ຕັບຂອງທ່ານກຳລັງບໍ່ສະບາຍຢູ່ 15 ອາການນີ້ຈະບົ່ງບອກໄດ້

- advert banner 728 90 728x90 - ຕັບຂອງທ່ານກຳລັງບໍ່ສະບາຍຢູ່ 15 ອາການນີ້ຈະບົ່ງບອກໄດ້


- new3 - ຕັບຂອງທ່ານກຳລັງບໍ່ສະບາຍຢູ່ 15 ອາການນີ້ຈະບົ່ງບອກໄດ້

     1. ຕາເຫລືອງ : ເພາະເລືອດມີປະລິມານບິລິຣູບິນ(Bilirubin)ຫລາຍເກີນໄປ ຍ້ອນຕັບເຮັດວຽກບໍ່ສົມບູນເຮັດໃຫ້ (Bilirubin) ສະສົມຢູ່ໃນກະແສເລືອດ ແລະ ມີໂອກາດເຂົ້າໄປຈັບໂຕກັບເນື້ອເຍື່ອຕ່າງໆ ເຮັດໃຫ້ເກີດອາການຕາຂາວກາຍເປັນຕາສີເຫລືອງ ຫລື ຫາກອາການໜັກຫລາຍໂຕກໍອາດເປັນສີເຫລືອງໄປນຳ.

     2. ຕາຂາວມີເສັ້ນເລືອດປະກົດ : ເມື່ອຕັບເຮັດວຽກບົກພ່ອງ ຫລື ເຮັດວຽກໜັກເກີນໄປ ອາດສົ່ງສັນຍານມາເຖິງຮ່າງກາຍເຮັດໃຫ້ມີອາການຕາແດງ, ມີເສັ້ນເລືອດຂຶ້ນຕາຂາວຢ່າງເຫັນໄດ້ຈະແຈ້ງ ເຖິງວ່າຈະບໍ່ໄດ້ໃຊ້ງານສາຍຕາຫລາຍເລີຍກໍຕາມ.

     3. ນຳ້ຕາໄຫລຕະຫລອດເວລາ : ຕາມການປິ່ນປົວຂອງແພດແຜນຈີນຈະຖືວ່າດວງຕາເປັນປະຕູໜ້າຂອງຕັບ ສະນັ້ນ ຫາກເກີດຄວາມຜິດປົກກະຕິຕໍ່ດວງຕາ ຫລື ຢູ່ດີໆກໍມີນຳ້ຕາໄຫລຕະຫລອດເວລາ ໂດຍທີ່ບໍ່ໄດ້ເກີດຈາກຄວາມຮູ້ສຶກໃດໆ ຫລື ບໍ່ມີປັດໄຈກະຕຸ້ນໃຫ້ດວງຕາລະຄາຍເຄືອງ ແບບນີ້ຈະສະແດງວ່າຕັບກຳລັງສົ່ງສັນຍານຮ້ອງຂໍຄວາມຊ່ວຍເຫລືອຢູ່.

     4. ໜ້າໝອງຄຳ້ : ຫາກຕັບເຮັດວຽກໄດ້ບໍ່ເປັນປົກກະຕິ ບໍ່ສາມາດໄລ່ສານພິດອອກຈາກຮ່າງກາຍໄດ້ຢ່າງທີ່ຄວນຈະເປັນ ອາດມີອາການໃບໜ້າໝອງຄຳ້ ບໍ່ສົດໃສໃຫ້ເຫັນ ໂດຍສະເພາະຫາກມີເສັ້ນເລືອດໂນນຂຶ້ນມາກາງຄິ້ວ ຫລື ຂະໝັບ ອາການນີ້ອ່າວຈະແຈ້ງວ່າອາການມາຈາກຕັບ.

