ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ

- 3e4bbbd3 e96a 4cf8 b297 8abdef935aea - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ
- Untitled design - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ

ໃນວັນທີ 12 ທັນວານີ້, ທະນາຄານຊາຄອມແບັງລາວໄດ້ຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ, ຂຶ້ນທີ່ໂຮງແຮມ ເມືອງແທັງ, ເຊິ່ງເປັນກຽດເຂົ້າຮ່ວມງານໃນຄັ້ງນີ້ໂດຍມີທ່ານສອນໄຊ ສິດພະໄຊຮັກສາການຜູ້ວ່າທະນາຄານແຫ່ງ ສປປ ລາວ, ທ່ານ ສົມດີ ອິນມີໄຊ ຫົວໜ້າກົມພັດທະນາກອງທຶນ ແລະ ສົ່ງເສີມວິ​ສາ​ຫະກິດຂະໜາດນ້ອຍ ແລະ ກາງ SME, ທ່ານ     ຫງວຽນ ແທັງຕຸ່ງຮອງເອກອັກຄະລັກ ຖະທູດຫວຽດນາມ ປະຈໍາລາວ, ທ່ານເຢືອງກົງມິງ ປະ ທານສະພາບໍລິຫານທະນາຄານຊາຄອມແບັງ (ຫວຽດນາມ), ທ່ານ ຟ໋າມກວາງຟູ່ສະມາຊິກສະພາບໍລິຫານອໍານວຍການໃຫຍ່ທະນາຄານຊາຄອມແບັງລາວ ແລະ ບັນ ດາແຂກທີ່ໄດ້ເຊີນເຂົ້າຮ່ວມ.

ພາຍຫຼັງເປີດພິທີທ່ານ ເຢືອງກົງມິງ ປະທານສະພາບໍລິຫານທະນາຄານ ຊາຄອມ ແບັງ ໃຫ້ຮູ້ວ່າ: ຕະຫຼອດໄລຍະ ເວລາ27 ກວ່າປີ ແຫ່ງການສ້າງຕັ້ງ ແລະ ຂະຫຍາຍຕົວ, ທະນາຄານຊາຄອມແບັງໃນ ປັດຈຸບັນໄດ້ກາຍເປັນໜຶ່ງໃນ ບັນດາທະນາຄານຫຸ້ນສ່ວນ ການຄ້າ ທີ່ຢູ່ໃນອັນດັບຕົ້ນໆຂອງຫວຽດນາມ ລວມມູນຄ່າ ຊັບສິນທັງໝົດຫຼາຍກ່ວາ 17 ຕື້ ໂດລາສະຫະລັດ, ລວມມີທຶນ ເຈົ້າຂອງກິດຈະການ ເຖິງ 1 ຕື້ ກວ່າໂດລາສະຫະລັດ,ມີເຄືອຂ່າຍຈຸດບໍລິການທີ່ກວ້າງ ຂວາງ ກັບຈຸດໃຫ້ບໍລິການ ຫຼາຍເຖິງ 566 ຈຸດບໍລິການ ເຊິ່ງຄວບຄຸມ ໃນ 3 ປະເທດອິນ ດູຈີນຄື:ຫວຽດນາມ – ລາວ – ກໍາປູເຈຍ ແລະ ລວມມີຈໍາ ນວນພະນັກງານ ຫຼາຍກວ່າ 17.000 ຄົນ. ພິເສດ, ລະບົບໂຄງຮ່າງຕຶກອາຄານສຳນັກ ງາານຂອງຈຸດບໍລິການຕ່າງໆຂອງຊາຄອມແບັງ ແມ່ນໄດ້ຮັບການລົງທຶຶນກໍ່ສ້າງຢ່າງ ໝັ້ນຄົງ ຕາມມາດຕະຖານທີ່ມີ ຄວາມທັນສະໄໝ, ມີຄວາມ ປອດໄພ, ເຊິ່ງສະແດງໃຫ້ເຫັນເຖິງການດໍາເນີນທຸລະກິດທີ່ມີຄວາມປົກກະຕິ, ໝັ້ນຄົງໃນໄລຍະຍາວຂອງທະນາຄານຊາ ຄອມແບັງ ກັບປະຊາຊົນໃນແຕ່ລະຂົງເຂດ.

