ອາຫານຊີວະຈິດມີປະໂຫຍດແນວໃດຕໍ່ສຸຂະພາບ

- advert banner 728 90 728x90 - ອາຫານຊີວະຈິດມີປະໂຫຍດແນວໃດຕໍ່ສຸຂະພາບ

- new3 - ອາຫານຊີວະຈິດມີປະໂຫຍດແນວໃດຕໍ່ສຸຂະພາບ

     + ອາຫານຊີວະຈິດ ແມ່ນອາຫານທີ່ມາຈາກທຳມະຊາດແທ້ໆ ເຊິ່ງບໍ່ຜ່ານການປຸງແຕ່ງໃດໆ ຫລື ຜ່ານການປຸງແຕ່ງໜ້ອຍທີ່ສຸດ ຍັງຄົງຮັກສາຄວາມເປັນລົດຊາດເກົ່າໄວ້ໃນອາຫານຫລາຍທີ່ສຸດ ໂດຍເປັນອາຫານທີ່ປອດຈາກສານພິດ ແລະ ສານເຄມີຕ່າງໆ ເປັນການປູກໂດຍວິທີທຳມະຊາດ ຫລື ເປັນທັນຍາພືດທີ່ບໍ່ຜ່ານການຜັດສີ ເຊິ່ງຖືເປັນອາຫານທີ່ມີປະໂຫຍດ ແລະ ຄຸນຄ່າແກ່ຮ່າງກາຍຂອງເຮົາຢ່າງຍິ່ງ ທັງຍັງເປັນການກຳຈັດສານພິດທີ່ຕົກຄ້າງຕ່າງໆອອກຈາກຮ່າງກາຍໄດ້ນຳອີກ.

     + ອັດຕາສ່ວນຂອງອາຫານຊີວະຈິດມີຫຍັງແດ່ ?

  – ໃນກຸ່ມແປ້ງໃຫ້ກິນເຂົ້າທີ່ບໍ່ຜັດສີ ເຊັ່ນ : ເຂົ້າເໝົ້າ, ເຂົ້າກໍ່າ, ເຂົ້າເບລ ຫລື ເຂົ້າຮາງ ແລະ ຫາກຢາກກິນເຂົ້າໜົມປັງ ຫລື ເຂົ້າຈີ່ກໍໃຫ້ເລືອກແບບໂຮຫວີດ ໂດຍໃນກຸ່ມນີ້ໃຫ້ກິນເຄິ່ງໜຶ່ງຂອງແຕ່ລະຄາບ.

     – ໃນກຸ່ມແຮ່ທາດ ແລະ ວິຕາມິນໃຫ້ເລືອກກິນພືດຜັກ – ໝາກໄມ້ຕ່າງໆໃຫ້ເລືອກເປັນແບບອໍແກນິກທີ່ບໍ່ຜ່ານການສີດສານເຄມີ ຕ່າງໆ ໃຫ້ກິນ 1 ໃນ 4 ຂອງອາຫານທີ່ກິນໃນແຕ່ລະຄາບ.

      – ໃນກຸ່ມໂປຣຕິນໃຫ້ເລືອກກິນແກ່ນພືດ, ທັນຍາພືດ ຫລື ຖົ່ວຕ່າງໆປະມານ 15% ຂອງອາຫານແຕ່ລະຄາບ ແລະ ອາດກິນ ໂປຣຕິນຈາກຊີ້ນສັດ ເຊັ່ນ : ປາ ຫລື ໄຂ່ ໃຫ້ໄດ້ 1 – 2 ຄາບຕໍ່ອາທິດ.

       + ປະໂຫຍດທີ່ໄດ້ຈາກການກິນອາຫານຊີວະຈິດມີຫຍັງແດ່ ?

     – ຊ່ວຍກຳຈັດສານເຄມີ ຫລື ສານພິດອັນຕະລາຍຕ່າງໆອອກຈາກຮ່າງກາຍໄດ້ດີ.

