ກົບຕາຍຍ້ອນປາກ ຄັນຄາກຕາຍຍ້ອນສຽງ

- 1241 - ກົບຕາຍຍ້ອນປາກ ຄັນຄາກຕາຍຍ້ອນສຽງ
- Untitled design - ກົບຕາຍຍ້ອນປາກ ຄັນຄາກຕາຍຍ້ອນສຽງ

ໂດຍ: ທິດ​ກ່ຳ

ວັນທິດທີ່ຜ່ານມານີ້,ທິດກ່ຳ ໄດ້ເຫັນຂ່າວຈາກ ສື່ອອນລາຍຊ່ອງສະປິງນິວ ເຈາະເລິກສື່ໄທໄດ້ວິຈານເວົ້າແບບຊອກຫາເຫດໃຫ້ເກີດ ຄວາມເຂົ້າໃຈຜິດກ່ຽວກັບ ເລື່ອງການສ້າງທາງລົດໄຟ ລາວ-ຈີນ.

ທິດກ່ຳ ທັງໄດ້ເຫັນ ແລະ ໄດ້ຟັງການອອກມາໂຕ້ຕອບຂອງທິດສີໃນເຊີງທາງລຸກ ໂດຍຍົກເອົາເຫດຜົນມາແກ້ ແລະ ເຕືອນຄົນລາວໃຫ້ເຮົາ ພ້ອມກັນຟັງດ້ວຍເຫດຜົນ  ແລະ ໃຫ້ມີການເຈຍລະໄນ, ມີວິຈາລະນາຍານໃນການ ຟັງ, ແຕ່ໃຜຈະຟັງ ຫລື ບໍ່?, ໃຜ ຈະເຊື່ອຫລືບໍ່ນັ້ນກໍແມ່ນສິດທິຂອງບຸກຄົນ.

ຕາມທິດກ່ຳວ່າ, ຢູ່ບໍ່ຢູ່ ໂຄສົກສອງທ່ານນີ້ກໍພາກັນ ຊອກຫາເຫດເໝືອນດັ່ງສຸພາສິດເຂົາວ່າກົບຕາຍຍ້ອນປາກ ຄັນຄາກຕາຍຍ້ອນສຽງ ເພາະການຕຳໜິວິຈານ ຂອງ ຄົນທີ່ຢູ່ປະເທດໜຶ່ງໄປເວົ້າ ໃຫ້ປະເທດໜຶ່ງໂດຍບໍ່ມີຂໍ້ມູນຄວາມຈິງຄົບຖ້ວນ ແລະ ທັງຕົນເອງບໍ່ໄດ້ຟັງກັບຫູ, ບໍ່ ໄດ້ເບິ່ງກັບຕາມັນເປັນເລື່ອງ ຂີ້ຕົວະກັນ ແລະ ທັງເປັນການ ຜິດຈັນຍາບັນ-ຈັນຍາທຳຂອງ ສື່ມວນຊົນ.

ແຕ່ທີ່ສຳຄັນໂຄສົກ ສອງ ທ່ານນີ້ເວົ້າແມ່ນອີງໃສ່ຂໍ້ມູນ ຈາກ ວິໂອເອ (VOA)ຫລື VOICE OF AMERICA ເປັນຜູ້ສະໜອງໃຫ້, ຖ້າແຫລ່ງ ສື່ເອົາມາຈາກບ່ອນ ນີ້ມັນກໍບໍ່ຈຳເປັນຕ້ອງໄດ້ອະ ທິບາຍເຖິງທາດແທ້ ແລະ ອຸດົມການເພາະຮຽນວິຊາຄົນ ລະຄູເບິ່ງໝໍດູ ຄົນລະໝ້ອງ.

ໃນການວິເຄາະເຈາະ ເລິກເວົ້າວ່າຂອງໂຄສົກໄທ ຍິງ-ຊາຍ ຄູ່ນີ້ມີເຈດຕະນາ ໃສ່ຮ້າຍປ້າຍສີເວົ້າວ່າມາ ຮອດດຽວນີ້ລາວຫາກໍຮູ້ ຕົນເອງຕົກໂງ່ໃຫ້ຈີນ ໂດຍ ພາດຫົວຂໍ້ !! ລາວພຶ່ງຮູ້ … ໄດ້ແຄ່ເສດເນື້ອລົດໄຟຈີນ !! ການເວົ້າກໍມີລັກສະນະຂົບ ຂັນເມົາມັນເຍາະເຍີ້ຍບໍ່ເກງ ກົວຕໍ່ຄຳໃດຄວນເວົ້າ, ບໍ່ຄວນ ເວົ້າ, ຄຳໃດຜິດ, ຄຳໃດຖືກ, ເໝືອນດັ່ງຄົນຮູ້ເທົ່າບໍ່ເຖິງ ການ ແລະ ບໍ່ຄຳນຶງເຖິງ ຄວາມຜູກພັນ, ຄວາມສາມັກ ຄີລະຫວ່າງສອງຊາດລາວ- ໄທ ແລະ ການເຊື່ອມໂຍງລະ ຫວ່າງປະເທດອາຊຽນດ້ວຍກັນ, ສິ່ງທີ່ຜິດພາດນັ້ນຢູ່ ບ້ານ ໂຕແຕ່ພັດໄປໂສເລື່ອງ ຂອງປະເທດອື່ນ.

