ຄຳແນະນຳຈາກ ທ່ານ ບິລ ເກດ ສຳລັບນັກສຶກສາຈົບໃໝ່

- 021412 2018 - ຄຳແນະນຳຈາກ ທ່ານ ບິລ ເກດ ສຳລັບນັກສຶກສາຈົບໃໝ່
- Untitled design - ຄຳແນະນຳຈາກ ທ່ານ ບິລ ເກດ ສຳລັບນັກສຶກສາຈົບໃໝ່


     ສິ່ງທີ່ທ່ານກຳລັງຈະໄດ້ຮັບຮູ້ ຕໍ່ໄປນີ້ມາຈາກຜູ້ກໍ່ໍຕັ້ງ Microsoft ຊາຍຜູ້ໄດ້ຮັບສາຍາວ່າ ນັກບຸນໃນຕຳນານ ແລະ ຊາຍທີ່ຮັ່ງມີທີ່ສຸດຂອງໂລກ ລາວຕັດສິນໃຈທີ່ຈະເຜື່ອແຜ່ເຄັດລັບຄວາມສຳເລັດໃນຊີວິດຂອງລາວ. ລາວກ່າວວ່າ ນັກສຶກສາຈົບໃໝ່ມັກຈະຂໍຄຳແນະນຳຈາກຂ້ອຍກ່ຽວກັບການເຮັດວຽກ. ສະນັ້ນ ບິລ ເກດ ຈຶ່ງເລືອກໃຊ້ທະວິດເຕີທີ່ຈຳກັດຈຳນວນຄຳບໍ່ເກີນ 300 ຄຳຕໍ່ 1 ທະວິດເຕີ ນີ້ແມ່ນຫົນທາງເຜີຍແຜ່ສິ່ງທີ່ຈະຊ່ວຍກະຕຸ້ນຄວາມຄິດຜູ້ຄົນວ່າ ຖ້າລາວກຳລັງຈະສຳເລັດການສຶກສາລາວຈະເຮັດແນວໃດ ລວມໄປເຖິງສິ່ງທີ່ລາວຄິດວ່າ ຄວນຈະຮູ້ຕັ້ງແຕ່ສະໄໝທີ່ຫາກໍຈົບໃໝ່ໆ. ຕໍ່ໄປນີ້ແມ່ນບາງຄຳຄິດເຫັນທີ່ໜ້າສົນໃຈຈາກ ທ່ານ ບິລ ເກດ.

     1. ເຕັກໂນໂລຊີ AI (ປັນຍາປະດິດ) ວິທະຍາສາດຊີວະພາບ ແລະ ພະລັງງານ ອາດເປັນກ້າວຕໍ່ໄປຂອງການເຮັດວຽກຂອງ ທ່ານ : ທ່ານ ບິລ ເກດ ກ່າວວ່າ ສິ່ງເຫລົ່ານີ້ແມ່ນພື້ນທີ່ໆທ່ານຈະມີໂອກາດສ້າງຄວາມຍິ່ງໃຫຍ່ ແລະ ເຖິງວ່າລາວຈະບໍ່ໄດ້ລະບຸຢ່າງສະເພາະເຈາະຈົງ, ແຕ່ພະລັງງານທີ່ລາວກ່າວເຖິງອາດຈະໝາຍເຖິງພະລັງງານສີຂຽວ ເຊິ່ງບໍ່ແມ່ນເຊື້ອໄຟຈາກຊາກຕຶກແນ່ນອນ.

     2. ຄວາມສະຫລາດແມ່ນສິ່ງທີ່ຖືກຕີຄ່າສູງເກີນໄປ : ທ່ານ ບິລ ເກດ ກ່າວວ່າ : ມັນຄົງຈະດີຖ້າລາວຮູ້ຕັ້ງແຕ່ຕອນອອກຈາກມະຫາວິທະຍາໄລ ວ່າ ຄວາມສະຫລາດມີຫລາຍຮູບແບບ ແລະ ມັນບໍ່ໄດ້ມີຄວາມສຳຄັນຫລາຍເທົ່າກັບທີ່ລາວເຄີຍຄິດໄວ້ເລີຍ ເຊິ່ງມັນສອດຄ່ອງກັບວຽກງານວິໄຈເມື່ອມໍ່ໆນີ້ທີ່ແນະນຳວ່າ : ຄວາມອົດທົນ ແລະ ຄວາມຫົດຢືດທາງດ້ານຈິດໃຈ ອາດຈະເປັນໂຕວັດແທກຄວາມສຳເລັດທີ່ດີກ່ວາ IQ.

   3. ທ່ານຄວນຈະເລີ່ມຕໍ່ສູ້ເພື່ອໃຫ້ໂລກຍຸຕິທຳຂຶ້ນນັບຕັ້ງແຕ່ມື້ນີ້ : ທ່ານ ບິລ ເກດ ກ່າວວ່າ ໜຶ່ງໃນສິ່ງທີ່ຈະເຮັດໃຫ້ລາວເສຍໃຈທີ່ສຸດແມ່ນການໃຊ້ເວລາຫລາຍກ່ວາ 10 ປີ ເພື່ອທີ່ລາວຈະໄດ້ຮຽນຮູ້ວ່າສິ່ງທີ່ບໍ່ດີທີ່ສຸດໃນໂລກນີ້ກໍແມ່ນຄວາມບໍ່ເທົ່າທຽມ. ລາວກ່າວຕື່ມວ່າ ພວກທ່ານເຂົ້າໃຈເລື່ອງເຫລົ່ານີ້ດີກ່ວາຕອນທີ່ຂ້ອຍອາຍຸເທົ່າກັບພວກທ່ານ ເຊິ່ງມັນກໍຄົງຈະແມ່ນແທ້. ທ່ານ ບິລ ເກດ ຢາກໃຫ້ບັນດານັກສຶກສາຈົບໃໝ່ຄົນອື່ນໆເລີ່ມຕົ້ນເຮັດຫຍັງຈັກຢ່າງກ່ຽວກັບຄວາມບໍ່ເທົ່າທຽມ ບໍ່ວ່າອ້ອມໂຕທ່ານ ຫລື ສິ່ງທີ່ເກີດຂຶ້ນຢູ່ອີກຟາກໂລກໜຶ່ງກໍຕາມ ຈົ່ງເລີ່ມຕົ້ນຕັ້ງແຕ່ຕອນນີ້.

