50 ປີສາຍພົວພັນຮ່ວມມືພະລັງງານລາວ-ໄທ

- laos thai 2 1 - 50 ປີສາຍພົວພັນຮ່ວມມືພະລັງງານລາວ-ໄທ
- Untitled design - 50 ປີສາຍພົວພັນຮ່ວມມືພະລັງງານລາວ-ໄທ

  ງານສະເຫລີມສະຫລອງວັນຄົບຮອບແຫ່ງການພົວພັນຮ່ວມມືພະລັງງານລາວ-ໄທຄົບຮອບ 50 ປີ (16 ທັນວາ 1967-16 ທັນວາ 2018) ໄດ້ຈັດຂຶ້ນໃນວັນທີ 13 ທັນວານີ້, ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ສິຣິ ຈິຣະພົງພັນ ລັດຖະມົນຕີວ່າການກະຊວງພະລັງງານແຫ່ງ ຣາຊະອານາຈັກໄທ, ມີຜູ້ວ່າຣາຊະການຈັງຫວັດໜອງຄາຍ ແລະ ມວນຊົນ ເຂົ້າຮ່ວມເປັນຈໍານວນຫລາຍ.

  ໃນໂອກາດດັ່ງກ່າວ, ທ່ານ ຄຳມະນີ ອິນທິລາດ ໄດ້ມີຄໍາເຫັນວ່າ: ການພົວພັນຮ່ວມມືພະລັງງານລາວ-ໄທ ໄດ້ໝູນວຽນມາບັນຈົບຄົບນອບ 50 ປີ,ພາຍໃຕ້ບັນຍາກາດແຫ່ງມິດຕະພາບທີ່ເປັນມູນເຊື້ອອັນດີງາມ, ຊຶ່ງປະຊາຊົນ 2 ຊາດລາວ-ໄທ ໄດ້ພ້ອມກັນຖະນຸຖະໜອມ ແລະ ປົກປັກຮັກສາມາເປັນເວລາຍາວນານ, ຈຸດພິເສດ ແລະ ເງື່ອນໄຂທີ່ອຳນວຍຄວາມສະດວກໄດ້ກາຍເປັນພື້ນຖານ ເຮັດໃຫ້ການພົວພັນຮ່ວມມືລາວ-ໄທດ້ານພະລັງງານໄດ້ຮັບການພັດທະນາໃຫ້ຂະຫຍາຍຕົວຢ່າງມີຄຸນນະພາບຕະຫລອດມາ ແລະ ໄດ້ນຳເອົາຜົນປະໂຫຍດຢ່າງຫລວງຫລາຍມາສູ່ປະຊາຊົນສອງຊາດລາວ-ໄທ ຕະຫລອດມາ.

  50 ປີສາຍສຳພັນ ແລະ ການຮ່ວມມືພະລັງງານລາວ-ໄທ ໄດ້ຜ່ານຂະບວນວິວັດຂອງການກໍ່ສ້າງ ແລະ ເຕີບໃຫຍ່ເຂັ້ມແຂງ, ໜັກແໜ້ນ ແລະ ໝັ້ນຄົງຕະຫລອດມາ, ຊຶ່ງຜົນສຳເລັດຂອງການຮ່ວມມືໃນ 5 ທົດສະວັດທີ່ຜ່ານມາ ໄດ້ຊ່ວຍໃຫ້ພວກເຮົາມີວິໄສທັດ ແລະ ແນມເຫັນຈາກອະດີດສູ່ປັດຈຸບັນ ແລະ ໄປສູ່ອະນາຄົດໄດ້ຢ່າງຊັດເຈນ, ສ້າງເງື່ອນໄຂຄວາມພ້ອມ ເພື່ອໃຫ້ການພົວພັນຮ່ວມມືພະລັງງານ ລາວ-ໄທ ໄດ້ຮັບການສົ່ງເສີມ ແລະ ພັດທະນາໃຫ້ຂະຫຍາຍຕົວຕະຫລອດໄປ.

