ການ​ຄ້າອອນ​ລາຍມີຂໍ້​ດີ ​ແລະ ຂໍ້​ເສຍ​​ແນວ​ໃດ?

- c4ea - ການ​ຄ້າອອນ​ລາຍມີຂໍ້​ດີ ​ແລະ ຂໍ້​ເສຍ​​ແນວ​ໃດ?
- Untitled design - ການ​ຄ້າອອນ​ລາຍມີຂໍ້​ດີ ​ແລະ ຂໍ້​ເສຍ​​ແນວ​ໃດ?

​    ໃນ​ປັດຈຸບັນ, ການ​ຄ້າຂາຍ​ອອນ​ລາຍນັບ​ມື້​ມີບົດບາດຫລາຍ​ຂຶ້ນ​ເລື້ອຍໆ, ​ເນື່ອງ​ຈາ​ກວ່າ​ອິນ​ເຕີ​ເນັດ​ມີ​ຄວາມ​ສຳຄັນ​ເຂົ້າ​ມາຕິດ​ພັນ​ກັບ​ຊີວິດ​ປະຈຳ​ວັນຂອງ​ຄົນ​ເຮົາ​ຫລາຍ​ຂຶ້ນ ​ແລະ ​ເຮັດ​ໃຫ້​ເກີດ​ມີທຸລະ​ກິດ​ອອນ​ລາຍ ຫລື ​ການ​ຂາຍສິນຄ້າ​ຕ່າງໆຜ່ານອອນ​ລາຍ. ດັ່ງ​ນັ້ນ, ການ​ຂາຍ​ອອນ​ລາຍ​ຈຶ່ງ​ເປັນ​ທີ່​ສົນ​ໃຈ​ຂອງ​ຫລາຍໆຄົນ ​ແລະ ການ​ຂາຍ​ດັ່ງກ່າວສາມາດ​ຫາ​ລາຍ​ໄດ້​ໃຫ້​​ຕົນ​ເອງດີ​ຂຶ້ນ​ ​ແຕ່​ຄຽງຄູ່​ກັນ​ນັ້ນ ​ການ​ຂາຍ​ອອນ​ລາຍກໍມີຫລາຍຂໍ້ເສຍທີ່ພໍ່ຄ້າ-ຊາວ​ຂາຍ ມືໃໝ່ຍັງບໍ່ທັນຮູ້​ເຖິງ.

    ຈາກ​ປະສົບ​ການ​ຕົວ​ຈິງທີ່​ເຄີຍ​ພົບ​ພໍ້​ມາ​ແລ້ວ ການ​ຄ້າ​ດັ່ງກ່າວ​ຂໍ້​ດີ​ກໍ​ມີ​ຄື:​ ບໍ່ຈຳ​ເປັນ​ຕ້ອງ​ມີໜ້າຮ້ານ​ກໍ​ສາມາດ​ຂາຍ​ສິນຄ້າ​ໄດ້, ບໍ່ຕ້ອງ​​ໄດ້ເຊົ່າ​ພື້ນ​ທີ່ ທີ່​ມີ​ລາຄາ​ແພງ, ສາມາດ​ຂາຍ​ສິນຄ້າ​ໄດ້ 24 ຊົ່ວ​ໂມງ, ລົງ​ທຶນໜ້ອຍ ​ແຕ່​ມີ​ກຳ​ໄລ​ສູງ, ສິນຄ້າ​ສາມາດ​ກະຈາຍ ຂາຍ​ໄດ້​ທົ່ວ​ປະ​ເທດ, ​​ເຂົ້າ​ເຖິງ​ກຸ່ມ​ເປົ້າໝາຍ​ໄດ້​ຫລາກຫລາຍ, ສາມາດ​ໂອ້​ລົມ​ກັບ​ລູກ​ຄ້າ​ໄດ້​ໂດຍ​ກົງ, ສາມາດ​ຈ່າຍ​ເງິນ​ໄດ້​ຫລາຍ​ແບບ ​ແລະ ມີ​ລະບົບ​ທະນາຄານ​ອອນ​ລາຍຄື: BCEL One ກັບ JDB Yes, ປະ​ຢັດ​ງົບປະມານ​ໃນການ​ຈ້າງ​ພະນັກງານ​ຂາຍ  ພ້ອມ​ທັງມີ​ຊ່ອງ​ທາງ​ການ​ຂາຍ​ທີ່​ຫລາຍ​ຂຶ້ນ​ຄື: ​ເຟສບຸກ (Facebook), ວີ​ແຊັດ (Wechat), ລາຍ (Line), ເວັບ​ໄຊ (website) ​ແລະ ອິນ​ສະຕາ​ແກມ (Instagram) ​ ​ເປັນ​ຕົ້ນ.

