ຈອນ ຮິກກິນ ເລີ່ມຮູ້ສຶກຢາກລາ ວົງການອາຊີບສະນຸກເກີ

- advert banner 728 90 728x90 - ຈອນ ຮິກກິນ ເລີ່ມຮູ້ສຶກຢາກລາ ວົງການອາຊີບສະນຸກເກີ

      ຖື​ເປັນ​ເລື່ອງສະ​ເທືອ​ນຄົນ​ໃນ​ວົງ​ການ​ສະນຸກ​ເກີ ຫລັງ​ຈາກ ຈອນ ຮິ​ກກິນ ນັກ​ສະນຸກ​ເກີ​ມື 4 ຂອງ​ໂລກ​ຈາກ​ສະ​ກອດ​ແລນ ອອກ​ມາ​ໃຫ້​ສຳພາດ​ໃນ​ລະຫວ່າງ​ການ​ແຂ່ງຂັນ​ລາຍການ​ສະ​ກອດ​ໂອ​ເພັນ 2018 ວ່າ: ອາດ​ຈະ​​ເລີກ​ຫລິ້ນຫລັງ​ຈົບ​ລະດູ​ການ​ນີ້ ຖ້າ​ໝົດ​ຄວາມ​ທ້າ​ທາຍ.

      ທັງ​ທີ​ໃນ​ລະຫວ່າງ​ການ​ແຂ່ງຂັນ​ລາຍການ​ນີ້ ​ເຊິ່ງ​ແຂ່ງຂັນ​ຢູ່​ປະ​ເທດ​ບ້ານ​ເກີດ​ຂອງ​ຕົນ​ເອງ ນັກ​ສະນຸ​ກ​ເກີ​ໄວ 43 ປີ ສາມາດ​ເຮັດ​ແມັກ​ຊີ​ມຳ​ເບຣກທີ 9 ຂອງ​ຕົນ​ເອງ​​ໃນ​ການ​ແຂ່ງຂັນ​ຮອບ 2 ທີ່​ເອົາ​ຊະນະ ​ເຈີຣາດ ກຣີນ ມື 73 ຂອງ​ໂລກ​ຈາກ​ໄອຣ​ແລນ​ເໜືອ 4-0 ​ເຟຣມ ​ແລະ ຍັງ​ມີ​ຜົນງານ​ຢູ່​ອັນ​ດັບ​ຕົ້ນໆ​ຂອງ​ໂລກ​ນຳ​ອີກ ​ໂດຍ​ສະ​ເພາະ​ໃນ​ການ​ແຂ່ງຂັນ​ຊີງ​ແຊ້ມ​ໂລກ 2 ຄັ້ງຫລັງ​ສຸດ ສາມາດ​ຜ່ານ​ເຂົ້າສູ່​ຮອບ​ຊີງ​ຊະນະ​ເລີດ​ໄດ້​ທັງ 2 ຄັ້ງ ​ເຖິງ​ວ່າ​ຈະ​ໄດ້​ພຽງ​ຮອງ​ແຊ້ມທັງ 2 ຄັ້ງກໍ​ຕາມ.

      ສາ​ເຫດ​ທີ່​ເຮັດ​ໃຫ້​ເລີ່​ມຮູ້ສຶກ​ຢາກ​ລາ​ອາຊີບ​ນັ້ນ ​ເຈົ້າຂອງ​ແຊ້ມທຣິບ​ເປິ້ນຄຣາວ 9 ລາຍການ ກ່າວ​ວ່າ: ຄວາມ​ຮູ້ສຶກ​ນີ້​ເກີດ​ຂຶ້ນ​ໃນ​ເດືອນ​ກ່ອນ ​ເມື່ອ​ເກີດ​ຄວາມ​ຄິດ​ຢາກ​ຢູ່​ກັບ​ຄອບຄົວ​​ໃຫ້​ຫລາຍ​ຂຶ້ນ. ນອກຈາກ​ນີ້ ​ເລີ່​ມຮູ້ສຶກ​ເບື່ອ​ກັບ​ການ​ເດີນທາງ​ໄປ​ແຂ່ງຂັນ.

- 1 1 - ຈອນ ຮິກກິນ ເລີ່ມຮູ້ສຶກຢາກລາ ວົງການອາຊີບສະນຸກເກີ
- lattana 1 - ຈອນ ຮິກກິນ ເລີ່ມຮູ້ສຶກຢາກລາ ວົງການອາຊີບສະນຸກເກີ

      ກ່ອນ​ໜ້າ​ນີ້ ມີ​ນັກ​ສະນຸກ​ເກີ​ຫລາຍ​ຄົນ​ຕັດສິນ​ໃຈ​ລາ​ວົງ​ການ​ສະນຸກ​​ເກີ​ໂລກ ​ເຊິ່ງສ່ວນ​ຫລາຍ​ຕັດສິນ​ໃຈ​ເພາະ​ຟອມການ​ຫລິ້ນຫລຸດ​ລົງ​ຕາມ​ອາຍຸ ຈົນ​ຫລຸດ​ທົວ​ໄປ​ເອງ (ບໍ່​ຕິດ​ອັນ​ດັບ 1-64 ຂອງ​ໂລກ) ພ້ອມ​ບໍ່​ໄດ້​ສິດ​ລົງ​ແຂ່ງຂັນ​ຕໍ່​ໃນ​ລະດູ​ການ​ຕໍ່​ໄປ. ມີ​ພຽງ ສະຕີ​ເຟ່ນ ​ເຣນດຣີ້ ຕຳນານ​ນັກ​ສະນຸກ​ເກີ​ຊາວ​ສະ​ກອດ​ພຽງ​ຄົນ​ດຽວ​ເທົ່າ​ນັ້ນທີ່​ຕັດສິນ​ໃຈ​ລາ​ອາຊີບ​ໃນ​ຕອນ​ທີ່​ລາວ​ຍັງ​ຢູ່​ໃນ​ອັນ​ດັບ 1-16 ຂອງ​ໂລກ ​ໃນ​ລະຫວ່າງ​ການ​ແຂ່ງຂັນ​ຊີງ​ແຊ້ມ​ໂລກ​ໃນ​ປີ 2012.

error: Content is protected !!