ເດເຄອາ ກຽມຕໍ່ສັນຍາກັບ ແມນຢູ

- news201812141502466 - ເດເຄອາ ກຽມຕໍ່ສັນຍາກັບ ແມນຢູ
- Untitled design - ເດເຄອາ ກຽມຕໍ່ສັນຍາກັບ ແມນຢູ

     ​ເດິ ຊັນ ສື່​ຂອງອັງກິດ ລາຍ​ງານ​ວ່າ: ດາ​ບິດ ​ເດ ​ເຄອາ ຜູ້​ຮັກສາ​ປະຕູຂອງ ​ແມນ​ເຊັສ​ເຕີ ຢູ​ໄນ​ເຕັດ ກຽມ​ຕໍ່​ສັນຍາ​ກັບ​ທີ​ມ​ແລ້ວ ຫລັງ​ຈາກ​ຕົ້ນສັງກັດ​ຍອມ​ຈ່າຍ​ຄ່າ​ເມື່ອຍ​ໃຫ້​ອາທິດ​ລະ 400.000 ປອນ ​ເຊິ່ງຈະ​ເຮັດ​ໃຫ້​ລາວ​ເປັນ​ຄົນ​ທີ່​ໄດ້​ຄ່າ​ເມື່ອຍ​ສູງ​ທີ່​ສຸດ​ຂອງ​ທີ​ມທັນທີ.

      ດາ​ບິດ ​ເດ ​ເຄອາ ຜູ້​ຮັກສາ​ປະຕູ​ມື​ໜຶ່ງ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ ພຣີ​ເມ​ຍລີກ ອັງກິດ ​ໃກ້​ຈະ​ເຊັນ​ສັນຍາ​ສະບັບ​ໃໝ່​ກັບ​ທີ​ມ​ແລ້ວ ຫລັງ​ຈາກ ​ແມນ​ຢູ ສະ​ເໜີ​ຈະ​ໃຫ້​ຄ່າ​ເມື່ອຍລາວ 400.000 ປອນຕໍ່​ອາທິດ.

      ອະນາຄົດ​ຂອງ ​ເດ ​ເຄອາ ​ໃນ​ຖິ່ນ ​ໂອລ ​ແທຣັບຟອດ ​ເປັນ​ບັນຫາ​ທີ່​ຖືກ​ເວົ້າ​ຫລາຍ​ພໍ​ສົມຄວນ​ໃນ​ໄລຍະ​ຜ່ານ​ມາ ​ເພາະ​ລາວ​ຈະ​ໝົດ​ສັນຍາ​ກັບ​ທີ​ມ​ໃນ​ຊຳ​ເມີ້​ປີໜ້າ.

- Wave100S AD to Website 2020 0 - ເດເຄອາ ກຽມຕໍ່ສັນຍາກັບ ແມນຢູ

      ທັງ​ນີ້, ກ່ອນ​ໜ້ານີ້ ​ເຄີຍ​ມີ​ຂ່າວ​ລື​ວ່າ​ສາ​ເຫດ​ທີ່ ​ເດ ​ເຄອາ ຍັງ​ບໍ່​ຍອມ​ຕໍ່​ສັນຍາ ​ເປັນ​ຍ້ອນ​ລາວ​ຢາກ​​ໄດ້​ຄ່າ​ເມື່ອຍ​ໃນ​ລະດັບ​ໃກ້​ຄຽງ​ກັບ ອາ​ເລັກ​ຊິ​ສ ຊານ​ເຊຊ ດາວ​ເຕະ​ຊາວ​ຊິ​ລີ ​ເມື່ອ​ພິຈາລະນາ​ເຖິງ​ເລື່ອງ​ທີ່​ລາວ​ເປັນ​ຄົນ​ສຳຄັນ​ຂອງ​ທີ​ມ ​ແລະ ສ້າງ​ຜົນງານ​ໄດ້ດີ​ເດັ່ນ​ໃນ​ຫລາຍ​ລະດູ​ການ​ຜ່ານ​ມາ ​ເຊິ່ງຫລ້າ​ສຸດ​ຍອດ​ທີ​ມ​ແຫ່ງ​ຖິ່ນ ​ໂອລ ​ແທຣັບຟອດ ຍອມ​ປະຕິບັດ​ຕາມ​ນັ້ນ. ຂະນະ​ທີ່ ​ເດ ​ເຄອາ ບອກ​ກັບ​ເພື່ອນ​ວ່າ​ລາວ​ໃກ້​ຈະ​ບັນລຸ​ຂໍ້​ຕົກລົງ​ເລື່ອງ​ສັນຍາ​ສະບັບ​ໃໝ່​ແລ້ວ.

       ຖ້າ​ສັນຍາ​ສະບັບ​ໃໝ່​ເຮັດ​ໃຫ້ ​ເດ ​ເຄອາ ​ໄດ້​ຄ່າ​ເມື່ອຍ​ອາທິດ​ລະ 400.000 ປອນ​ແທ້ ຈະ​ເຮັດ​ໃຫ້​ລາວ​ເປັນ​ຄົນ​ທີ່​ໄດ້​ຮັບ​ຄ່າ​ເມື່ອຍ​ສູງ​ທີ່​ສຸດ​ເປັນອັນ​ດັບ 1 ຂອງ​ທີ​ມທັນທີ ​ເພາະ​ປັດຈຸບັນ ຊານ​ເຊຊ ​ໄດ້​ຮັບ​ຢູ່ 350.000 ປອນຕໍ່​ອາທິດ.

- WhatsApp Image 2020 05 27 at 5 - ເດເຄອາ ກຽມຕໍ່ສັນຍາກັບ ແມນຢູ
- WhatsApp Image 2020 05 27 at 5 - ເດເຄອາ ກຽມຕໍ່ສັນຍາກັບ ແມນຢູ
error: Alert: ເນື້ອຫາຂ່າວມີລິຂະສິດ !!