ນັກເຕະອິນເດຍຕົວະອາຍຸ ຖືກໂທດຫ້າມລົງແຂ່ງ 6 ເດືອນ

- advert banner 728 90 728x90 - ນັກເຕະອິນເດຍຕົວະອາຍຸ ຖືກໂທດຫ້າມລົງແຂ່ງ 6 ເດືອນ

      ກູຣາບ ມຸຂີ ຫົວ​ຫອກ ຈາມ​ເຊ​ກູ ຖືກ​ໂທດ 6 ​ເດືອນ ຂໍ້​ຫາ​ຕົວະ​ອາຍຸ​ຂອງ​ຕົນ​ເອງ ​ໂດຍ​ລາວ​ເປັນ​ເຈົ້າຂອງ​ສະຖິຕິ​ນັກ​ຕະ​ອາຍຸ​ນ້ອຍ​ທີ່​ສຸດ​ທີ່​ຍິງ​ປະຕູ​ໄດ້​ໃນ​ເກ​ມ ອິນ​ດຽນ ຊູ​ເປີ ລີກ.

     ກູຣາບ ມຸຂີ ກອງ​ໜ້າ​ຊາວ​ອິນ​ເດຍຂອງ ຈາມ​ເຊ​ກູ ສະ​ໂມ​ສອນ​ໃນ​ເສິກ ອິນ​ດຽນ ຊູ​ເປີ ລີກ ຫລື ໜຶ່ງ​ໃນ​ລີກ​ສູງ​ສຸດ​ຂອງ​ປະ​ເທດ​ອິນ​ເດຍ ຖືກ​ສັ່ງ​ຫ້າມ 6 ​ເດືອນ ຫລັງ​ຈາກ​ທີ່​ລາວ​ຕົວະ​ວ່າ​ຕົນ​ເອງ​ອາຍຸ 16 ປີ.

      ຢ້ອນ​ກັບ​ໄປ​​ໃນ​ເດືອນ​ຕຸລາ​ຜ່ານ​ມາ​ ມຸຂີ ສ້າງ​ຄວາມ​ຮື​ຮາ​ໃຫ້​ວົງ​ການ​ບານ​ເຕະ​ຂອງ​ອິນ​ເດຍ ຫລັງ​ຈາກ​ລາວ​ຍິງ​ປະຕູ​ໃຫ້​ທີ​ມ​ໄດ້​ໃນ​ເກ​ມທີ່​ຕົ້ນສັງກັດ​ສະ​ເໝີ​ກັບ ​ເບັງ​ກາ​ລູຣູ ​ເອັຟຊີ 2-2 ​ໂດຍ​ຕອນ​ລົງທະບຽນ​ກັບ​ທີ​ມນັ້ນ ລາວ​ບອກ​ວ່າ​ຕົນ​ເອງ​ເກີດ​ປະມານ​ປີ 2002 ​ເຊິ່ງນັ້ນ​ເຮັດ​ໃຫ້​ຕອນ​ທີ່​ຍິງ​ປະຕູ​ໄດ້​ລາວ​ມີ​ອາຍຸ 16 ປີ.

- lattana 1 - ນັກເຕະອິນເດຍຕົວະອາຍຸ ຖືກໂທດຫ້າມລົງແຂ່ງ 6 ເດືອນ
- 1 1 - ນັກເຕະອິນເດຍຕົວະອາຍຸ ຖືກໂທດຫ້າມລົງແຂ່ງ 6 ເດືອນ

     ຈາກ​ເລື່ອງ​ດັ່ງກ່າວ ​ເຮັດ​ໃຫ້ ມຸຂີ ກາຍ​ເປັນ​ນັກ​ເຕະ​ອາຍຸ​ນ້ອຍ​ທີ່​ສຸດ​ໃນ​ປະຫວັດສາດ​ທີ່​ຍິງ​ປະຕູ​ໃນ​ເກ​ມ ອິນ​ດຽນ ຊຸ​ເປີ ລີກ ​ໄດ້ ​ເຊິ່ງຫລາຍ​ຄົນ​ສະ​ແດງ​ຄວາມ​ຍິນ​ດີ​ໃຫ້​ລາວ.

    ທັງ​ນີ້ ຄວາມ​ຈິງ​ແລ້ວ​ມີ​ເບາະ​ແສ​ແລ້ວ​ວ່າ ມຸຂີ ອາດ​ຈະ​ຕົວະ​ອາຍຸ​ຂອງ​ຕົນ​ເອງ ​ເພາະ​ໃນ​ເຟສບຸກຂອງ​ລາວ​ນັ້ນ ບອກ​ວ່າ​ເກີດ​ວັນ​ທີ 5 ​ເມສາ 1999 ​ເຊິ່ງຖ້າ​ເປັນຄວາມ​ຈິງ ຈະ​ເຮັດ​ໃຫ້​ລາວ​ມີ​ອາຍຸ 19 ປີ. ຂະນະ​ທີ່​ເດືອນ​ກັນຍາ​ຜ່ານ​ມາ ​ເທ​ເລກຣາບ ອອບ ອິນ​ເດຍ ສື່​​ແຫ່ງ​ໜຶ່ງ​ຂອງ​ອິນ​ເດຍ ລາຍ​ງານ​ວ່າ​ລາວ​ອາຍຸ 28 ປີ​ແລ້ວ.

error: Content is protected !!