ກຳປູເຈຍຢຶດງາຊ້າງອາຟຣິກາກວ່າ 3 ໂຕນ ຫລາຍເປັນປະຫວັດສາດ

- advert banner 728 90 728x90 - ກຳປູເຈຍຢຶດງາຊ້າງອາຟຣິກາກວ່າ 3 ໂຕນ ຫລາຍເປັນປະຫວັດສາດ

      ​ເຈົ້າໜ້າ​ທີ່​ພາສີ-ອາກອນ​ກຳປູ​ເຈຍ ຖ​ະ​ແຫລ​ງ​ໃນ​ວັນ​ທີ 16 ທັນວາ​ວ່າ: ກຳປູ​ເຈຍ​ຢຶດງາ​ຊ້າງ​ນ້ຳໜັກ​ຫລາຍ​ກວ່າ 3,2 ​ໂຕນ ທີ່​​ເຊື່ອງ​ຢູ່​ໃນ​ຕູ້​ເກັບ​ສິນຄ້າ ​ເຊິ່ງສົ່ງ​ມາ​ຈາກ​ໂມ​ຊຳ​ບິ​ກ. ຖື​ເປັນ​ການ​ຢຶດງາ​ຊ້າງ​ໄດ້​ຫລາຍ​ທີ່​ສຸດ​ໃນ​ກຳປູ​ເຈຍ.

      ​ເຈົ້າໜ້າ​ທີ່​ກຳປູ​ເຈຍ​ເປີດ​ເຜີຍ​ວ່າ: ກຳປູ​ເຈຍ​ກວດ​ພົບ​ງາ​ຊ້າງ 1.026 ອັນ ​ໄດ້​ຢູ່​ທ່າ​ເຮືອ​ພະນົມ​ເປັນ ຫລັງ​ໄດ້​ຮັບ​ແຈ້ງ​ຂ່າວ​ຈາກ​ສະຖານທູດ​ອາ​ເມ​ລິ​ກາ ​ເຊິ່ງ​ສະ​ແດງ​ວ່າ: ກຳປູ​ເຈຍ​ກາຍ​ເປັນ​ເສັ້ນທາງ​ຫລັກ​ໃນ​ພາກພື້ນຂອງ​ການ​ລັກລອບ​ຂົນ​ສົ່ງ​ສິນຄ້າ​ສັດປ່າ​ຜິດ​ກົດໝາຍ​ມູນ​ຄ່າ​ຫລາຍ​ລ້ານ​ໂດ​ລາ. ຫົວໜ້າ​ຫ້ອງການ​ພາສີ-ອາກອນ ຢູ່​ທ່​າ​ເຮືອ​ພະນົມ​ເປັນ ຖະ​ແຫລ​ງວ່າ: ງາ​ຊ້າງ​ເຊື່ອງ​ປົນ​ຢູ່​ກັບ​ຫີນ​ອ່ອນ ພາຍ​ໃນ​ຕູ້​ສິນຄ້າ​ທີ່​ປະ​ໄວ້ ຫລັງ​ສົ່ງ​ມາ​ຈາກ​ໂມ​ຊຳ​ບິ​ກ ປະ​ເທດ​ທາງ​ໃຕ້​ຂອງ​ພາກພື້ນອາ​ຟຣິກາ ​ແລະ ມາ​ເຖິງ​ທ່າ​ເຮືອ​ພະນົມ​ເປັນ​ແຕ່ປີຜ່ານມາ, ສ່ວນ​ເຈົ້າຂອງ​ສິນຄ້າ​ບໍ່​ໄດ້​ລະບຸ​ຊື່, ບໍ່​ໄດ້​ມາ​ຮັບ​ເຄື່ອງ​ທີ່​ສົ່ງ​ມາ. ​ເຈົ້າໜ້າ​ທີ່​ກຳປູ​ເຈຍ​ຍັງ​ບໍ່​ຮູ້​ວ່າ: ງາ​ຊ້າງ​ດັ່ງກ່າວ​ມີ​ເປົ້າໝາຍ​ໄປ​ປະ​ເທດ​ໃດ.

- lattana 1 - ກຳປູເຈຍຢຶດງາຊ້າງອາຟຣິກາກວ່າ 3 ໂຕນ ຫລາຍເປັນປະຫວັດສາດ
- 1 1 - ກຳປູເຈຍຢຶດງາຊ້າງອາຟຣິກາກວ່າ 3 ໂຕນ ຫລາຍເປັນປະຫວັດສາດ
error: Content is protected !!