ຜູ້ນຳຈີນປະກາດສືບຕໍ່ປະຕິຮູບ ເສດຖະກິດບົນເສັ້ນທາງສັງຄົມ ນິຍົມຕາມແບບສະບັບຂອງຕົນເອງ

- advert banner 728 90 728x90 - ຜູ້ນຳຈີນປະກາດສືບຕໍ່ປະຕິຮູບ ເສດຖະກິດບົນເສັ້ນທາງສັງຄົມ ນິຍົມຕາມແບບສະບັບຂອງຕົນເອງ

      ປະທານາທິບໍດີ ສີ ຈິ້ນຜິ​ງ ກ່າວ​ວ່າ: ຈີນ​ຈະ​ຍັງ​ເດີນ​ໜ້າ​ປະຕິ​ຮູບ​ເສດຖະກິດ​ບົນ​ເສັ້ນທາງ “ສັງຄົມ​ນິຍົມ​ຕາມ​ແບບ​ສະບັບ​ຂອງ​ຕົນ​ເອງ” ​ເພື່ອ​ການ​ເປີດ​ໂອກາດ​ທາງ​ການ​ຄ້າ​ແກ່​ບັນດາ​ປະ​ເທດ​ໃຫ້​ຫລາຍ​ຂຶ້ນ ​ໃນ​ໂອກາດ​ຄົບຮອບ 40 ປີ ການ​ປະຕິ​ຮູບ ​ແລະ ​ເປີດ​ປະຕູ​ສູ່​ພາຍ​ນອກ.

- new3 - ຜູ້ນຳຈີນປະກາດສືບຕໍ່ປະຕິຮູບ ເສດຖະກິດບົນເສັ້ນທາງສັງຄົມ ນິຍົມຕາມແບບສະບັບຂອງຕົນເອງ

     ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ສີ ຈິ້ນຜິ​ງ ກ່າວ​ປາ​ໄສ​ໃນກອງ​ປະຊຸມ​ສະມັດຊາ​ໃຫຍ່​ພັກ​ກອມ​ມູນິດ (CPC) ວາລະ​ພິ​ເສດ ​ໃນ​ນະຄອນຫລວງ​ປັກ​ກິ່ງ ​ໃນ​ວັນ​ທີ 18 ທັນວາ​ນີ້ ​ເຊິ່ງກົງ​ກັບ​ການສະ​ເຫລີ​ມສະຫລອງ​ການ​ປະຕິ​ຮູບ ​ແລະ ​ເປີດ​ປະຕູ​ສູ່​ພາຍ​ນອກ​ ຄົບຮອບ 40 ປີ. ທ່ານ ສີ ຈິ້ນຜິ​ງ ກ່າວ​ໃນ​ຕອນ​ໜຶ່ງ​ວ່າ: ນັບ​ແຕ່​ແຜນ​ຍຸດ​ທະ​ສາດ​ດັ່ງກ່າວ​ໄດ້​ຮັບ​ການ​ອະນຸມັດ​ຈາກ​ກອງ​ປະຊຸມ CPC ​ໃຫ້​ມີ​ຜົນ​ບັງຄັບ​ໃຊ້​ໃນ​ວັນ​ທີ 18 ທັນວາ 1978 ອັດຕາ​ສ່ວນ​ລວມຍອດ​ຜະລິດ​ຕະພັນ​ພາຍ​ໃນ (GDP) ຂອງ​ຈີນ​ຕໍ່​ເສດຖະກິດ​ໂລກ ​ເພີ​່ມຂຶ້ນຈາກ 1,8% ​ເປັນ 15,2%, GDP ຂອງ​ຈີນ​ມີ​ມູນ​ຄ່າ​ສູງ​ເຖິງ 82,7 ຕື້ຢວນ ​ໃນ​ປີ 2017 ຖື​ເປັນ​ປະ​ເທດ​ທີ່​ມີ​ຂະໜາດ​ທາງ​ເສດຖະກິດ​ໃຫຍ່​ເປັນອັນ​ດັບ 2 ຂອງ​ໂລກ​ໃນ​ປັດຈຸບັນ ​ໂດຍ​ເປັນ​ຮອງ​ພຽງ​ອາ​ເມ​ລິ​ກາ​ເທົ່າ​ນັ້ນ.

