ແມນຊິຕີ້ ພ້ອມຍື່ນເງິນຈຳນວນຫລາຍ ຄວ້າ ອິສໂກ້ ເສີມທີມໜ້າໜາວນີ້

- advert banner 728 90 728x90 - ແມນຊິຕີ້ ພ້ອມຍື່ນເງິນຈຳນວນຫລາຍ ຄວ້າ ອິສໂກ້ ເສີມທີມໜ້າໜາວນີ້

     ​ແມນ​ເຊັສ​ເຕີ ຊິ​ຕີ້ ຕົກ​ເປັນ​ຂ່າວ​ພ້ອມ​ທຸ້ມ​ເງິນຄວ້າ ອີສ​ໂກ້ ​ເພລ​ເມກ​ເກີ ຣີລ ມາດຣິດ ​ໃນ​ຊ່ວງ​ໜ້າ​ໜາວ​ນີ້ ຫລັງ​ນັກ​ເຕະ​ທີ​ມຊາດ​ສະ​ເປ​ນ ຕ້ອງ​ຕົກ​ເປັນ​ຕົວ​ສຳຮອງ ຣີລ ມາດຣິດ ​ໃນ​ລະດູ​ການ​ນີ້ ​ແຕ່​ຄາດ​ວ່າ​ຄ່າ​ຕົວ​ນັກ​ເຕະ​ຈະ​ແພງ​ມະຫາສານ​ຢ່າງ​​ແນ່ນອນ.

- new3 - ແມນຊິຕີ້ ພ້ອມຍື່ນເງິນຈຳນວນຫລາຍ ຄວ້າ ອິສໂກ້ ເສີມທີມໜ້າໜາວນີ້

      ​ແມນ​ເຊັສ​ເຕີ ຊິ​ຕີ້ ສະ​ໂມ​ສອນ​ມະຫາ​ເສດຖີ​ແຫ່ງ ພຣີ​ເມຍ​ລີກ ຕົກ​ເປັນ​ຂ່າວ​ວ່າ​ພ້ອມ​ຈະ​ຍື່ນ​ຂໍ້​ສະ​ເໜີ​ຈຳນວນ​ຫລາຍ ​ເພື່ອ​ຄວ້າ ອີສ​ໂກ້ ກອງ​ກາງຄົນ​ເກັ່ງ ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງລາ ລີ​ກາ ສະ​ເປ​ນ ມາ​ຮ່ວມ​ທີ​ມ​ໃນ​ຊ່ວ​ງ​ເປີດ​ຕະຫລາດ​ຊື້-ຂາຍ​ນັກ​ເຕະ​ເດືອນ​ມັງກອນ​ນີ້.

     ດາວ​ທີ​ມຊາດ​ສະ​ເປ​ນ ຕ້ອງ​ກາຍ​ເປັນ​ພຽງ​ຕົວ​ສຳຮອງ​ນັບ​ແຕ່ ຊານ​ຕິ​ອາ​ໂກ ​ໂຊ​ລາຣີ ​ເຂົ້າມາ​ເປັນ​ຄູ​ຝຶກ ຣີລ ມາດຣິດ ​ແລະ ຍັງ​ຖືກ​ແຟນບານ​ໃນ​ຖິ່ນ​ຊານ​ຕິ​ອາ​ໂກ ​ເບ​ນາ​ເບ​ລ ​ໂຫ່​ໃສ່​ເປັນ​ເທື່ອ​ທຳ​ອິດ.

- lattana 1 - ແມນຊິຕີ້ ພ້ອມຍື່ນເງິນຈຳນວນຫລາຍ ຄວ້າ ອິສໂກ້ ເສີມທີມໜ້າໜາວນີ້

     ​ໂຈ​ເຊບ ກວາ​ດິ​ໂອ​ລ່າ ຜູ້​ຈັດການ​ທີ​ມ ​ແມນ​ເຊັສ​ເຕີ ຊິ​ຕີ້ ມັກ ອີສ​ໂກ້ ຫລາຍ ​ແລະ ​ເຊື່ອ​ວ່າ​ອະດີດ​ຜູ້​ຈັດການ​ທີ​ມ ບາ​ເຊ​ໂລ​ນາ ຈະ​ພະຍາຍາມ​ຢ່າງ​ເຕັມ​ສ່ວນ​ເພື່ອ​ຄວ້າ​ນັກ​ເຕະ ​ເຊິ່ງ​ປັດຈຸບັນ​ມີ​ສັນຍາ​ກັບ ຣີລ ມາດຣິດ ຈົນ​ຮອດ​ປີ 2022 ​ແລະ ມີ​ຄ່າ​ຈີກ​ສັນຍາ​ເຖິງ 630 ລ້ານ​ປອນ.

      ​ເຖິງ​ຢ່າງ​ໃດ​ກໍ​ຕາມ ຈາກ​ສະຖານະ​ການ​ຂອງ ອີສ​ໂກ້ ​ໃນ​ຕອນ​ນີ້​ເຮັດ​ໃຫ້ ຟໍ​ເຣນຕິ​ໂນ່ ​ເປ​ເຣຊ ປະທານ​ສະ​ໂມ​ສອນ ຣີລ ມາດຣິດ ອາດ​ພ້ອມ​ຈະ​ເຈລະຈາ ​ແຕ່​ເຊື່ອ​ວ່າ ​ແມນ​ເຊັສ​ເຕີ ຊິ​ຕີ້ ຈະ​ຕ້ອງ​ຈ່າຍ​ເງິນ​ຫລາຍ​ກວ່າ ຢູ​ເວນ​ຕຸ​ສ ທຸ້ມຊື້ ຄຣິສ​ເຕຍ​ໂນ ​ໂຣນັລ​ໂດ້ ຫົວ​ຫອກ​ທີ​ມຊາດ​ໂປຣຕຸ​ເກສ ​ໃນ​ລາຄາ 105 ລ້ານ​ປອນ ​ໃນ​ຊ່ວງ​ຊຳ​ເມີ້​ຜ່ານ​ມາ.

error: Content is protected !!