ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊິງຂັນລາງວັນວິທະຍຸກະຈາຍສຽງ ໂຮ່ຈີມິງ VOH ໄລຍະທີ 4 ແລະ ໄລຍະທີ 5 ໄດ້ສຳເລັດຢ່າງຈົບງາມ

- 48213544 2104895926487624 8794544660727988224 n - ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊິງຂັນລາງວັນວິທະຍຸກະຈາຍສຽງ ໂຮ່ຈີມິງ VOH ໄລຍະທີ 4 ແລະ ໄລຍະທີ 5 ໄດ້ສຳເລັດຢ່າງຈົບງາມ
- Untitled design - ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊິງຂັນລາງວັນວິທະຍຸກະຈາຍສຽງ ໂຮ່ຈີມິງ VOH ໄລຍະທີ 4 ແລະ ໄລຍະທີ 5 ໄດ້ສຳເລັດຢ່າງຈົບງາມ

      ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊີງຂັນລາງ ວັນວິທະຍຸກະຈາຍສຽງ ໂຮ່ຈີ​ມິ​ງ VOH ປະຈຳປີ 2018 ໄລຍະທີ 4 ແລະ ໄລຍະທີ 5 ທີ່ຈັດຂຶ້ນຢູ່ແຂວງຈຳປາສັກ ສປປ ລາວ ໃນຫວ່າງວັນທີ 13-14 ທັນວາ ເຊິ່ງເປັນຮອບການແຂ່ງຂັນ 3 ຊາດອິນດູຈີນ,​ ການແຂ່ງຂັນໄລຍະທີ 4 ແມ່ນໄດ້ກຳນົດເອົາຈຸດປ່ອຍລົດຖີບຢູ່ດ່ານສາກົນໜອງນົກຂຽນ ເມືອງໂຂງ ໂດຍຜ່ານເມືອງປະທຸມພອນ ແລ້ວມຸ້ງໜ້າສູ່ນະຄອນປາເຊ ເຂົ້າສູ່ເສັ້ນໄຊທີ່ຫ້ອງວ່າການປົກຄອງແຂວງຈຳປາສັກເປັນໄລຍະທາງຍາວກວ່າ 100 ກິໂລແມັດ ​ໂດຍຂະບວນລົດ​ໄດ້ມຸ່ງໜ້າໄປຜ່ານໄຟແດງໂບດໄປຫາ ມ.ສ ໂພນໄຊ, ຜ່ານວົງວຽນພາເລດຂ້າມຂົວໂຊຫວຽດ, ຈາກນັ້ນອອກໃສ່ວົງວຽນສະໜາມບິນແລ້ວລ້ຽວກັບເຂົ້າເສັ້ນທາງທ່າຫີນໂດຍຂ້າມຂົວສຸພານຸວົງ, ຜ່ານວັດຫຼວງ, ຜ່ານທ່າສາລາຄຳ ແລ້ວເຂົ້າສູ່ເສັ້ນໄຊທີ່ຫ້ອງວ່າການປົກຄອງແຂວງຄືເກົ່າ ລວມໄລຍະທາງການແຂ່ງຂັນຄັ້ງນີ້ກຳນົດ 8 ຮອບ ເຊິ່ງຜົນການແຂ່ງຂັນປາກົດວ່າ ໄລຍະທີ 4 ຊະນະເລີດ ແມ່ນທ້າວ ໂງ ວັນ ເຟືອງ, ຮອງຊະນະເລີດແມ່ນທ້າວ ຫງວຽນ ຖັງ ແລະ ທີ 3 ແມ່ນ ທ້າວ ເລ ຫງວຽນ ມິງ ຈາກ ສສ ຫວຽດນາມ.ສຳລັບໄລຍະທີ 5 ຊະນະເລີດ ແມ່ນທ້າວ ເລ ຫງວຽນ ມິງ, ຮອງຊະນະເລີດ ແມ່ນທ້າວ ເລວັນຊົນ ແລະ ທີ 3 ແມ່ນທ້າວ ມາຍ ຫງວຽນ ຕິງ, ໃຫ້ກຽດມອບຂັນລາງວັນຂອງທ່ານ ບົວສອນ ວົງສອງຄອນ ຮອງເຈົ້າແຂວງຈຳປາສັກ, ທ່ານ ເລກົງດົ່ງ ຫົວໜ້າສະຖານີວິທະຍຸກະຈາຍສຽງນະຄອນໂຮ່ຈີ​ມິ​ງ ສສ ຫວຽດນາມ ແລະ ຄະນະນໍາຂອງແຂວງຈໍາປາສັກ, ສ່ວນວັນທີ 15 ທັນວາ ແມ່ນແຂ່ງຂັນໂດຍເລີ່ມຈາກຈຸດປ່ອຍຢູ່ຕໍ່ໜ້າຫ້ອງວ່າການປົກ ຄອງແຂວງຈຳປາສັກອອກໄປໃສ່ເສັ້ນທາງເລກທີ 13 ໃຕ້ໄປໃສ່ເສັ້ນທາງປາກຊ່ອງແລ້ວຜ່ານອອກເມືອງທ່າແຕງ ແຂວງເຊກອງ. ການແຂ່ງຂັນຄັ້ງນີ້ມີນັກແຂ່ງລົດຖີບທັງໝົດ 64 ຄົນ, ໃນນັ້ນມີນັກແຂ່ງລົດຖີບຈາກລາວ 6 ຄົນ, ກຳປູເຈຍ 5 ຄົນ ແລະ ສສ ຫວຽດນາມ 53 ຄົນ ເຊິ່ງໄລຍະການແຂ່ງຂັນຂອງນັກກິລາລົດຖີບ ນາມກິເຄີຍເງ້ຍຄັ້ງທີ 21 ປະຈຳປີ 2018 ນີ້ ແມ່ນລວມທັງໝົດ 12 ໄລຍະ ມີ​ຜູ້​ເຂົ້າຮ່ວມ​ແຂ່ງຂັນ​ທັງ​ໝົດ 259 ຄົນ ເຊິ່ງຈະໄປຊິ້ນສຸດຢູ່ນະຄອນໂຮ່ຈີ​ມິ​ງ ສສ ຫວຽດນາມ.

- Wave100S AD to Website 2020 0 - ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊິງຂັນລາງວັນວິທະຍຸກະຈາຍສຽງ ໂຮ່ຈີມິງ VOH ໄລຍະທີ 4 ແລະ ໄລຍະທີ 5 ໄດ້ສຳເລັດຢ່າງຈົບງາມ
- WhatsApp Image 2020 05 27 at 5 - ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊິງຂັນລາງວັນວິທະຍຸກະຈາຍສຽງ ໂຮ່ຈີມິງ VOH ໄລຍະທີ 4 ແລະ ໄລຍະທີ 5 ໄດ້ສຳເລັດຢ່າງຈົບງາມ
- WhatsApp Image 2020 05 27 at 5 - ການແຂ່ງຂັນລົດຖີບສາກົນ ນາມກີ່ເຄີ້ຍເງ້ຍ ຄັ້ງທີ 21 ຊິງຂັນລາງວັນວິທະຍຸກະຈາຍສຽງ ໂຮ່ຈີມິງ VOH ໄລຍະທີ 4 ແລະ ໄລຍະທີ 5 ໄດ້ສຳເລັດຢ່າງຈົບງາມ
error: Alert: ເນື້ອຫາຂ່າວມີລິຂະສິດ !!