     5. ຫລອດເລືອດດຳກ້ອງກົກລີ້ນຂອດ : ຫາກຫລອດເລືອດດຳ 2 ເສັ້ນບໍລິເວນກ້ອງກົກລີ້ນມີລັກສະນະຄຳ້ຜິດປົກກະຕິ, ໃຄ່ໂພງ ຫລື ຂົດງໍຜິດຮູບ ອາດເປັນໄປໄດ້ວ່າລະບົບໝູນວຽນເລືອດກຳລັງມີບັນຫາທີ່ອາດມີຕົ້ນຕໍມາຈາກການເຮັດວຽກບົກພ່ອງຂອງຕັບ.

     6. ເລັບບາງຫັກງ່າຍ : ເມື່ອຕັບເຮັດວຽກໄດ້ບໍ່ເຕັມທີ່ ສະແດງວ່າຮ່າງກາຍເຮົາອາດໄດ້ຮັບສານອາຫານທີ່ບໍ່ພຽງພໍໄປນຳ ເພາະຢ່າລືມວ່າຕັບຈະຊ່ວຍກັ່ນຕອງສານອາຫານເພື່ອປ້ອນເຂົ້າສູ່ຮ່າງກາຍອີກເທື່ອໜຶ່ງ ຍ້ອນເຫດນີ້ໃນຄົນປ່ວຍພະຍາດຕັບອາດມີອາການເລັບບາງຫັກງ່າຍນຳ.

     7. ຜິວກໍ່າຊຳ້ງ່າຍ : ຕັບເຮັດວຽກໄດ້ບໍ່ດີ ການໝູນວຽນຂອງເລືອດກໍຍ່ອມມີບັນຫາ ເຊິ່ງຈຸດນີ້ອາດເຮັດໃຫ້ເສັ້ນເລືອດບາງ, ບໍ່ແຂງແຮງ ຈົນກາຍເປັນຄົນມີຜິວກໍ່າຊຳ້ງ່າຍ ຖືກຫຍັງໜ້ອຍໜຶ່ງກໍຊຳ້ ຫລື ມີເລືອດອອກງ່າຍ.

      8. ເລືອດອອກຢູ່ເຫືອກ : ເບິ່ງຄ້າຍຄືພະຍາດເຫືອກທີ່ເກີດຈາກບັນຫາສຸຂະພາບປາກ ແລະ ແຂ້ວ, ແຕ່ຫາກໄປພົບທັນຕະແພດແລ້ວ ຍັງປິ່ນປົວບໍ່ເຊົາ ນັ້ນອາດບອກໄດ້ວ່າຕັບກຳລັງມີບັນຫາ ໂດຍອາດມີອາການຕັບອັກເສບ ຫລື ເປັນພະຍາດຕັບແຂງ.

- lattana 1 - ຕັບຂອງທ່ານກຳລັງບໍ່ສະບາຍຢູ່ 15 ອາການນີ້ຈະບົ່ງບອກໄດ້

     9. ອ່ອນເພຍ ເມື່ອຍງ່າຍ : ຫາກມີອາການອ່ອນເພຍເປັນປະຈຳ ເຮັດຫຍັງກໍເມື່ອຍງ່າຍ ທັງຍັງມີອາການເບື່ອອາຫານ, ນຳ້ໜັກຫລຸດ ແລະ ຮາກຮ່ວມນຳ ແບບນີ້ຄວນໄປກວດເລືອດເພື່ອຫາສາເຫດຂອງຄວາມຜິດປົກກະຕິທີ່ຈະ ແຈ້ງ ເພາະທ່ານອາດສ່ຽງເປັນພະຍາດຕັບ ຫລື ມະເຮັງຕັບໄດ້.

     10. ເຈັບທ້ອງໂດຍບໍ່ຮູ້ສາເຫດ:ອາການເຈັບທ້ອງແບບລະບຸຕຳແໜ່ງບໍ່ໄດ້ຈະແຈ້ງ ຫລື ມີອາການເຈັບທ້ອງຕະຫລອດໂດຍບໍ່ຮູ້ສາເຫດອາດເປັນສັນຍານເຕືອນວ່າ ຕັບກຳລັງມີບັນຫາ, ມີຄວາມສ່ຽງເປັນມະເຮັງໃນທໍ່ນຳ້ບີ ແລະ ມະເຮັງຕັບໄດ້.

