ເສັ້ນທາງຍ່ານໜອງບຶກ ຫຶກແຕ່ຂີ້ຝຸ່ນ

- advert banner 728 90 728x90 - ເສັ້ນທາງຍ່ານໜອງບຶກ ຫຶກແຕ່ຂີ້ຝຸ່ນ

​ໂດຍ:ທິດ​ກ່ຳ

ເວົ້າເລື່ອງເສັ້ນທາງແຕ່4 ແຍກຕານມີໄຊໄປຫາ 3 ແຍກສີເກີດໃນໄລຍະຊາວ ສາມສິບປີຄືນຫລັງເກືອບເວົ້າໄດ້ວ່າເປັນພະຍາດອຳມະພາດມາຕະຫລອດຍ້ອນວ່າ ຍາມຝົນມາພັດມີແຕ່ຂຸມ,ມີ ຂີ້ຕົມ ແລະຕົກແລ້ງມາພັດມີ ແຕ່ຂີ້ຝຸ່ນໄຫງ່ກຸ້ມ.

ມາຮອດປີ 2015 ເຫັນ ເລີ່ມມີການກໍ່ສ້າງເປັນທາງ ເບຕົງເສີມເຫລັກໂດຍເລີ່ມຈາກ 4 ແຍກຕານມີໄຊເປັນ ຕົ້ນໄປ, ແຕ່ສິ່ງທີ່ໄດ້ຍິນສຽງຈົ່ມກັບໄດ້ເຫັນໃນຕາມາຮອດດຽວນີ້ການກໍ່ສ້າງ ຍັງບໍ່ທັນສຳເລັດ.

ນັບແຕ່ 4 ແຍກຕານມີໄຊ ໄປຮອດໜອງບຶກບາງຍ່ານ ຫາກໍເທເບຕົງໄປແລ້ວ ເຄິ່ງ ໜຶ່ງ, ສ່ວນວ່າແຕ່ຄ່າໜອງບຶກໄປຮອດສາມແຍກສີເກີດແມ່ນ ຫຶກຂີ້ຝຸ່ນຄືເກົ່າແຕ່ລະ ມື້ແຕ່ລະວັນກໍເຫັນໃຈຊາວ ບ້ານແຖວນັ້ນພາກັນສູບດົມເອົາຂີ້ຝຸ່ນມາເປັນເວລາຫລາຍປີແລ້ວ.

ຕາມທິດກ່ຳ ໄປຫາເລາະຖາມປະຊາຊົນແຖວໃກ້ຄຽງ ເພື່ອຊອກຮູ້ວ່າ ເຫດຜົນຫຍັງ? ມັນຈຶ່ງອືດອາດຊັກຊ້າຍິ່ງ ກວ່າເຕົ່າຄານ? ຂໍ້ມູນທີ່ໄດ້ຮັບຈາກຄົນຈົ່ມທົ່ວໄປກໍແມ່ນ ຄານຳ ສອງເຫດຜົນ ແລະ ສອງປັດໄຈຄື: ອັນທີ ໜຶ່ງແມ່ນ ຍ້ອນເງິນ, ອັນທີ ສອງແມ່ນ ຫລາຍຕິດຫລາຍຕໍ່ມອບ ໂອນໃຫ້ກັນຫລາຍບໍລິສັດ ເມື່ອເຮັດໄປແລ້ວຜ່ານການ ກວດພັດ ບໍ່ໄດ້ມາດຕະຖານ, ຍ້ອນຜູ້ຮັບເໝົາເຮັດຂີ້ຫລັກ, ຂີ້ໂລບຈຶ່ງເປັນເຫດໃຫ້ກືນ ບໍ່ເຂົ້າຄາຍ ບໍ່ອອກຈົນມາ ຮອດປັດຈຸບັນໄດ້ຍິນວ່າເປັນ ພາລະຂອງບໍລິສັດຕັງຈະ  ເລີນ ວ່າຊັ້ນ!

ແນວໃດກໍຕາມ, ທິດກ່ຳ ກໍມີຄວາມເຊື່ອໝັ້ນບໍລິສັດ ຕັງຈະເລີນເພາະເຄີຍເຫັນ ຜົນງານຂອງເພິ່ນມາຫລາຍບ່ອນແລ້ວ. ອີກປະການໜຶ່ງ ເບື້ອງ ຂັ້ນເທິງກໍຄືພາກສ່ວນ ກ່ຽວຂ້ອງເພິ່ນກໍບໍ່ອາດນິ້ງ ນອນໃຈປະປ່ອຍໃຫ້ມັນເປັນໄປຕາມຍະຖາກຳ ແລະ ໃນ ອະນາຄົດເຊື່ອແນ່ວ່າຕ້ອງໄດ້ເຫັນເສັ້ນທາງສາຍນີ້ ເປັນທາງເບຕົງທີ່ສວຍງາມ, ສະອາດ, ປາສະຈາກຂີ້ຝຸ່ນ ສົມດັ່ງຄຳຂວັນ 6 ສ ຂອງນະຄອນຫລວງໄດ້ວາງອອກຢ່າງແນ່ນອນ.

