ສະພາຄວາມໝັ້ນຄົງ ສປຊ ປະນາມ ສປປ ເກົາຫລີ ຍິງລູກສອນໄຟ

- Untitled design - ສະພາຄວາມໝັ້ນຄົງ ສປຊ ປະນາມ ສປປ ເກົາຫລີ ຍິງລູກສອນໄຟ

- 1494901693861 960x0 - ສະພາຄວາມໝັ້ນຄົງ ສປຊ ປະນາມ ສປປ ເກົາຫລີ ຍິງລູກສອນໄຟ     ສະພາຄວາມໝັ້ນຄົງແຫ່ງສະຫະປະຊາຊາດ ອອກຖະແຫຼງການໃນວັນທີ 15 ພຶດສະພານີ້ ຕາມເວລາທ້ອງຖິ່ນ ປະນາມຢ່າງຮຸນແຮງຕໍ່ການຍິງລູກສອນໄຟເທື່ອຫລັງສຸດຂອງ ສປປ ເກົາຫລີ ແລະ ປະກາດຈະກົດດັນລັດຖະບານ ສປປ ເກົາຫລີ ໃຫ້ໜັກຂຶ້ນ ລວມທັງເພີ່ມມາດຕະການຂວ້ຳບາດ.

ກ່ອນໜ້ານີ້ ສປປ ເກົາຫລີ ຍິງທົດລອງລູກສອນໄຟໃນວັນທີ 14 ພຶດສະພາ ເຊິ່ງຄາດວ່າເປັນລູກສອນໄຟໄລຍະໄກ ທີ່ສຸດຂອງ ສປປ ເກົາຫລີ ເທົ່າທີ່ເຄີຍມີມາ ໂດຍສາມາດຕິດຫົວຮົບນິວເຄຼຍໄດ້ ແລະ ມີຈຸດມຸ່ງໝາຍໃສ່ດິນແດນ ອາເມລິກາ. ສະພາຄວາມໝັ້ນຄົງ ສປຊ ລົງມະຕິເປັນເອກະສັນ ໂດຍໄດ້ຮັບສຽງສະໜັບສະໜູນຈາກຈີນ ປະກາດ ວ່າຈະດຳເນີນມາດຕະການແຂງກະດ້າງ ເພື່ອຕອບໂຕ້ ສປປ ເກົາຫລີ ທີ່ມີພຶດຕິກຳທຳລາຍຄວາມໝັ້ນຄົງ ແລະ ຮຽກຮ້ອງບໍ່ໃຫ້ທົດລອງລູກສອນໄຟ ແລະ ນິວເຄຼຍອີກຕໍ່ໄປ. ສປປ ເກົາຫລີ ທົດລອງນິວເຄຼຍແລ້ວ 2 ຄັ້ງ ແລະ ຍິງ ລູກສອນໄຟອີກຫລາຍສິບຄັ້ງນັບແຕ່ປີ 2016 ເຮັດໃຫ້ສະພາຄວາມໝັ້ນຄົງ ສປຊ ມີມະຕິຂວ້ຳບາດເຖິງສອງຄັ້ງ ໃນປີຜ່ານມາ ເພື່ອກົດດັນຜູ້ນຳ ສປປ ເກົາຫລີ ບໍ່ໃຫ້ເດີນໜ້າພັດທະນາໂຄງການດ້ານການທະຫານ.

- Wave100S AD to Website 2020 0 - ສະພາຄວາມໝັ້ນຄົງ ສປຊ ປະນາມ ສປປ ເກົາຫລີ ຍິງລູກສອນໄຟ
- WhatsApp Image 2020 05 27 at 5 - ສະພາຄວາມໝັ້ນຄົງ ສປຊ ປະນາມ ສປປ ເກົາຫລີ ຍິງລູກສອນໄຟ
- WhatsApp Image 2020 05 27 at 5 - ສະພາຄວາມໝັ້ນຄົງ ສປຊ ປະນາມ ສປປ ເກົາຫລີ ຍິງລູກສອນໄຟ
error: Alert: ເນື້ອຫາຂ່າວມີລິຂະສິດ !!