      ທ່ານ ສີ ຈິ້ນຜິ​ງ ກ່າວ​ອີກ​ວ່າ: ການ​ພັດ​ທະ​ນາ​ຂອງ​ຈີນ​ແຍກ​ອອກ​ຈາກ​ໂລກ​ບໍ່​ໄດ້, ຄວາມ​ຈະ​ເລີນ​ຮຸ່ງ​ເຮືອງ​ຂອງ​ໂລກ​ກໍ​ຕ້ອງ​ການ​ຈີນ​ເຊັ່ນ​ກັນ. ຈີນ​ຕ້ອງ​ຍຶດ​ໝັ້ນການ​ເປີດກວ້າງ​ເປີດ​ປະ​ຕູ​ສູ່​ພາຍນອກ, ຊຸກ​ຍູ້​ການ​ຮ່ວມ​ກັນ​ສ້າງ​ປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງ​ທົ່ວ​ມວນ​ມະ​ນຸດ​. ຈີນ​ຈະ​ຊຸກ​ຍູ້​ການ​ສ້າງ​ການ​ພົ​ວ​ພັນ​ສາ​ກົນ​ແບບ​ໃໝ່​ທີ່​ຕ່າງ​ເຄົາ​ລົບ​ກັນ, ມີ​ຄວາມ​ຍຸຕິ​ທຳ, ເປັນ​ທຳ ແລະ ຮ່ວມ​ມື​​ແບບ​ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ​ໂຫຍດ​ນຳ​ກັນ; ຈີນ​ເຄົາ​ລົບ​ສິດ​ຂອງ​ປະ​ຊາ​ຊົນ​ປະ​ເທດ​ຕ່າງໆ​ໃນ​ການ​ເລືອກ​ເສັ້ນ​ທາງ​ພັດ​ທະ​ນາ​ດ້ວຍ​ຕົນ​ເອງ, ຄັດ​ຄ້ານ​ການບັງ​ຄັບ​ຄົນ​ອື່ນ​ຮັບ​ເອົາ​ຄຳ​ເຫັນ​ຂອງ​ຕົນ​ເອງ, ຄັດ​ຄ້ານ​ການ​ແຊກ​ແຊງວຽກ​ງານ​ພາຍ​ໃນ​ຂອງ​ປະ​ເທດ​​ອື່ນ, ຄັດ​ຄ້ານ​ປະ​ເທດ​ເຂັ້ມ​ແຂງຂົ່ມ​ເຫັງປະ​ເທດ​ນ້ອຍ; ຈີນ​ຈະ​ເສີມ​ຂະ​ຫຍາຍ​ບົດ​ບາດ​ທີ່​​ເປັນ​ປະ​ເທດ​ໃຫຍ່​ທີ່ມີ​ຄວາມ​ຮັບ​ຜິດ​ຊອບ, ສະ​ໜັບ​ສະ​ໜູນ​ການ​ພັດ​ທະ​ນາ​ຂອງ​ບັນ​ດາ​ປະ​ເທດ​ທີ່​ພວມ​ພັດ​ທະ​ນາ, ຕັ້ງ​​ໜ້າ​ເຂົ້າ​ຮ່ວມ​ການ​ປະ​ຕິ​ຮູບ ​ແລະ ​ການ​ສ້າງລະ​ບົບການ​ຄຸ້ມ​ຄອງ​ທົ່ວ​ໂລກ; ຈີນ​ສະ​ໜັບ​ສະ​ໜູນ​ລະ​ບົບການ​ຄ້າ​ຫຼາຍ​ຝ່າຍ, ຊຸກ​ຍູ້​ການ​ຄ້າ​ການ​ລົງ​ທຶນເສ​ລີ ​ແລະ ​ມີ​ຄວາມ​ສະ​ດວກກວ່າ​ເກົ່າ; ຈະ​ຖື​​ເອົາການ​ສ້າງໜຶ່ງ​ແລວ​ໜຶ່ງ​ເສັ້ນ​ທາງເປັນ​ຈຸດ​ສຸມ, ຮ່ວມ​ກັບ​ຝ່າຍ​ຕ່າງໆ​ສ້າງ​ເວ​ທີ​ໃໝ່​ແຫ່ງ​ການ​ຮ່ວມ​ມື​ສາ​ກົນ.

- lattana 1 - ຜູ້ນຳຈີນປະກາດສືບຕໍ່ປະຕິຮູບ ເສດຖະກິດບົນເສັ້ນທາງສັງຄົມ ນິຍົມຕາມແບບສະບັບຂອງຕົນເອງ

       ທ່ານ​ ສີ​ ຈິ້ນ​ຜິງ ​ເນັ້ນ​ໜັກ​ວ່າ: ຈີນ​ເດັດ​ຂາດ​ຈະ​ບໍ່​​ສະ​​ແຫວງ​ຫາ​ການ​ພັດ​ທະ​ນາ​ຕົນ​ເອງ​ດ້ວຍ​ການ​ສ້າງ​ຜົນ​ເສຍ​ຫາຍ​ຕໍ່​ຜົນ​ປະ​ໂຫຍດ​ຂອງ​ປະ​ເທດ​ອື່ນ ແລະ ​ເດັດ​ຂາດ​ບໍ່​ປ່ອຍປະ​ລະເລີຍ​ສິດ​ທິ​ຜົນ​ປະ​ໂຫຍດ​​ທີ່​ຖືກ​ຕ້ອງ​ຕາມ​ກົດ​ໝາຍ​ຂອງ​ຕົນ. ຈີນ​ປະ​ຕິ​ບັດ​ນະ​ໂຍ​ບາຍ​ປ້ອງ​ກັນ​ປະ​ເທດ​ແບບ​ປ້ອງ​ກັນຕົນ​ເອງ, ການ​ພັດ​ທະ​ນາ​ຂອງ​ຈີນ​ຈະ​ບໍ່​ເປັນ​​ໄພ​ຂົ່​ມ​ຂູ່​​ຕໍ່​ປະ​ເທດ​ໃດ, ​ຈີນ​ຈະ​ບໍ່​ເປັນ​ເຈົ້າ​ໂລກ​ເຖິງວ່າ​ຕົນ​ເອງ​ຈະ​ພັດ​ທະ​ນາ​ໄປ​ເຖິງ​ຈຸດ​ໃດກໍ​ຕາມ.

error: Content is protected !!