ທະນາຄານຊາຄອມແບັງແມ່ນທະນາຄານຫຸ້ນສ່ວນ ການຄ້າແຫ່ງທໍາອິດຂອງຫວຽດນາມທີ່ໄດ້ເປີດກວ້າງທຸລະກິດອອກໄປຍັງຕ່າງປະ ເທດ, ແລະ ໃນ ສປປ ລາວ ກໍເປັນປະເທດທຳອິດທີ່ທະນາຄານຊາຄອມແບັງ ໄດ້ເປີດສາ ຂາຂຶ້ນ. ໃນວັນທີ 12/12/ 2008 ທະນາຄານຊາຄອມ ແບັງ ໄດ້ເປີດສາຂາຢູ່ໃນລາວເພື່ອຕອບສະໜອງຄວາມຕ້ອງ ການໃນການບໍລິການດ້ານ ການເງິນທີ່ຄົບວົງຈອນໃຫ້ກັບລູກຄ້າ ແລະບັນດາວິສາຫະ ກິດລາວ-ຫວຽດນາມ. ມາ ຮອດວັນທີ 03/08/2015, ກໍໄດ້ຮັບອະນຸຍາດຈາກທະນາຄານແຫ່ງ ສປປ ລາວ ແລະທະນາຄານແຫ່ງຊາດຫວຽດນາມ, ທະນາຄານ ຊາຄອມແບັງລາວ ກໍໄດ້ຍົກລະດັບ ຈາກສາຂາຂຶ້ນເປັນທະນາ ຄານທຸລະກິດລົງທຶນຈາກ ຕ່າງປະເທດ 100% ຢ່າງເປັນ ທາງການ,ເຊີ່ງມີສິດດ້ານນິ ຕິກໍາ,ການລົງບັນຊີທີ່ເປັນເອກະລາດ. ມາຮອດປັດຈຸບັນ, ຊາຄອມແບັງລາວກໍໄດ້ເປີດ ກວ້າງເຄືອຂ່າຍການໃຫ້ບໍລິການໂດຍລວມມີສຳນັກ ງານໃຫຍ່ ແລະ ອີກ 4 ສາຂາ ກໍຄື:ສາຂານະຄອນຫຼວງວຽງ ຈັນ, ສາຂາທາດຫຼວງ, ສາຂາຈຳປາສັກ ແລະ ສາຂາສະຫວັນນະເຂດ. ຜ່ານ 10 ປີທີ່ໄດ້ເຂົ້າມາມີໜ້າໃນປະເທດລາວທີ່ສວຍງາມນີ້, ກັບທິດທາງການຂາຍຍ່ອຍ, ທະນາຄານ ຊາຄອມແບັງລາວ ຈະສືບຕໍ່ການເປີດກວ້າງເຄືອຂ່າຍຈຸດບໍລິການໃນບັນດາແຂວງທີ່ເປັນຈຸດຍຸດທະສາດ; ມີການ ເຝິກອົບຮົມ,ຍົກລະດັບຄວາມ ຮູ້ຄວາມສາມາດຂອງພະນັກງານທີ່ເປັນຄົນທ້ອງຖິ່ນໃຫ້ ກາຍເປັນຜູ້ບໍລິຫານທີ່ເປັນ ແກນຫຼັກໃຫ້ກັບການພັດທະນາຂອງທະນາຄານ ຊາຄອມ ແບັງລາວ; ສືບຕໍ່ລົງທຶນເຂົ້າໃນໂຄງຮ່າງອາຄານທີ່ມີຄວາມໝັ້ນຄົງ, ທັນສະໄໝຄືກັບໜຶ່ງໃນຄໍາໝັ້ນສັນຍາໃນການລົງທຶນ ທີ່ໝັ້ນຄົງໃນໄລຍະຍາວ ປະກອບສ່ວນເຂົ້າໃນການຊຸກຍູ້ການພັດທະນາຂອງລະບົບການເງິນ,ເສດຖະກິດຂອງ ສປປ ລາວ.