     11. ຍ່ຽວເປັນສີຄຳ້ : ເຖິງວ່າຈະດື່ມນຳ້ຫລາຍແລ້ວແຕ່ຍ່ຽວກໍຍັງມີສີຄຳ້ ແບບນີ້ໃຫ້ສັງເກດໂຕເອງໃຫ້ດີວ່າມີອາການບົ່ງບອກອື່ນໆ ເຊັ່ນ : ຕາເຫລືອງ, ຜິວເຫລືອງ ຮ່ວມນຳຫລືບໍ່.

     12. ຜິວແຫ້ງ ຄັນຕາມຕົວໂຕ: ເມື່ອຜິວຂາດຄວາມຊຸ່ມຊື່ນ ແລະ ສານອາຫານຍ້ອນຕັບເຮັດວຽກໄດ້ບໍ່ເຕັມທີ່ ກໍອາດເຮັດໃຫ້ເກີດອາການຜິວແຫ້ງເຄັ່ງ ນຳມາເຊິ່ງອາການຄັນຕາມຕົນໂຕລຳດັບຕໍ່ໄປ.

     13. ຍື່ງທ້ອງ ແໜ້ນທ້ອງ ອາຫານບໍ່ຍ່ອຍ : ເມື່ອຕັບມີປະສິດທິພາບການເຮັດວຽກຫລຸດລົງ ລະບົບເຜົາຜານຂອງເຮົາຈະຫລຸດລົງໄປນຳ ສົ່ງຜົນໃຫ້ອາຫານທີ່ກິນເຂົ້າໄປບໍ່ຍ່ອຍ ກໍ່ໃຫ້ເກີດອາການຍື່ງທ້ອງ ແໜ້ນທ້ອງໄດ້.

     14. ທ້ອງໃຫຍ່ ຕີນບວມ : ຍ້ອນການດູດຊຶມຂອງຕັບປະສິດທິພາບຫລຸດລົງ ຈຶ່ງເຮັດໃຫ້ມີອາການທ້ອງບວມ, ຂາບວມ ແລະ ຫາກມີໄຂ້ຊຳ້ເຮື້ອຮ່ວມນຳ ອັນນີ້ສົ່ງສັນຍານອັນຕະລາຍຫລາຍຂຶ້ນ ໃຫ້ຟ້າວໄປພົບແພດເພື່ອກວດບົ່ງມະຕິໃຫ້ຈະແຈ້ງ.

     15. ບຸກຄະລິກ ຫລືື ຮູບແບບການໃຊ້ຊີວິດປ່ຽນໄປ : ບາງຄົນອາດມີອາການຫລົງລືມງ່າຍຂຶ້ນ, ບໍ່ມີສະຕິ, ປ່່ຽນເວລານອນ ຫລື ເບິ່ງບໍ່ຄືຄົນເກົ່າໄດ້ ນັ້ນເປັນຍ້ອນສານພິດຕົກຄ້າງຢູ່ໃນຮ່າງກາຍຈົນໄຫລວຽນບໍ່ດີ, ອົກຊີແຊນທີ່ມີໃນຮ່າງກາຍກໍໜ້ອຍລົງ ສົ່ງຜົນໃຫ້ເກີດຄວາມຜິດປົກກະຕິຕໍ່ບຸກຄະລິກ ແລະ ການດຳລົງຊີວິດໃນບາງພາກສ່ວນ.

    15 ອາການສົ່ງສັນຍານພະຍາດຕັບດັ່ງກ່າວອາດເປັນພຽງຂໍ້ສັງເກດໃນເບື້ອງຕົ້ນເທົ່ານັ້ນ ແຕ່ຫາກບໍ່ແນ່ໃຈວ່າໂຕເອງມີຄວາມ ສ່ຽງພະຍາດຕັບຫລາຍໜ້ອຍປານໃດ ແນະນຳໃຫ້ໄປກວດກັບແພດໂດຍກົງຈະດີກ່ວາ.

error: Content is protected !!