູ່​ເມືອງ​ສະ​ໜາມ​ໄຊ ແຂວງ​ອັດ​ຕະ​ປື ລະ​ຫວ່າງ ທ່ານ ຈີນ ເບີນາດ ຄາຣາສໂຊ ເອກອັກຄະລັດຖະທູດອົດສະຕຣາລີ ປະຈຳລາວ ແລະ ທ່ານ ນາງ ຄາຣິນາ ອິມໂມເນັນ ຜູ້ປະສານງານອົງການສະຫະປະຊາຊາດ, ທັງເປັນຜູ້ຕາງໜ້າອົງການສະຫະປະຊາຊາດ ເພື່ອການພັດທະນາປະຈຳລາວ ​ໄດ້​ຈັດ​ຂຶ້ນ​ໃນ​ວັນ​ທີ 12 ທັນວາ​ນີ້ ທີ່​ນະຄອນຫລວງ​ວຽງ​ຈັນ ​ໂດຍລັດ​ຖະ​ບານອົດສະຕຣາລີ ສະໜັບສະໜູນທຶນ 2 ແສນໂດລາອົດສະຕຣາລີ ໃຫ້ລັດຖະບານລາວ ໂດຍຜ່ານອົງການສະຫະປະຊາຊາດເພື່ອການພັດທະນາ ເພື່ອດຳເນີນການເກັບກູ້ລະເບີດບໍ່ທັນແຕກຢູ່ເມືອງສະໜາມໄຊ ແຂວງອັດຕະປື. ການປະກອບສ່ວນແມ່ນສ່ວນໜຶ່ງຂອງການຊ່ວຍເຫລືອດ້ານມະນຸດສະທຳຂອງອົດສະຕຣາລີໃນຈຳນວນ 3 ລ້ານໂດລາອົດ​ສະຕຣາລີ ເພື່ອຕອບໂຕ້ໄພນໍ້າຖ້ວມຢູ່ແຂວງດັ່ງກ່າວ ​ໂດຍ​ສະ​ເພາະ​ພາຍຫລັງ​ເກີດການແຕກພັງຂອງເຂື່ອນເຊປຽນ-ເຊນໍ້ານ້ອຍ ເມື່ອເດືອນກໍລະກົດທີ່ຜ່ານມາ.

ທ່ານ ຈີນ ເບີນາດ ຄາຣາສໂຊ ກ່າວວ່າ:  ຄວາມຈຳເປັນທີ່ຈະຕ້ອງໄດ້ປະເມີນຄືນສະຖານະການ​ໄພ​ນ້ຳຖ້ວມຢູ່ແຂວງອັດຕະປືເປັນສິ່ງສຳຄັນຫລາຍ ເພື່ອຮັບປະກັນວ່າປະຊາຊົນທີ່ໄດ້ຮັບຜົນກະທົບ ສາມາດເຂົ້າເຖິງທີ່ດິນຢ່າງປອດໄພສຳລັບການດຳລົງຊີວິດ.

- Wave100S AD to Website 2020 0 - ອົດສະຕຣາລີ ສະໜັບສະໜູນ 2 ແສນ​ໂດ​ລາອົດ​ສະຕຣາລີ ເກັບກູ້ລະເບີດບໍ່ທັນແຕກຢູ່ແຂວງອັດຕະປື

ທ່ານ ນາງ ຄາຣິນາ ອິມໂມເນັນ ກ່າວວ່າ: ອົງການສະຫະປະຊາຊາດເພື່ອການພັດທະນາ ມີຄວາມມຸ້ງໝັ້ນທີ່ຈະໃຫ້ການຊ່ວຍເຫລືອ ເພື່ອການບັນລຸເປົ້າໝາຍການພັດທະນາແບບຍືນຍົງທີ 18 ກ່ຽວກັບການຮັກສາຊີວິດໃຫ້ປອດໄພຈາກລະເບີດບໍ່ທັນແຕກ. ແຜນງານຂອງພວກເຮົາ​ແມ່ນໃຫ້ການສະໜັບສະໜູນດ້ານການສຳຫລວດ, ການເກັບກູ້, ການໂຄສະນາສຶກສາຄວາມສ່ຽງ, ການຊ່ວຍເຫລືອຜູ້ຖືກເຄາະຮ້າຍ ແລະ ການປະສານງານ. ພວກເຮົາມີຄວາມຍິນດີໃຫ້ການຊ່ວຍເຫລືອແຂວງອັດຕະປື ແລະ ແຂວງອື່ນໆ ໃນທົ່ວປະເທດໃນວຽກງານເກັບກູ້ລະເບີດບໍ່ທັນແຕກ.

ຈາກການຮ່ວມມືລະຫວ່າງອົງການສະຫະປະຊາຊາດເພື່ອການພັດທະນາ ແລະ ລັດຖະບານອົດສະຕຣາລີ, ໂຄງການເກັບກູ້ລະເບີດແຫ່ງຊາດ ໄດ້ສຳຫລວດ ແລະ ເກັບກູ້ລະເບີດບໍ່ທັນແຕກໂດຍໄວຢູ່ແຂວງອັດຕະປື ​ເຊິ່ງໄດ້ນຳເອົາທີມງານເກັບກູ້ລະເບີດຂອງໂຄງການຈາກແຂວງໃກ້ຄຽງ ຄືແຂວງຈຳປາສັກ, ສາລະວັນ ແລະ ສະຫວັນນະເຂດ ແບ່ງອອກເປັນ 5 ທີມ ເພື່ອເຮັດວຽກຢູ່ເມືອງສະໜາມໄຊ. ນັບແຕ່ກາງເດືອນກັນຍາເປັນຕົ້ນມາ ມີເນື້ອທີ່ 44 ເຮັກຕາ ຂອງ 2 ບ້ານຢູ່ເມືອງສະໜາມໄຊ ໄດ້ຮັບການກວດກູ້ລະເບີດບໍ່ທັນແຕກ ເຊິ່ງພົບລະເບີດລູກຫວ່ານ 16 ໜ່ວຍ ແລະ ລະເບີດປະເພດອື່ນອີກ 18 ປະເພດໂດຍຊີ້ໃຫ້ເຫັນວ່າຍັງມີລະເບີດບໍ່ທັນແຕກຢູ່ໃນພື້ນທີ່ດັ່ງກ່າວ ແລະ ເປັນອັນຕະລາຍຕໍ່ປະຊາຊົນ ​ແລະ ທີມງານເກັບກູ້, ຕັ້ງເປົ້າຈະບັນລຸການສຳຫລວດ ແລະ ການເກັບກູ້ລະເບີດໃຫ້ໄດ້ 57 ເຮັກຕາ.

- WhatsApp Image 2020 05 27 at 5 - ອົດສະຕຣາລີ ສະໜັບສະໜູນ 2 ແສນ​ໂດ​ລາອົດ​ສະຕຣາລີ ເກັບກູ້ລະເບີດບໍ່ທັນແຕກຢູ່ແຂວງອັດຕະປື
- WhatsApp Image 2020 05 27 at 5 - ອົດສະຕຣາລີ ສະໜັບສະໜູນ 2 ແສນ​ໂດ​ລາອົດ​ສະຕຣາລີ ເກັບກູ້ລະເບີດບໍ່ທັນແຕກຢູ່ແຂວງອັດຕະປື
error: Alert: ເນື້ອຫາຂ່າວມີລິຂະສິດ !!