ລາວ-ຈີນ​ແລກປ່ຽນ​ບົດຮຽນ​ວຽກງານກວດກາ

- 48360480 2193215284032236 619105886312333312 n - ລາວ-ຈີນ​ແລກປ່ຽນ​ບົດຮຽນ​ວຽກງານກວດກາ
- Untitled design - ລາວ-ຈີນ​ແລກປ່ຽນ​ບົດຮຽນ​ວຽກງານກວດກາ

    “ສະພາບ​ການ​ກໍ່ສ້າງ​ແບບ​ແຜນ​ທີ່​ດີ​ຂອງ​ພັກ, ການ​ກໍ່ສ້າງ​ລັດ​ທີ່​ປອດ​ໃສ, ການ​ຕໍ່ສູ້​ຕ້ານ​ການ​ສໍ້​ລາດ​ບັງ​ຫລວງ ​ແລະ ວຽກ​ງານ​ກວດກາ​ພັກ-ລັດ” ​ແມ່ນຫົວ​ຂໍ້​ສຳຄັນ​ຂອງ​ກອງ​ປະຊຸມ​ພົບ​ປະ​ແລກປ່ຽນ​ບົດຮຽນ​ວຽກ​ງານ​ກວດກາ ລະ​ຫວ່າງ ລາວ-ຈີນ ທີ່​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້ ຢູ່​ນະຄອນຫລວງ​ວຽງ​ຈັນ, ​ໂດ​ຍການ​ເຂົ້າຮ່ວມ​ຂອງ​ທ່ານ ບຸນ​ທອງ ຈິດ​ມະນີ ກຳມະການ​ກົມ​ການ​ເມືອງ​ສູນ​ກາງ​ພັກ, ຮອງ​ນາຍົກລັດຖະມົນຕີ, ປະທານ​ຄະນະ​ກວດກາ​ສູນ​ກາງ​ພັກ, ປະທານ​ອົງການ​ກວດກາ​ລັດຖະບານ ​ແລະ ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫລວງ​ຂັ້ນສູນ​ກາງ.

