ສະພາຮັບຮອງເອົາກົດໝາຍວ່າດ້ວຍການລົດໄຟ ສະບັບໃໝ່

- Train law - ສະພາຮັບຮອງເອົາກົດໝາຍວ່າດ້ວຍການລົດໄຟ ສະບັບໃໝ່
- Untitled design - ສະພາຮັບຮອງເອົາກົດໝາຍວ່າດ້ວຍການລົດໄຟ ສະບັບໃໝ່


ໃນກອງປະຊຸມສະໄໝສາມັນ ເທື່ອທີ VI ຂອງສະພາແຫ່ງຊາດ ຊຸດທີ VIII, ຄັ້ງວັນທີ 17 ທັນວານີ້, ໂດຍການເປັນປະທານຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ ແລະ ພາຍຫຼັງທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໄດ້ສະເໜີຮ່າງກົດ

ໝາຍວ່າດ້ວຍການລົດໄຟ ສະບັບສ້າງໃໝ່ ຕໍ່ກອງປະຊຸມວ່າ: ກົດໝາຍສະບັບນີ້ ປະກອບມີ 14 ພາກ, 21 ໝວດ ແລະ 165 ມາດຕາ. ເພື່ອຈັດຕັ້ງປະຕິບັດນະໂຍບາຍຂອງພັກ ແລະ ລັດຖະບານ ຈາກປະເທດທີ່ບໍ່ມີຊາຍແດນຕິດຈອດທະເລ ໃຫ້ກາຍເປັນປະເທດເຊື່ອມຈອດກັບບັນດາປະເທດອ້ອມຂ້າງໃນພາກພື້ນ ແລະ ໃນໂລກ, ເພື່ອເປັນພື້ນຖານບ່ອນອີງໃຫ້ຂະແໜງໂຍທາທິການ ແລະ ຂົນສົ່ງ ສ້າງນິຕິກໍາລຸ່ມກົດໝາຍ ເປັນຕົ້ນການກໍານົດທາງດ້ານມາດຕະການເຕັກນິກ, ລະບຽບການຄຸ້ມຄອງການກໍ່ສ້າງ, ການສ້ອງແປງງທາງລົດໄຟ ແລະ ອື່ນໆ, ເປັນການກໍານົດນະໂຍບາຍ, ສ້າງເງື່ອນໄຂ ແລະ ສ້າງຄວາມເຊື້ອໝັ້ນໃຫ້ແກ່ການຊ່ວຍເຫຼືອ ແລະ ການລົງທຶນພັດທະນາທາງລົດໄຟຢູ່ລາວໃຫ້ຂະຫຍາຍຕົວ, ເປັນການກໍານົດສິດໜ້າທີ່ຄວາມຮັບຜິດຊອບ ແລະ ການແຂ່ງຂັນຄຸ້ມຄອງ ລະຫວ່າງວສູນກາງກັບທ້ອງຖິ່ນໃຫ້ຈະແຈ້ງ, ເນື່ອງຈາກລາວເຮົາມີນະໂຍບາຍໃຫ້ເປັນປະເທດເຊື່ອມຈອດກັບບັນດາປະເທດອ້ອຂ້າງ ແລະ ມີແຜນຍຸດທະສາດພັດທະນາທາງລົດໄຟໃນຂອບເຂດທົ່ວປະເທດໃນສະເພາະໜ້າ ແລະ ຍາວນານ ເປັນຕົ້ນ ໂຄງການກໍ່ສ້າງທາງລົດໄຟລາວ-ຈີນ ແຕ່ນະຄອນຫຼວງວຽງຈັນ-ບໍ່ເຕັນ (ຊາຍແດນລາວ-ຈີນ), ໂຄງການກໍ່ສ້າງເສັ້ນທາງລົດໄຟລາວ-ໄທ ໄລຍະ 2, ໂຄງການກໍ່ສ້າງເສັ້ນທາງລົດໄຟ ແຕ່ນະຄອນຫຼວງວຽງຈັນ-ມູຢ່າ (ຊາຍແດນລາວ-ຫວຽດນາມ) ແລະ ເສັ້ນທາງອື່ນໆ ເພື່ອອໍານວຍຄວາມສະດວກໃຫ້ແກ່ການຂົນສົ່ງຜູ້ໂດຍສານ ແລະ ສິນຄ້າ, ທັງເປັນການຫຼຸດຜ່ອນຕົ້ນທຶນການຂົນສົ່ງອີກດ້ວຍ.