    ​ຂໍ້​ເສຍ​ຂອງ​ການ​ຂາຍ​ອອນ​ລາຍ ​ແມ່ນ​ມີຄວາມ​ສ່ຽງຕໍ່ການ​ຖືກ​ລູກ​ຄ້າ​ປະຕິ​ເສດສິນຄ້າ, ມີ​ຂໍ້​ຈຳກັດ​ເລື່ອງ​​​ເວລາຂອງ​​ການ​ສົ່ງ​ສິນຄ້າ​ໃນເວລາ​ທີ່ລູກ​ຄ້າ​ຕ້ອງການ​ສິນຄ້າ​ໄວ, ​ເຊິ່ງ​ແຕກ​ຕ່າງ​ກັບ​ການ​ຊື້​ຢູ່​ຕາມ​ຫ້າງ​ຮ້ານ​ຕ່າງໆ ທີ່​ຊື້​ແລ້ວ​ສາມາດ​ຈັບ​ເລືອກ​ໄດ້​ທັນທີ, ມີ​ການ​ແຂ່ງຂັນ​​​ເຊິ່ງກັນ ​ແລະ​ ກັນ, ​ໃຜໆກໍ​ຢາກ​ຂາຍ​ອອນ​ລາຍ ​ແລະ ຢາກ​ຫາ​ລາຍ​ໄດ້​ເສີມ. 

- Wave100S AD to Website 2020 0 - ການ​ຄ້າອອນ​ລາຍມີຂໍ້​ດີ ​ແລະ ຂໍ້​ເສຍ​​ແນວ​ໃດ?

ສຳລັບ ຜູ້​ທີ່​ມັກ​ຮັກ​ໃນ​ການຄ້າຂາຍ​ອອນ​ລາຍຕ້ອງ​ມີ​ເວລາເພື່ອ​ໂປຣ​ໂມ​ດ ສິນຄ້າ​ໃຫ້​ເປັນ​ທີ່​ຮູ້ຈັກ​ຂອງ​ຫລາຍໆ​ຄົນ, ຕ້ອງໝັ່ນ​ໂພດ ​ແລະ ອັບ​ເດດ​ສິນຄ້າ​ຕະຫລອດ, ຕ້ອງ​ຮູ້ນຳ​ໃຊ້​ສຳນວນ​ໂຄສະນາ​ຊວນ​ເຊື່ອ​ເພື່ອ​ດຶງ​ດູດ​ຈິດ​ໃຈ​ຂອງລູກ​ຄ້າ, ຕ້ອງ​ຮູ້​ແກ້ງ​ແຍ່ງແຂ່ງຂັນ​ ​ເພື່ອ​ໃຫ້​ສິນຄ້າ​ຂາຍ​ອອກ​ໄວ ​ແລະ ສ້າງ​ລາຍ​ ຮັບ​ໃຫ້​ແກ່​ຕົນ​ເອງ​ໄດ້​ດີຂຶ້ນ.

- WhatsApp Image 2020 05 27 at 5 - ການ​ຄ້າອອນ​ລາຍມີຂໍ້​ດີ ​ແລະ ຂໍ້​ເສຍ​​ແນວ​ໃດ?
- WhatsApp Image 2020 05 27 at 5 - ການ​ຄ້າອອນ​ລາຍມີຂໍ້​ດີ ​ແລະ ຂໍ້​ເສຍ​​ແນວ​ໃດ?
error: Alert: ເນື້ອຫາຂ່າວມີລິຂະສິດ !!