ເນປານເຜີຍມີນັກທ່ອງທ່ຽວມາທ່ຽວ ປີລະ 1 ລ້ານຄົນເປັນເທື່ອທຳອິດ

- 1544769962037 960x0 - ເນປານເຜີຍມີນັກທ່ອງທ່ຽວມາທ່ຽວ ປີລະ 1 ລ້ານຄົນເປັນເທື່ອທຳອິດ
- 174233 - ເນປານເຜີຍມີນັກທ່ອງທ່ຽວມາທ່ຽວ ປີລະ 1 ລ້ານຄົນເປັນເທື່ອທຳອິດ

      ການທ່ອງທ່ຽວ​ເນ​ປານ ​ເປີດ​ເຜີຍ​ຕົວ​ເລກ​ນັກ​ທ່ອງ​ທ່ຽວ​ຕ່າງປະ​ເທດ​ທີ່​ເດີນທາງ​ມາ​ທ່ອງ​ທ່ຽວ​ໃນ​ປີ​ນີ້ ​ໂດຍ​ເປັນ​ເທື່ອ​ທຳ​ອິດ​ໃນ​ປະຫວັດສາດ​ທີ່​ມີ​ນັກ​ທ່ອງ​ທ່ຽວ​ເດີນທາງ​ເຂົ້າມາ​ທ່ຽວ​ປີ​ລະ​ກວ່າ 1 ລ້ານ​ຄົນ.

       ການທ່ອງທ່ຽວ​ເນ​ປານ ລະບຸ​ວ່າ: ​ໃນ​ໄລຍະ​ເດືອນ​ມັງກອນ​ຫາ​ເດືອນ​ພະຈິກ​ປີ​ນີ້, ​ເນ​ປານ​ມີ​ນັກ​ທ່ອງ​ທ່ຽວ​ຕ່າງປະ​ເທດ​ເດີນທາງ​ເຂົ້າມາ​ທ່ອງ​ທ່ຽວ​ຈຳນວນ​ເຖິງ 1.001.930 ຄົນ ​ເພີ່ມ​ຂຶ້ນ 17% ຈາກ​ໄລຍະ​ດຽວ​ກັນ​ຂອງ​ປີ 2017 ​ເຊິ່ງມີ​ນັກ​ທ່ອງ​ທ່ຽວ​ຕ່າງປະ​ເທດ​ມາ​ທ່ຽວ 940.218 ຄົນ, ​ແຕ່​ຕົວ​ເລກ​ດັ່ງກ່າວ​ຍັງ​ບໍ່​ລວມ​ນັກ​ທ່ອງ​ທ່ຽວ​ຕ່າງປະ​ເທດ​ທີ່​ເດີນທາງ​ເຂົ້າມາ​ໂດຍ​ທາງບົກ​ໃນ​ໄລຍະ​ເດືອນ​ຕຸລາ​ຫາ​ເດືອນ​ພະຈິກ​ປີ​ນີ້. ລາຍ​ງານ​ລະບຸ​ວ່າ: ນັກ​ທ່ອງ​ທ່ຽວ​ສ່ວນ​ຫລາຍ​ທີ່​ເດີນທາງ​ມາ​ເນ​ປານ ​ເປັນ​ນັກ​ທ່ອງ​ທ່ຽວ​ຈາກ​ອິນ​ເດຍ ​ແລະ ຈີນ ​ໂດຍ​ໄລຍະ 11 ​ເດືອນ​ຂອງ​ປີ​ນີ້ ມີ​ນັກ​ທ່ອງ​ທ່ຽວ​ຈາກ​ອິນ​ເດຍ​ເຂົ້າມາ​ທ່ຽງ 260.124 ຄົນ ​ແລະ ນັກ​ທ່ອງ​ທ່ຽວ​ຈາກ​ຈີນ 134.362 ຄົນ. ທັງ​ອິນ​ເດຍ ​ແລະ ຈີນ​ຖື​ເປັນ​ຕະຫລາດ​ໃຫຍ່​ສຳລັບ​ການທ່ອງທ່ຽວ​ເນ​ປານ ຮອງ​ລົງ​ມາ​ໄດ້​ແກ່​ອາ​ເມ​ລິ​ກາ, ອັງກິດ ​ແລະ ​ເຢຍລະ​ມັນ.

- Wave100S AD to Website 2020 0 - ເນປານເຜີຍມີນັກທ່ອງທ່ຽວມາທ່ຽວ ປີລະ 1 ລ້ານຄົນເປັນເທື່ອທຳອິດ
- WhatsApp Image 2020 05 27 at 5 - ເນປານເຜີຍມີນັກທ່ອງທ່ຽວມາທ່ຽວ ປີລະ 1 ລ້ານຄົນເປັນເທື່ອທຳອິດ
error: Alert: Content is protected !!