- Wave100S AD to Website 2020 0 - 50 ປີສາຍພົວພັນຮ່ວມມືພະລັງງານລາວ-ໄທ

  ທ່ານ ວິບູນ ເລີກວີລະໄທ ຜູ້ວ່າການໄຟຟ້າຝ່າຍຜະລິດແຫ່ງປະເທດໄທ (EGAT) ໄດ້ກ່າວວ່າ: ສປປ ລາວ ໄດ້ມີຄວາມສຳພັນທາງພະລັງງານ ຮ່ວມກັນມາຍາວນານຕັ້ງແຕ່ວັນທີ 16 ທັນວາ 1968. ປັດຈຸບັນ, ການຊື້-ຂາຍພະລັງງານໄຟຟ້ານັບມື້ເພີ່ມທະວີຂຶ້ນຄື: ຈາກ 1.500 ເມກາວັດໃນປີ 1993 ມາເປັນ 9.000 ເມກາວັດໃນປັດຈຸບັນ, ລວມທັງການພັດທະນາສາຍເຊື່ອມຈອດໂຄງສ້າງລະບົບໄຟຟ້າລະຫວ່າງສອງປະເທດລວມທັງໝົດ 6 ຈຸດ ເຊັ່ນ: ທ່າແຂກ-ນະຄອນພະນົມ 22 KV, ສະຫວັນນະເຂດ-ມຸກດາຫານ 22 KV, ໂພນຕ້ອງ-ໜອງຄາຍ 115 KV, ບັງເຍາະ-ສິຣິທອນ 115 KV, ປາກບໍ່-ມຸກດາຫານ 115 KV ແລະ ທ່າແຂກ-ນະຄອນພະນົມ 115 KV. ນອກນີ້ຍັງມີການເຊື່ອມໂຍງສາຍສົ່ງໄຟຟ້າລາວ-ໄທຈາກຜູ້ຜະລິດໄຟຟ້າອິດສະຫລະ (IPP) ໃນ ສປປ ລາວ ເຊັ່ນ: ເຂື່ອນໄຟຟ້າເທີນຫີນບູນ, ເຂື່ອນໄຟຟ້າຫ້ວຍເຫາະ, ເຂື້ອນໄຟຟ້ານໍ້າເທີນ 2, ເຂື່ອນໄຟຟ້ານໍ້າງື່ມ 2 ແລະ ໂຮງໄຟຟ້າຫົງສາ ເຫລົ່ານີ້ເປັນຕົ້ນ. ນອກນີ້, ໃນໂອກາດນີ້ສອງຝ່າຍໄດ້ຮ່ວມຈັດກິດຈະກຳ “ຮ່ວມກິດຈະກຳ ປະຢັດພະລັງງານວັນນີ້ເພື່ອອະນາຄົດ ແລະ ສິ່ງແວດລ້ອມທີ່ດີວັນໜ້າ”, ໂດຍການປ່ຽນຫລອດໄຟ LED ປະຢັດພະລັງໃຫ້ໂຮງໝໍມິດຕະພາບລາວ-ໂຊວຽດ (150 ຕຽງ) ໃຫ້ການສະໜັບສະໜູນໂດຍການໄຟຟ້າຝ່າຍຜະລິດໄຟຟ້າແຫ່ງປະເທດໄທຈຳນວນ 4.793 ຫລອດ ລວມເປັນມູນຄ່າຫລາຍກວ່າ 1,6 ລ້ານ ບາດ (ສະກຖນເງິນໄທ) ຊຶ່ງສາມາດປະຢັດພະລັງງານໄດ້ເປັນຈໍານວນຫລາຍ ຖ້າຄິດເປັນເງິນຈະມີປະມານ 1 ລ້ານກວ່າບາດຕໍ່ປີ.

- WhatsApp Image 2020 05 27 at 5 - 50 ປີສາຍພົວພັນຮ່ວມມືພະລັງງານລາວ-ໄທ
- WhatsApp Image 2020 05 27 at 5 - 50 ປີສາຍພົວພັນຮ່ວມມືພະລັງງານລາວ-ໄທ
error: Alert: ເນື້ອຫາຂ່າວມີລິຂະສິດ !!