ເຊົາເກດ ຄວ້າລາງວັນຄູຝຶກດີເດັ່ນ 2018

- news201812171436734 - ເຊົາເກດ ຄວ້າລາງວັນຄູຝຶກດີເດັ່ນ 2018
- Untitled design - ເຊົາເກດ ຄວ້າລາງວັນຄູຝຶກດີເດັ່ນ 2018

     ​ແກ​ເຣັດ ​ເຊົາ​ເກດ ຜູ້​ຈັດການ​ທີ​ມຊາດ​ອັງກິດ ​ໄດ້​ຮັບ​ລາງວັນ​ຄູ​ຝຶກ​ດີ​ເດັ່ນ​ປະຈຳ​ປີ 2018 ຂອງ BBC ຫລັງ​ຈາກ​ສ້າງ​ຜົນງານ​ໄດ້​ໂດດ​ເດັ່ນ.

     ​ແກ​ເຣັດ ​ເຊົາ​ເກດ ຜູ້​ຈັດການ​ທີ​ມຊາດ​ອັງກິດ ​ໄດ້​ຮັບ​ລາງວັນ​ຄູ​ຝຶກ​ດີ​ເດັ່ນ​ປະຈຳ​ປີ 2018 ​ໃນ​ງານ​ມອບ​ລາງວັນ​ໃຫ້​ຄົນ​ວົງ​ການ​ກິລາ​ສະຫະຣາຊະ​ອານາຈັກ​ຂອງ​ BBC ສື່​ຊື່​ດັງ​ຂອງ​ປະ​ເທດ​ອັງກິດ ຫລັງ​ຈາກ​ທີ່​ລາວ​ພາ​ທີ​ມຊາດ​ອັງກິດ​ສ້າງ​ຜົນງານ​ໄດ້​ໂດດ​ເດັ່ນ.

     ຫລາຍ​ຄົນ​ບໍ່​ໄດ້​ຕັ້ງຄວາມ​ຫວັງ​ສູງຕໍ່ ​ເຊົາ​ເກດ ​ໃນ​ຕອນ​ທີ່​ລາວ​ໄດ້​ຮັບ​ການ​ແຕ່ງຕັ້ງ​ໃຫ້​ເປັນ​ຜູ້​ຈັດການ​ທີ​ມ, ​ແຕ່​ອະດີດ​ກອງ​ຫລັງ​ຊາວ​ອັງກິດ​ສ້າງ​ຜົນງານ​ໄດ້​ເໜືອ​ຄວາມ​ຄາດໝາຍ ​ດ້ວຍ​ການ​ພາ​ທີ​ມ​ໄປ​ເຖິງ​ຮອບ​ຮອງ​ຊະນະ​ເລີດ​ຂອງ​ບານ​ເຕະ​​ໂລ 2018 ​ໂດຍ​ຖື​ເປັນຄັ້ງທຳ​ອິດ​ນັບ​ແຕ່​ປີ 1990 ທີ່​ອັງກິດ​ໄປ​ເຖິງ​ຮອບ​ດັ່ງກ່າວ ກ່ອນ​ສຸດ​ທ້າຍ​ທີ​ມຂອງ ​ເຊົາ​ເກດ ຈະ​ໄດ້​ອັນ​ດັບ 4 ​ໄປ​ຄອງ.

- Wave100S AD to Website 2020 0 - ເຊົາເກດ ຄວ້າລາງວັນຄູຝຶກດີເດັ່ນ 2018

       ນອກຈາກ​ນີ້ ​ເຊົາ​ເກດ ຍັງ​ສາມາດ​ພາ​ທີ​ມ​ແຊ້ມ​ໂລກ 1 ສະ​ໄໝ ຜ່ານ​ເຂົ້າສູ່​ຮອບ​ຮອງ​ຊະນະ​ເລີດ​ຂອງ ຢູຟາ ​​ເນ​ຊັນ ລີກ ລີກ A ​ໄດ້​ນຳ​ອີກ ຫລັງ​ຈາກ​ເປັນ​ແຊ້ມຂອງກຸ່ມ 4 ທັງ​ທີ​ພວກ​ເຂົາ​ຕ້ອງ​ຢູ່​ຮ່ວມ​ກຸ່ມ​ກັບ ສະ​ເປ​ນ ​ແລະ ​ໂຄຣ​ເອ​ເຊຍ ​ໂດຍ​ໃນ​ຮອບ​ຕັດ​ເຊືອກ​ນັ້ນ ອັງກິດ ຕ້ອງ​ພົບ​ກັບ ຮອລ​ແລນ ​ໄລຍະ​ເດືອນ​ມິຖຸນາ​ປີໜ້າ.

       ນີ້​ຖື​ເປັນຄັ້ງທີ 9 ທີ່​ລາງວັນ​ນີ້​ຕົກ​ເປັນ​ຂອງ​ຄົນ​ໃນ​ວົງ​ການ​ບານ​ເຕະ ​ໂດຍ​ຜູ້​ຈັດການ​ທີ​ມ​ໃນ​ວົງ​ການ​ບານ​ເຕະ​ທີ່​ເຄີຍ​ໄດ້​ລາງວັນ​ນີ້​ມີ​ທັງ ​ເຊີ ອາ​ເລັກ ​ເຟີ​ກູ​ສັນ, ອາຣ​ແຊນ ​ເວນ​ເກີ, ​ໂຊ​ເຊ ມູຣິນ​ໂຢ, ຟາ​ບິ​ໂອ ຄາ​ເປ​ລ​ໂລ່, ​ເຄລາ​ດິ​ໂອ ຣານິ​ເອ​ເຣີ, ສະ​ເວນ-​ໂກຣັນ ອິຣິກສັນ ​ແລະ ​ໄມ​ເຄິລ ​ໂອ​ນີລ.

- WhatsApp Image 2020 05 27 at 5 - ເຊົາເກດ ຄວ້າລາງວັນຄູຝຶກດີເດັ່ນ 2018
- WhatsApp Image 2020 05 27 at 5 - ເຊົາເກດ ຄວ້າລາງວັນຄູຝຶກດີເດັ່ນ 2018
error: Alert: ເນື້ອຫາຂ່າວມີລິຂະສິດ !!