       ​ໃນ​ກອງ​ປະຊຸມ, ທ່ານ​ນາງ ຫູລຊີ ຄະນະ​ປະຈຳ​ຄະນະ​ກວດກາ​ລະບຽບ​ວິ​ໄນ​ສູນ​ກາງ​ພັກ​ກອມ​ມູນິດ​ຈີນ, ກຳມະການ​ຄະນະ​ກວດກາ​ແຫ່ງ​ຊາດ​ຈີນ ​ໄດ້​ຍົກ​ໃຫ້​ເຫັນ​ວ່າ: ນັບ​ແຕ່​ກອງ​ປະຊຸມ​ໃຫຍ່​ຄັ້ງທີ XVIII ຂອງ​ພັກ​ກອມ​ມູນິດ​ຈີນ​ເປັນຕົ້ນມາ, ການ​ປັບປຸງ​ແບບ​ແຜນ​ວິທີ​ການ​ເຮັດ​ວຽກ​ຂອງ​ພັກ​ກອມ​ມູນິດ​ຈີນ ແລະ ​ການ​ປັບປຸງ​ນິຕິ​ກຳ​ຕ່າງໆ​ກ່ຽວ​ກັບ​ລະບຽບ ​ແລະ ຮູບ​ການ​ກໍ່ສ້າງ​ພັກ ​ແລະ ສະມາຊິກ​ພັກ ​ໄດ້ສ້າງຄວາມເຊື່ອ​ໝັ້ນໃຫ້ປະຊາຊົນ ​ໂດຍ​ສະ​ເພາະ​ແມ່ນການ​ແກ້​ໄຂ​ບັນຫາ 4 ລັດທິ​ຄື: ລັດທິຮູບ​ການ, ລັດທິ​ອາຍາ​ສິດ, ລັດທິ​ຂີ້ຄ້ານ ​ແລະ ລັດທິ​ຟຸມ​ເຟືອຍ ລວມທັງ​ການ​ສືບສວນ-ສອບ​ສວນ​ຕໍ່ 7 ບັນຫາ​ທີ່​ບໍ່​ປະຕິບັດ​ລະບຽບ​ວິ​ໄນ​ທາງ​ດ້ານ​ການ​ເມືອງ​ຄື: ​ແຕ່ງຕັ້ງພະນັກງານ​ທີ່​ໃກ້ຊິດ​ສະໜິດສະໜົມ​ຕົນ​ເອງ, ສ້າງ​ພັກ​ພວກ, ການ​ໃສ່​ຮ້າຍ​ປ້າຍ​ສີ​ຜູ້​ອື່ນ, ການ​ຊື້ຄະ​ແນນ​ສຽງ​ໃຫ້​ຄຳ​ໝັ້ນສັນຍາ​ວ່າ​ຈະ​ໄດ້​ເປັນ​ເຈົ້າ​ເປັນ​ນາຍ, ບໍ່​ເປັນ​ເອກະ​ພາບ​ກັບ​ສູນ​ກາງ ​ແລະ ສົງ​ໄສ​ຄວາມ​ຖືກຕ້ອງ​ຂອງ​ສູນ​ກາງ ​ແລະ ການ​ຕຳນິຕິ​ຊົມ​ເຊິ່ງກັນ ​ແລະ ກັນ. ນອກ​ນີ້ ພັກ​ກອມ​ມູນິດ​ຈີນ ຍັງ​ໄດ້​ກຳນົດ 8 ຂໍ້​ໃນ​ການ​ຄຸ້ມ​ຄອງ​ພັກ​ຢ່າງ​ເຂັ້ມງວດ​ຄື: ຖື​ເອົາ​ການ​ກໍ່ສ້າງ​ພັກ​ທາງ​ການ​ເມືອງ​ເປັນອັນ​ດັບ​ໜຶ່ງ, ​ເພີ່ມ​ຄວາມ​ເຂັ້ມ​ແຂງ​ຂອງ​ທົ່ວ​ພັກ ດ້ວຍ​ແນວ​ຄິດ​ສັງຄົມ​ນິຍົມ​ທີ່​ມີ​ສີສັນ​ພິ​ເສດ​ຂອງ​ຈີນ​ໃນ​ຍຸກ​ໃໝ່, ກໍ່ສ້າງ​ຖັນ​ແຖວ​ພະນັກງານ​ວິຊາ​ການ​ທີ່​ມີ​ຄຸນ​ທາດການເມືອງ​ສູງ, ​ເສີມ​ສ້າງ​ອົງການ​ຈັດຕັ້ງຂັ້ນຮາ​ກຖານ, ​ເນັ້ນ​ໃສ່​ແບບ​ແຜນ ​ແລະ ການ​ປະຕິບັດ​ວິ​ໄນ​ຂອງ​ພັກໃຫ້ເຂັ້ມງວດ, ​ຕໍ່ສູ້​ຕ້ານ​ການ​ສໍ້​ລາດ​ບັງ​ຫລວງ, ປັບປຸງ​ບູລະນະ​ລະບົບ​ຕິດຕາມ​ກວດກາ​ຂອງ​ພັກ ​ແລະ ລັດ​ໃຫ້​ສົມບູນ​ຂຶ້ນ, ພ້ອມກັບການເພີ່ມ​ທະວີຄວາມ​ສາມາດ​ດ້ານ​ການ​ກຳ​ອຳນາດ​ຢ່າງຮອບດ້ານ ​ເຊິ່ງທັງ​ໝົດ​ນີ້​ແມ່ນ​ແບບ​ແຜນ, ກົນ​ໄກ ​ແລະ ມາດ​ຕະການ ​ເພື່ອ​ຕີ​ຖອຍ​ການ​ສໍ້​ລາດ​ບັງ​ຫລວງ ​ແລະ ການ​ສວຍ​ໃຊ້​ໜ້າ​ທີ່​ຂອງ​ພະນັກງານ​ສະມາຊິກ​ພັກ​ໃນ​ທາງ​ບໍ່​ຖືກຕ້ອງ, ພ້ອມ​ທັງ​ປະຕິບັດ​ລະບຽບ​ວິ​ໄນ​ຕໍ່​ຜູ້​ລະ​ເມີດ​ຢ່າງ​ເຂັ້ມງວດ.

- Wave100S AD to Website 2020 0 - ລາວ-ຈີນ​ແລກປ່ຽນ​ບົດຮຽນ​ວຽກງານກວດກາ
- WhatsApp Image 2020 05 27 at 5 - ລາວ-ຈີນ​ແລກປ່ຽນ​ບົດຮຽນ​ວຽກງານກວດກາ
- WhatsApp Image 2020 05 27 at 5 - ລາວ-ຈີນ​ແລກປ່ຽນ​ບົດຮຽນ​ວຽກງານກວດກາ
error: Alert: ເນື້ອຫາຂ່າວມີລິຂະສິດ !!