- 3e4bbbd3 e96a 4cf8 b297 8abdef935aea - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ

 ທ່ານໃຫ້ຮູ້ຕື່ມວ່າ: ປີ 2018 ເປັນປີທີ່ທະນາຄານ ຊາຄອມແບັງລາວ ມີການຂະ ຫຍາຍຕົວຢ່າງກ້າວກະໂດດ ຂັ້ນເພື່ອຕັ້ງໜ້າໃຫ້ບັນລຸເປົ້າໝາຍເປັນໜຶ່ງໃນທະນາຄານທຸລະກິດລະດັບແຖວໜ້າຂອງລາວ. ນອກນີ້, ທະນາຄານຊາຄອມແບັງລາວ ໄດ້ສໍາເລັດ ການຈັດລຽງລະບົບກົນຈັກຄືນໃໝ່ເພື່ອໃຫ້ມີລະບົບບໍລິຫານທີ່ເໝາະສົມກັບການພັດທະນາໃນໄລຍະໃໝ່, ໃຫ້ມີປະສິດທິຜົນເພື່ອໃຫ້ລູກຄ້າໄດ້ຮັບຜົນປະໂຫຍດສູງສຸດ. ທະນາຄານ ຊາຄອມແບັງລາວ ໄດ້ລົງທຶນ,ຄົ້ນຄວ້າເພື່ອເປັນຜູ້ບຸກເບີກສະ ເໜີບັນດາຜະລິດຕະພັນ, ການ ບໍລິການ ແລະ ນະວັດຕະກໍາ ໃໝ່ໆເພື່ອເປັນການເພີ່ມຄວາມສະດວກສະບາຍໃຫ້ແກ່ລູກຄ້າ, ຄຽງຄູ່ກັນນັ້ນ,ເພີ່ມຄວາມສາມາດໃນການແຂ່ງຂັນໃນທ້ອງ ຕະຫຼາດຂອງທະນາຄານ, ພ້ອມທັງເອົາໃຈໃສ່ໃນການພັດທະນາ: ເພີ່ມປະສິດທິຜົນ ແລະປະສິດທິພາບໃນການ ເຮັດວຽກຂອງບຸກຄະລາ ກອນ.

ໃນໂອກາດນີ້,ທ່ານ ສອນໄຊ ສິດພະໄຊຮັກສາ ການຜູ້ວ່າທະນາຄານແຫ່ງ ສປປ ລາວ ກໍໄດ້ມີຄໍາເຫັນຍ້ອງ ຍໍຊົມເຊີຍຕໍ່ຜົນສໍາເລັດ 10 ປີ ຜ່ານມາຂອງຊາຄອມແບັງລາວ, ໂດຍສະເພາະໄດ້ຮັບຄວາມເຊື່ອໝັ້ນຈາກປະຊາຊົນ ແລະ ນັກທຸລະກິດທັງພາຍໃນ ແລະ ຕ່າງປະເທດນັບມື້ຫຼາຍ ຂຶ້ນ ແລະອັນສໍາຄັນທະນາຄານດັ່ງກ່າວໄດ້ຍົກລະດັບຕົນເອງຈາກສາຂາຜູ້ຕາງໜ້າຂຶ້ນເປັນທະນາຄານຢ່າງເຕັມຕົວ.ຊຶ່ງໄດ້ສະແດງໃຫ້ເຫັນຄວາມ ເຊື່ອໝັ້ນຂອງທະນາຄານທີ່ມີຕໍ່ເສດຖະກິດຂອງລາວ, ອັນໄດ້ປະກອບສ່ວນສໍາຄັນເຂົ້າໃນການພັດທະນາເສດຖະກິດ- ສັງຄົມກໍຄືຂະແໜງການເງິນຂອງທະນາຄານໃນ ສປປ ລາວ ໃຫ້ເຂັ້ມແຂງ.

