ຝຣັ່ງຈະເລີ່ມເກັບພາສີດິຈີຕອນ 1 ມັງກອນນີ້

- advert banner 728 90 728x90 - ຝຣັ່ງຈະເລີ່ມເກັບພາສີດິຈີຕອນ 1 ມັງກອນນີ້

      ທ່ານ ບຣູ​ໂນ ​ເລີ​ແມ ລັດຖະມົນຕີ​ການ​ເງິນ​ຝຣັ່ງ ກ່າວ​ວ່າ: ຝຣັ່ງຈະ​ເກັບ​ພາສີ​ດິຈີ​ຕອນ​ກັບ​ບໍລິສັດ​ອິນ​ເຕີ​ເນັດ ​ແລະ ບໍລິສັດ​ເຕັກ​ໂນ​ໂລ​ຊີ​ລາຍ​ໃຫຍ່​ນັບ​ແຕ່​ວັນ​ທີ 1 ມັງກອນ​ປີໜ້າ​ເປັນຕົ້ນ​ໄປ. ຂະນະ​ທີ່​ສະຫະພາບ​ເອີຣົບ (EU) ຍັງ​ບໍ່​ໄດ້​ຂໍ້​ສະຫລຸບ​ໃນ​ການ​ເກັບ​ພາສີ​ດັ່ງກ່າວ.

     ຝຣັ່ງຊຸກຍູ້​ມາ​ໂດຍ​ຕະຫລອດ​ຈະ​ຊຸກຍູ້​ພາສີ​ໃໝ່​​ເອີ້ນ​ວ່າ: ກາ​ຟາ​ແທກ ​ເຊິ່ງຕັ້ງຊື່​ຈາກ​ອັກ​ສອນ​​ໂຕ​ທຳ​ອິດ​ຂອງ Google, Apple, Facebook ​ແລະ Amazon ​ເພື່ອ​ໃຫ້​ບໍລິສັດ​ດິຈີ​ຕອນ​ຍັກ​ໃຫຍ່​ໄດ້​ຈ່າຍ​ພາສີ​ຢ່າງ​ຖືກຕ້ອງ​ເປັນ​ທຳ​ໃນ​ການ​​ເຮັດ​ທຸລະ​ກິດ​ຂະໜາດ​ໃຫຍ່​ຢູ່​ເອີຣົບ. ທ່ານ ​ເລີ​ແມ ຖະ​ແຫລ​ງຂ່າວ​ຢູ່​ປາຣີວ່າ: ຝຣັ່ງຈະ​ເກັບ​ພາສີ​ດິຈີ​ຕອນ​ນັບ​ແຕ່​ວັນ​ທີ 1 ມັງກອນ​ນີ້​ເປັນຕົ້ນ​ໄປ ​ເຊິ່ງຄາດ​ວ່າ​ໃນ​ປີ 2019 ຈະ​ມີ​ຈຳນວນ​ 500 ລ້ານ​ເອີ​ໂຣ. ນອກຈາກ​ນີ້ ບໍລິສັດ​ຈະ​ຕ້ອງ​ຈ່າຍ​ພາສີ​ລາຍ​ໄດ້​ຈາກ​ໂຄສະນາ, ​ເວັບ​ໄຊ ​ແລະ ພາສີ​ຂາຍ​ຕໍ່​ຂໍ້​ມູນ​ສ່ວນ​ບຸກຄົນ. ສ່ວນ​ຕາມ​ກົດໝາຍ EU ບໍລິສັດ​ເຕັກ​ໂນ​ໂລ​ຊີ​ຍັກ​ໃຫຍ່​ອາ​ເມ​ລິ​ກາ​ເຊັ່ນ: ກູ​ເກິ​ລ ​ແລະ ​ເຟສບຸກ ສາມາດ​​ເລືອກ​ລາຍ​ງານ​ຜົນ​ປະກອບ​ການ​ກັບປະ​ເທດ​ສະມາຊິກ EU ​ໃດ​ກ​ໍ​ໄດ້ ​ເຮັດ​ໃຫ້​ບໍລິສັດ​ໃຫຍ່​ເລືອກ​ປະ​ເທດ​ທີ່​ເກັບ​ພາສີ​ໃນ​ອັດຕາ​ຕໍ່າ​ເຊັ່ນ: ອຽກລັງ, ​ໂຮ​ນລັງ ​ແລະ ລຸກ​ຊຳ​ບວກ. ການ​ເກັບ​ພາສີບໍລິສັດ​ຍັກ​ໃຫຍ່​ທີ່​ມີ​ລາຍ​ໄດ້​ປີ​ລະ​ຫລາຍ​ຮ້ອຍ​ລ້ານ​ໂດ​ລາ​ໃນ​ອັດຕາ​ຕໍ່າ​ສ້າງ​ຄວາມ​ບໍ່ພໍ​ໃຈ​ຕໍ່​ຜູ້​ມີ​ສິດ​ເລືອກ​ຕັ້ງ​ໃນ​ເອີຣົບຫລາຍ​ປະ​ເທດ, ​ແຕ່​ສະມາຊິກ EU 28 ປະ​ເທດ​ຍັງສຽງ​ແຕກ​ໃນ​ວິທີ​ການ​ເກັບ​ພາສີ​ດັ່ງກ່າວ.

- Tiger Head 728x90 - ຝຣັ່ງຈະເລີ່ມເກັບພາສີດິຈີຕອນ 1 ມັງກອນນີ້
- 1 1 - ຝຣັ່ງຈະເລີ່ມເກັບພາສີດິຈີຕອນ 1 ມັງກອນນີ້
error: Content is protected !!