     – ຊ່ວຍໃຫ້ແຊນຕ່າງໆພາຍໃນຮ່າງກາຍແຂງແຮງ.

- lattana 1 - ອາຫານຊີວະຈິດມີປະໂຫຍດແນວໃດຕໍ່ສຸຂະພາບ

     – ຊ່ວຍໃຫ້ເລືອດພາຍໃນຮ່າງກາຍໄຫລວຽນໄດ້ດີຂຶ້ນ ແລະ ເລືອດມີການຖືກຟອກໃຫ້ສະອາດ.

    – ຊ່ວຍໃຫ້ມີອາຍຸຍືນຂຶ້ນ ເພາະແຊນຕ່າງໆພາຍໃນຮ່າງກາຍຈະເສື່ອມຊ້າລົງ.

   – ຊ່ວຍບໍ່ໃຫ້ເຖົ້າໄວ ເພາະເກີດການສ້າງເນື້ອເຍື່ອ ແລະ ຄໍລາເຈັນພາຍໃນຜິວໜັງ ເຮັດໃຫ້ແຊນບໍ່ເສື່ອມສະພາບໄວ.

     – ຊ່ວຍໃຫ້ຜິວໜັງສົດໃສ ເພາະມີສານຕ້ານອະນຸມູນອິດສະລະຢູ່ຫລາຍ.

     – ຊ່ວຍໃຫ້ລະບົບຂັບຖ່າຍດີຂຶ້ນ ເຮັດໃຫ້ຂອງເສຍຕ່າງໆພາຍໃນຮ່າງກາຍຫລຸດອອກມາ.

     – ຊ່ວຍໃຫ້ລຳໄສ້ ແລະ ກະເພາະເຮັດວຽກໄດ້ດີຂຶ້ນ ບໍ່ຕ້ອງເຮັດວຽກໜັກ ເນື່ອງຈາກເປັນອາຫານທີ່ຍ່ອຍງ່າຍ ບໍ່ໜັກທ້ອງ.

     – ຊ່ວຍປ້ອງກັນພະຍາດຕ່າງໆໄດ້ດີ ບໍ່ວ່າຈະເປັນພະຍາດຫົວໃຈ, ພະຍາດມະເຮັງ, ຄວາມດັນເລືດສູງ, ເບົາຫວານ, ພະຍາດຂໍ້ ເປັນຕົ້ນ.

  ເຊິ່ງໃນປະຈຸບັນມີຜູ້ນິຍົມຫັນມາບໍລິໂພກອາຫານປະເພດຊີວະຈິດຫລາຍຂຶ້ນ ເນື່ອງຈາກດີຕໍ່ຮ່າງກາຍ ເຮັດໃຫ້ບໍ່ເຈັບໄຂ້ໄດ້ປ່ວຍ ງ່າຍ ທັງຍັງເຮັດໃຫ້ຜິວມີສຸຂະພາບດີນຳ ເອີ້ນໄດ້ວ່າເປັນອາຫານສຳລັບຄົນຮັກສຸຂະພາບທັງຮ່າງກາຍ ແລະ ຈິດໃຈ ເພາະອາ ຫານຊີວະຈິດເປັນອາຫານທີ່ໄດ້ຈາກທຳມະຊາດຈຶ່ງເຮັດໃຫ້ບໍ່ມີສານພິດເຈືອປົນ ແຕ່ການກິນແບບຊີວະຈິດນີ້ອາດຈະຕ້ອງລະວັງໃນເລື່ອງການຂາດສານອາຫານ ທັງນີ້ການກິນອາຫານປະເພດຊີວະຈິດຄວນຄຳນຶງເຖິງເລື່ອງອາຍຸທີ່ເໝາະສົມ ລວມທັງປະລິມານການກິນນຳ ຈຶ່ງຈະໄດ້ປະໂຫຍດຢ່າງແທ້ຈິງ.

error: Content is protected !!