- Wave100S AD to Website 2020 0 - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ

ພາຍໃນງານຍັງໄດ້ມີການມອບຂອງສົມມະນາຄຸນໃຫ້ກັບພະນັກງານ ແລະ ລູກຄ້າ ທີ່ຢູ່ຄຽງຄູ່ກັບທະນາຄານ ຊາຄອມແບັງລາວ ນັບແຕ່ມື້ເລີ່ມ ສ້າງຕັ້ງມາເຖິງປັດຈຸບັນ ແລະພິເສດຍັງໄດ້ມອບລາງວັນໃຫ້ກັບລູກຄ້າທີ່ໄດ້ຮັບລາງວັນ ໃຫຍ່ຄຳຮູບປະພັນນ້ຳໜັກ 25 ບາດຈາກງານພິທີໝູນວົງລໍ້ ຮັບໂຊກຄັ້ງສຸດທ້າຍ ໃນວັນທີ່ 06/12/2018, ເຊິ່ງຜູ້ໂຊກດີ ໄດ້ແກ່:ທ່ານ ນາງ ແສງເດືອນ ແກ້ວກຸນນະວົງ, ປັດຈຸບັນຢູ່ບ້ານຄໍາແປງ, ເມືອງຊະນະສົມບູນ, ແຂວງຈໍາປາສັກໂດຍເປັນກຽດມອບໂດຍທ່ານ ນາງ ອຸໄລພອນ ໂສເງິນ ຮອງອໍານວຍການໃຫຍ່ ທະນາຄານ ຊາຄອມແບັງລາວ.

- DSC0292566 - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ

ພາຍຫຼັງໄດ້ຮັບລາງວັນ, ທ່ານ ນາງ ແສງເດືອນ ແກ້ວກຸນນະວົງ ໄດ້ໃຫ້ສໍາພາດວ່າ: ຕົນເອງຮູ້ສຶກດີໃຈຫຼາຍທີ່ໄດ້ ຮັບລາງວັນຈາກທະນາຄານຊາຄອມແບັງລາວ ແລະ ຜ່ານການໃຊ້ບໍລິການເຫັນວ່າ: ມີລະບົບການບໍລິການດີ, ວ່ອງໄວ ແລະພະນັກງານເວົ້າຈາສຸພາບອີກດ້ວຍ. ນອກຈາກນີ້ທະນາຄານຊາຄອມແບັງລາວ ໄດ້ຈັດກິດຈະກໍາສົມມະນາຄຸນ ລູກຄ້າທີ່ເຂົ້າຮ່ວມງານໂດຍມີການຈັບສະຫຼາກມອບລາງວັນ, ເຊິ່ງຂອງລາງວັນລວມ ມີ: ເຕົາລີດອາຍນໍ້າ 5 ລາງວັນ, ໂທລະພາບ SAMSUNG49 ນິ້ວ 1 ລາງວັນ, Ipad 32GB 1 ລາງວັນ ແລະ ພິເສດສຸດໆແຈກ IphoneXs1 ລາງວັນ.

- WhatsApp Image 2020 05 27 at 5 - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ
- WhatsApp Image 2020 05 27 at 5 - ທະນາຄານຊາຄອມແບັງລາວຈັດງານສະເຫຼີມສະຫຼອງວັນສ້າງຕັ້ງຄົບຮອບ 10 ປີ
error: Alert: ເນື້ອຫາຂ່າວມີລິຂະສິດ !!