- lattana 1 - ເສັ້ນທາງຍ່ານໜອງບຶກ ຫຶກແຕ່ຂີ້ຝຸ່ນ
- 1 1 - ເສັ້ນທາງຍ່ານໜອງບຶກ ຫຶກແຕ່ຂີ້ຝຸ່ນ

ແຕ່ກໍໜັກໃຈຢູ່ບ່ອນວ່າ ເພື່ອຈະໄດ້ເຫັນສາຍທາງ ສາຍນີ້ສຳເລັດໄປໃນເວລາ ອັນຄວນນັ້ນ ປະຊາຊົນທີ່ ຢູ່ ໃກ້ຄຽງຕ້ອງພາກັນສືບຕໍ່ ສູບດົມເອົາຂີ້ຝຸ່ນທີ່ມັນໄຫງ່  ກຸ້ມແຕ່ລະມື້ນັ້ນຫລາຍເຕີບ.

ເຕັມທີ່ແຕ່ຮ້ານອາຫານ ແລະ ກິນດື່ມ, ຮ້ານຂາຍເຄື່ອງ ຍ່ອຍ ແລະ ສຳນັກງານຫ້ອງ ການແຖວນັ້ນຖ້າບໍ່ອະນາໄມ ລຽນຕິດແດ່ກໍມີຫວັງເຫັນ ແຕ່ຂີ້ຝຸ່ນຈົນເປັນເກີ້ມ.

ເວົ້າເຖິງໂຄງການກໍ່ ສ້າງພື້ນຖານໂຄງລ່າງຢູ່ປະ ເທດເຮົາໂດຍສະເພາະການ ກໍ່ສ້າງເສັ້ນທາງແມ່ນພວມ ຫັນເຂົ້າສູ່ຄວາມເປັນມາດ ຕະຖານຄືຕ້ອງຜ່ານການ ກວດກາຕາມຂັ້ນຕອນທາງ ດ້ານເຕັກນິກ, ຕະຫລອດ ເຖິງການຊຳລະສະສາງເງິນຄຳກໍຕ້ອງໄປຕາມລະບຽບ ກົດໝາຍຢ່າງເຄັ່ງຄັດເພາະ ໃນຫລາຍປີຜ່ານມາໄດ້ມີ ປາກົດການຫຍໍ້ທໍ້ຫລາຍ ສົມຄວນເຊັ່ນ: ເຮັດໄປແລ້ວ ບໍ່ຮອດກຳນົດທາງກໍເພ, ມູນຄ່າກໍ່ສ້າງມະຫາສານ, ຊ້ຳບໍ່ໜຳມີໂຄງການນອກ ແຜນ, ໂຄງການບໍ່ມີຕົນມີໂຕ, ມີໜີ້ສິນຄຸມເຄືອປານ ເຈັກຂາຍລວດ.

ເຖິງຢ່າງໃດກໍດີ,ໃນ ເງື່ອນໄຂທີ່ພັກ ແລະລັດຖະ ບານເຮົາພວມປັບໂຕ ແລະ ຫັນເຂົ້າສູ່ ລະບຽບກົດໝາຍໂດຍຖືເອົາມາດຕະການກວດກາຄຸ້ມຄອງເປັນຫລັກຈາກ ອົງການມະຫາພາກພວກເຮົາກໍຕ້ອງໄດ້ເຂົ້າໃຈເຖິງ ນະໂຍບາຍອັນຈຳເປັນແລ້ວພ້ອມກັນປະຕິບັດຢ່າງເຂັ້ມງວດຖ້າເຮັດແບບລວາດ ແຂ້ວເຕົ່າຄືຜ່ານມາມັນກໍ ມີອັນຫຍຸ້ງເຫຍີງຄ້າງຄາເໝືອນດັ່ງກ່າວເສັ້ນທາງ ໜອງບຶກຫຶກແຕ່ຂີ້ຝຸ່ນຈົນ ມາຮອດ ປັດຈຸບັນນັ້ນແລ!./.

error: Content is protected !!