ໂຮງໝໍ​ມະ​ໂຫສົດ​ຫລັງ​ໃໝ່​ເລີ່​ມລົງມື​ກໍ່ສ້າງ​ແລ້ວ

- New building mahosot hospital - ໂຮງໝໍ​ມະ​ໂຫສົດ​ຫລັງ​ໃໝ່​ເລີ່​ມລົງມື​ກໍ່ສ້າງ​ແລ້ວ
- Untitled design - ໂຮງໝໍ​ມະ​ໂຫສົດ​ຫລັງ​ໃໝ່​ເລີ່​ມລົງມື​ກໍ່ສ້າງ​ແລ້ວ

    ພິທີເປີດ​ການ​ລົງມື​ກໍ່ສ້າງ​ໂຮງໝໍ​ມະ​ໂຫສົດ​ຫລັງ​ໃໝ່ ​ໂດຍ​​ການ​ຊ່ວຍ​ເຫລືອ​ຂອງ​ລັດຖະບານ ສປຈີນ ​ໄດ້​ມີ​ຂຶ້ນ​ໃນ​ວັນ​ທີ 14 ທັນວາ​ນີ້ ທີ່​ໂຮງໝໍ​ດັ່ງກ່າວ, ​ໂດຍ​ມີ​ທ່ານ​ລັດຖະມົນຕີ​ກະຊວງ​ສາທາລະນະ​ສຸກ ດຣ.ບຸນ​ກອງ ສີ​ຫາ​ວົງ ​ແລະ ທ່ານ ວາງຊີ​ຮຸຍ ທີ່ປຶກສາ​ດ້ານ​ເສດຖະກິດ-ການ​ຄ້າ ສະຖານທູດ​ຈີນ​ປະຈຳ​ລາວ ພ້ອມ​ດ້ວຍ​ພາກສ່ວນ​ກ່ຽວຂ້ອງ​ເຂົ້າຮ່ວມ.

      ​ໂຄງການ​ນີ້​ໄດ້​ມີ​ພິທີ​ວາງ​ສີ​ລາ​ລືກມາ​ແລ້ວ​ເມື່ອ​ເດືອນ​ພະຈິກ 2017 ຜ່ານ​ມາ ​ໂດຍ​ໄດ້​ຮັບ​ກຽດ​ຈາກ​ປະທານ​ປະ​ເທດ ບຸນ​ຍັງ ວໍລະ​ຈິດ ​ແລະ ປະທານ​ປະ​ເທດ​ຈີນ ສີ​ຈິ້ນຜິ​ງ.

      ອາຄານ​ໂຮງໝໍ​ມະ​ໂຫສົດ​ຫລັງ​ໃໝ່​ນີ້​ສູງ​ຫລາຍ​ຊັ້ນ, ມີ 600 ຕຽງ ເປັນໂຮງໝໍທີ່ມີ​ເຄື່ອງມື​ທາງ​ການ​ແພດທີ່ທັນສະໄໝ ​ເພື່ອ​ໃຫ້​ສາມາດ​ຮອງ​ຮັບການບໍລິການ​ປິ່ນປົວ​ຄົນ​ເຈັບ​ມີ​ປະສິດທິພາບ​ດີ, ​ໂດຍ​ແມ່ນ​ກຸ່ມ​ບໍລິສັດ​ວິສະວະກຳ​ສາກົນ​ຈົງ​ຢວນຈຳກັດ (IPPR) ​ເປັນ​ຜູ້ຮັບ​ເໝົາ​ກໍ່ສ້າງ ​ແລະ ຈະ​ໃຫ້​ສຳ​ເລັດ​ໃນ​ບໍ່​ເທົ່າ​ໃດ​ປີ​ຕໍ່​ໜ້ານີ້.

      ​ໂຄງການ​ນີ້​, ເປັນ​ອີກ​ສັນຍາ​ລັກ​ປະຫວັດສາດ​ໜຶ່ງ​ຂອງ​ການ​ພົວພັນ​ຮ່ວມ​ມື​ລະຫວ່າງ​ສອງ​ປະ​ເທດ ລາວ-ຈີນ ທີ່​ນັບ​ມື້​ແໜ້ນ​ແຟ້ນຍິ່ງ​ຂຶ້ນ.

- Wave100S AD to Website 2020 0 - ໂຮງໝໍ​ມະ​ໂຫສົດ​ຫລັງ​ໃໝ່​ເລີ່​ມລົງມື​ກໍ່ສ້າງ​ແລ້ວ
- WhatsApp Image 2020 05 27 at 5 - ໂຮງໝໍ​ມະ​ໂຫສົດ​ຫລັງ​ໃໝ່​ເລີ່​ມລົງມື​ກໍ່ສ້າງ​ແລ້ວ
- WhatsApp Image 2020 05 27 at 5 - ໂຮງໝໍ​ມະ​ໂຫສົດ​ຫລັງ​ໃໝ່​ເລີ່​ມລົງມື​ກໍ່ສ້າງ​ແລ້ວ
error: Alert: ເນື້ອຫາຂ່າວມີລິຂະສິດ !!