   4. ເລືອກຄົບໝູ່ ແລະ ຄົນຮັກທີ່ຈະຊ່ວຍໃຫ້ທ່ານກາຍເປັນຄົນທີ່ດີຂຶ້ນ : ທ່ານ ບິລ ເກດ ກ່າວວ່າ : ຈົ່ງຫ້ອມລ້ອມໂຕເອງດ້ວຍຜູ້ຄົນທີ່ຈະທ້າທາຍທ່ານ, ສອນທ່ານ ແລະຊຸກຍູ້ໃຫ້ທ່ານກາຍເປັນໂຕທ່ານໃນແບບທີ່ດີທີ່ສຸດ. ຄືກັນກັບ ທ່ານ ວໍເຣນ ບັບເຟດ ວັດແທກຄວາມສຸກຂອງໂຕເອງໂດຍການເບິ່ງວ່າຜູ້ຄົນທີ່ສະໜິດກັບລາວມີຄວາມສຸກ ແລະ ຮັກລາວຫລືບໍ່ ແລະ ລາວຊ່ວຍສ້າງຄວາມປ່ຽນແປງໃນຊີວິດຄົນອື່ນໆໄດ້ແນວໃດແດ່.

- Wave100S AD to Website 2020 0 - ຄຳແນະນຳຈາກ ທ່ານ ບິລ ເກດ ສຳລັບນັກສຶກສາຈົບໃໝ່

     5. ຈົ່ງເປີດໃຈ ເພາະໂລກໃບນີ້ໜ້າຢູ່ກ່ວາທີ່ທ່ານຄິດ : ທ່ານ ບິລ ເກດ ກ່າວວ່າ : ໜັງສືຂອງ  ທ່ານ ສະຕີເວນ ພິງເກີ ໄດ້ນຳທາງຜູ້ອ່ານຍ້ອນເວລາກັບໄປສູ່ຍຸກບູຮານເພື່ອຊີ້ໃຫ້ເຫັນວ່າໂລກຄ່ອຍໆດີຂຶ້ນໄດ້ແນວໃດ. ລາວບອກຕື່ມວ່າ : ອາດຈະຟັງເບິ່ງຄືບ້າ, ແຕ່ມັນກໍແມ່ນຄວາມຈິງ ນີ້ອາດແມ່ນຊ່ວງເວລາທີ່ມີຄວາມສະຫງົບສຸກທີ່ສຸດໃນປະຫວັດສາດມະນຸດກໍມີ.

     ມັນສຳຄັນແທ້ໆ ເພາະເມື່ອເຮົາຄິດວ່າໂລກນີ້ກຳລັງດຳເນີນໄປໃນທາງທີ່ດີຂຶ້ນ ເຮົາກໍຈະຢາກແບ່ງປັນໃຫ້ຜູ້ຄົນ ແລະ ພື້ນທີ່ອື່ນໆໄດ້ສຳຜັດມັນຫລາຍຂຶ້ນ ແລະ ມັນຍັງເຮັດໃຫ້ທ່ານເກີດສັດທາວ່າບັນຫາໜັກໜ່ວງຫລວງຫລາຍທີ່ເຮົາທຸກຄົນກຳລັງພະເຊີນຢູ່ນີ້ ມັນສາມາດແກ້ໄຂໄດ້. ການມີວິໄສທັດກ່ຽວກັບໂລກແບບນີ້ ມັນຊ່ວຍປະຄັບປະຄອງໃຫ້ລາວຜ່ານຊ່ວງເວລາທີ່ຍາກລຳບາກໄປໄດ້ ແລະ ເປັນເຫດຜົນທີ່ລາວຮັກວຽກທີ່ລາວເຮັດ ຍ້ອນລາວເຊື່ອວ່າມັນຈະສົ່ງຜົນດຽວກັນກັບຄົນອື່ນຄືກັນ.

    ນອກຈາກນີ້ ລາວຍັງລົງທ້າຍດ້ວຍຄຳເວົ້າທີ່ປ່ຽມດ້ວຍຄວາມໝາຍວ່່າ : ນີ້ແມ່ນຊ່ວງເວລາທີ່ແສນພິເສດທີ່ຈະມີຊີວິດຢູ່ ຂ້ອຍ ຫວັງວ່າທ່ານຈະໃຊ້ມັນຢ່າງກຸ້ມຄ່າຫລາຍທີ່ສຸດ – ບິລ ເກດ.

- WhatsApp Image 2020 05 27 at 5 - ຄຳແນະນຳຈາກ ທ່ານ ບິລ ເກດ ສຳລັບນັກສຶກສາຈົບໃໝ່
- WhatsApp Image 2020 05 27 at 5 - ຄຳແນະນຳຈາກ ທ່ານ ບິລ ເກດ ສຳລັບນັກສຶກສາຈົບໃໝ່
error: Alert: ເນື້ອຫາຂ່າວມີລິຂະສິດ !!