ເປີດ​ນຳ​ໃຊ້​ລະບົບ​​ເສຍພາສີ​ທີ່​ດິນ​ຜ່ານ​ທະນາຄານ

- advert banner 728 90 728x90 - ເປີດ​ນຳ​ໃຊ້​ລະບົບ​​ເສຍພາສີ​ທີ່​ດິນ​ຜ່ານ​ທະນາຄານ

  ພິທີ​ເປີດ​ນຳ​ໃຊ້​ລະບົບເສຍ​ພາສີ​ທີ່​ດິນ​ຜ່ານ​ທະນາຄານການ​ຄ້າ​ຕ່າງປະ​ເທດ​ລາວ ​ແລະ ທະນາຄານ​ອື່ນໆ ​ໄດ້​ຈັດ​ຂຶ້ນ​ໃນ​ວັນ​ທີ 17 ທັນວານີ້, ຢູ່ນະຄອນຫລວງ​ວຽງຈັນ, ​ໂດຍ​ການ​ເຂົ້າ​ຮ່ວມ​ຂອງທ່ານ ບຸນ​ໂຈມ ອຸບົນ​ປະ​ເສີດ ຮອງ​ລັດຖະມົນຕີກະຊວງການ​ເງີ​ນ, ທ່ານ ບຸນ​ມີ ພຸດ​ທະ​ວົງ ຮອງ​ລັດຖະມົນຕີກະຊວງຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ທ່ານນາງ ວັດທະນາ ດາລາ​ລອຍ ຮອງ​ຜູ້​ວ່າການ​ທະນາຄານ​ແຫ່ງ ສປປ ລາວ.

- new3 - ເປີດ​ນຳ​ໃຊ້​ລະບົບ​​ເສຍພາສີ​ທີ່​ດິນ​ຜ່ານ​ທະນາຄານ

  ຫົວໜ້າກົມ​ສ່ວຍ​ສາ​ອາກອນກະຊວງການ​ເງິນ ​ໃຫ້​ຮູ້​ວ່າ: ​​ໃນ​ຕົ້ນ​ເດືອນທັນວານີ້, ກະຊວງການ​ເງີ​ນ​ໄດ້​ນຳ​ສະ​ເຫ​ນີລະບົບ​ຄຸ້ມ​ຄອງ​ວຽກງານ​ເກັບ​ລາຍ​ຮັບ​ສ່ວຍ​ສາ​ອາກອນ​ທີ່​ທັນ​ສະ​ໄໝ ​ເຊິ່ງ​ເອີ້ນວ່າ: ລະບົບ​ຂໍ້​ມູນ​ຂ່າວສານ​ຄຸ້ມ​ຄອງ​ອາກອນ Tax RIS ​ເປັນ​ລະບົບປ່ຽນ​ແທນ TMIS ທີ່​ນຳ​ໃຊ້​ຢູ່​ປັດຈຸບັນ, ​ເປັນ​ລະບົບ​ທີ່​ຄຸ້ມ​ຄອງ​ແບບ​ຄົບ​ຊຸດ​ເລີ່​ມຕັ້ງ​ແຕ່​ຂໍ້​ມູນ​ຜູ້​ເສຍ​ອາກອນ, ການ​ແຈ້ງ-ມອບ​ອາກອນ​ດ້ວຍ​ຕົນ​ເອງ​ຂອງ​ຜູ້​ເສຍ​ອາກອນ​ຜ່ານ​ລະບົບ​ທະນາຄານ, ຊຶ່ງ​ໃນ​ໄລຍະ​ຜ່ານ​ມາ, ການ​ເກັບ​ພາສີ​ທີ່​ດິນ​ໄດ້​ມອບ​ຄວາມ​ຮັບຜິດຊອບ​ໂດຍ​ກົງ​ໃຫ້​ອົງການ​ປົກຄອງ​ບ້ານ, ​ໂດຍ​ສະ​ເພາະ​ການ​ເງິນ ​ໂດຍ​ການ​ຊີ້ນຳ ​ແລະ ກວດກາ​ຂອງ ສ່ວຍ​ສາ​ອາກອນ​ເມືອງ ​ແລະ ອົງການ​ປົກຄອງ​ທ້ອງ​ຖິ່ນ, ​ເຫັນ​ວ່າ​ມີ​ສິ່ງ​ທ້າ​ທາຍ​ຫລາຍ​ປະການ, ​ຖ້າ​ທຽບ​ໃສ່​ສະຖິຕິ​ຕອນ​ດິນ ​ແລະ ຄິດ​ໄລ່​ກັບທີ່​ຂອງ​ບ່ອນ​ດິນ​ຕັ້ງ​ຢູ່ ​ແລະ ອື່ນໆ, ​ໂດຍ​ລາຍ​ຮັບ​ທີ່ີ​ເກີດ​ຈາກ​ການ​ຄຸ້ມ​ຄອງ ​ແລະ ນຳ​ໃຊ້ຊັບພະຍາກອນ​ທີ່​ດິນສະ​ເລ່ຍປະມານ 1-2 ສ່ວນ​ຮ້ອຍ​ຂອງ​ GDP, ກົງກັນຂ້າມ​ການ​ເກັບ​ລາຍ​ຮັບ​ທີ່​ດິນ​ຜ່ານ​ມາມີ​ພຽງ 0,13% ຍ່ອນກົນ​ໄກ​ການ​ເກັບ ​ແລະ ວິທີ​ການ​ຊຳລະຍັງ​ບໍ່ທັນ​ເປັນ​ເອກະ​ພາບ ​ແລະ ບໍ່ສອດຄ່ອງ​ກັບ​ນິຕິ​ກຳ​ທີ່​ກຳນົດ​ໄວ້.

  ຜູ້ອຳນວຍການ​ທະນາຄານການ​ຄ້າ​ຕ່າງປະ​ເທດ​ລາວ ​ໃຫ້​ຮູ້​ວ່າ: ການ​ໃຫ້​ບໍລິການ​ຮັບ​ຊຳລະ​ຄ່າ​ພາສີ​ທີ່​ດິນຜ່ານ​ລະບົບ​ທະນາຄານລະຫວ່າງກົມ​ສ່ວຍ​ສາ​ອາກອນກັບທະນາຄານ​ການ​ຄ້າ​ຕ່າງປະ​ເທດ​ລາວ ​ແລະ 6 ທະນາຄານ​ທີ່​ເຂົ້າ​ຮ່ວມ​ໂຄງການ​ນີ້, ຊຶ່ງ​ລູກ​ຄ້າ​ສາມາດ​ຊຳລະ​ພາສີ​ທີ່​ດິນຜ່ານ​ລະບົບ​ເອ​ເລັກ​ໂຕ​ນິກ, ຜ່ານ​ແອັບ BCEL ONE, ປ່ອງ​ບໍລິການ​ຂອງທະນາຄານ​ໃນ​ທົ່ວ​ລະບົບ, ຊຶ່ງ​ຈະ​ເປັນ​ການ​ອຳນວຍ​ຄວາມ​ສະດວກ​ແກ່​ສັງຄົມ​ໄດ້​ເປັນ​ຢ່າງ​ດີ.

- lattana 1 - ເປີດ​ນຳ​ໃຊ້​ລະບົບ​​ເສຍພາສີ​ທີ່​ດິນ​ຜ່ານ​ທະນາຄານ
error: Content is protected !!