    ພາຍຫຼັງກົດໝາຍສະບັບນີ້ຖືກຮັບຮອງ ແລະ ປະກາດນໍາໃຊ້ແລ້ວ ເປັນການຈັດຕັ້ງຜັນຂະຫຫຍາຍແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານ ໃນການເຊື່ອມໂຍງ, ເຊື່ອມຈອດກັບສາກົນ ແລະ ພາກພື້ນ ປະຕິບັດນະໂຍບາຍ ຫັນຈາກປະເທດບໍ່ມີຊາຍແດນຕິດກັບທະເລກາຍເປັນປະເທດບໍລິການທາງຜ່ານ ທາງດ້ານຄົມມະນາຄົມຂົນສົ່ງ, ເວົ້າສະເພາະ ການພັດທະນາທາງລົດໄຟໃຫ້ປະກົດຜົນເປັນຈິງ, ເຮັດໃຫ້ຕົ້ນທຶນການຂົນສົ່ງສິນຄ້າຫຼຸດລົງ, ລາຄາສິນຄ້າຂອງລາວ ສາມາດແຂ່ງຂັນກັບສາກົນໄດ້ໃນລະດັບໃດໜຶ່ງທີ່ຈໍາເປັນ, ເປັນເຄື່ອງມືໃນການຄຸ້ມຄອງວຽກງານລົດໄຟ ເພື່ອຮອງຮັບການພັດທະນາທາງລົດໄຟໃນສະເພາະໜ້າ ແລະ ຍາວນານໃຫ້ສອດຄ່ອງກັບແຜນພັດທະນາເສດຖະກິດ-ສັງຄົມ ກໍຄືແຜນພັດທະນາວຽກງານການລົດໄຟໃຫ້ມີປະສິດທິພາບ, ປະສິດທິຜົນ ສາມາດເຊື່ອມໂຍງເຊື່ອມຈອດກັບພາກພື້ນ ແລະ ສາກົນ, ສ້າງເງື່ອນໄຂອໍານວຍຄວາມສະດວກໃຫ້ແກ່ການສົ່ງເສີມການຄ້າ ແລະ ການລົງທຶນ ໃສ່ໂຄງການພັດທະນາທາງລົດໄຟພາຍໃນປະເທດໃຫ້ຫຼາຍຂຶ້ນ ເປັນການສ້າງຖານລາຍຮັບໃໝ່ໃຫ້ແກ່ປະເທດຢ່າງໝັ້ນຄົງ, ເພື່ອເຮັດໃຫ້ການຄຸ້ມຄອງ ແລະ ການບໍລິຫານວຽກງານການລົດໄຟ ມີກົນໄກການບໍລິການທີ່ມີຄວາມສະດວກ, ວ່ອງໄວ, ມີປະສິດທິພາບ, ປະສິດທິຜົນ ແລະ ສ້າງຄວາມເຊື່ອມຖືໃຫ້ແກ່ນັກລົງທຶນພາຍໃນ ແລະ ຕ່າງປະເທດອີກດ້ວຍ.

- Wave100S AD to Website 2020 0 - ສະພາຮັບຮອງເອົາກົດໝາຍວ່າດ້ວຍການລົດໄຟ ສະບັບໃໝ່
- WhatsApp Image 2020 05 27 at 5 - ສະພາຮັບຮອງເອົາກົດໝາຍວ່າດ້ວຍການລົດໄຟ ສະບັບໃໝ່
- WhatsApp Image 2020 05 27 at 5 - ສະພາຮັບຮອງເອົາກົດໝາຍວ່າດ້ວຍການລົດໄຟ ສະບັບໃໝ່
error: Alert: ເນື້ອຫາຂ່າວມີລິຂະສິດ !!