ສະນັ້ນ, ເພື່ອເປັນການ ວິເຄາະໂຕ້ຕອບຕໍ່ການວິພາກວິຈານ, ທັງເປັນຄວາມເຂົ້າ ໃຈຢ່າງຖືກຕ້ອງກ່ຽວກັບ ການສ້າງທາງລົດໄຟຄວາມໄວສູງ ລາວ-ຈີນນີ້, ທິດກ່ຳ ຂໍແຈ້ງໃຫ້ສະຖານີຊ່ອງນີ້, ໃຫ້ໂຄສົກໄທສອງທ່ານນີ້ ທີ່ບັງອາດເວົ້າວ່າ ໃຫ້ພາກັນ ເຂົ້າໃຈຢ່າງລະອຽດແລ້ວ ວິເຄາະໃຫ້ຖືກຕ້ອງຢ່າພາກັນຈ້າງເອົາແຕ່ເງິນແລ້ວ ເຮັດໃຫ້ຜູ້ອື່ນເສຍຫາຍ.

- Wave100S AD to Website 2020 0 - ກົບຕາຍຍ້ອນປາກ ຄັນຄາກຕາຍຍ້ອນສຽງ

ການສ້າງທາງລົດໄຟ ລາວ-ຈີນ ແມ່ນປະຕິບັດຕາມ ຈຸດປະສົງ ແລະ ຄວາມມຸ່ງ ມາດປາຖະໜາຂອງແນວ  ຄິດ ແລະ ອຸດົມການ ປະທານ ສີ ຈິ້ນຜິງ ໜຶ່ງແລວທາງໜຶ່ງ ເສັ້ນທາງ, ລາວ-ຈີນ ມີລະ ບອບການປົກຄອງອັນດຽວກັນຄືລະບອບຄອມມູນິດ, ພາຍໃຕ້ອຸດົມການຄອມມູນິດ, ມີການຊ່ວຍເຫລືອ ເຊິ່ງກັນ ແລະ ກັນບົນພື້ນຖານການ ຮ່ວມມືຍຸດທະສາດຮອບດ້ານລະຫວ່າງສອງປະເທດ ເຊິ່ງ ຕ່າງຝ່າຍມີຜົນປະໂຫຍດ, ມີສັນຍາ, ມີການແບ່ງງານ ກັນຄັກແນ່ ແລະ ມີການຊີ້ນຳ ກວດການັບແຕ່ຂັ້ນສູນກາງ ພັກ, ລັດໄປຮອດອົງຄະນະ ພັກແຕ່ລະຂັ້ນ, ບົນພື້ນຖານ ຄວາມຮັບຜິດຊອບຂອງບັນດາສະຫາຍສະມາຊິກພັກ ຂອງລາວ ແລະ ຈີນ, ບໍ່ໃຫ້ ເສຍທາດແທ້ມູນເຊື້ອປະຕິ   ວັດ ແລະ ອຸດົມການຂອງ ສອງພັກ, ສອງລັດ, ບໍ່ແມ່ນ ຄິດອັນໃດລະເຮັດ, ຄິດອັນ    ໃດລະເວົ້າໂດຍບໍ່ມີຫລັກລ້າ ຫລັກການ.

ການສ້າງທາງລົດໄຟ ຄວາມໄວສູງແມ່ນໜຶ່ງໃນ ໂຄງການຮ່ວມມືຍຸດທະສາດຮອບດ້ານເພື່ອຂະຫຍາຍ ການຮ່ວມມືໄປສູ່ທຸກຂົງເຂດທັງກ້າວສູ່ພາກພື້ນ ແລະ ເຊື່ອມຕໍ່ໂລກ. ຕົວຢ່າງຈາກ ລາວສູ່ໄທ, ເຊື່ອມຈອດເຖິງ ມາເລເຊຍ, ສິງກະໂປ ແລະ ປະເທດອື່ນ.

ໃນພາກພື້ນອາຊີອາ ຄະເນຫລືກຸ່ມອາຊຽນດ້ວຍ ກັນ, ຈີນຍັງເປັນຄູ່ຮ່ວມທີ່ດີ ແລະ ສຳຄັນຂອງອາຊຽນ, ການທີ່ລາວກັບຈີນຕົກລົງ ຮ່ວມມືສ້າງທາງລົດໄຟ ຄວາມໄວສູງນັ້ນບໍ່ແມ່ນລາວ ຕົກໂງ່ໃຫ້ຈີນ ຄືດັ່ງຄົນຮູ້     ເທົ່າບໍ່ເຖິງການຈຳນວນ ໜຶ່ງຄິດແຕ່ບາງທີໃນອະນາ ຄົດໄທອາດຕົກໂງ່ໃຫ້ຈີນ ກັບລາວກໍເປັນໄດ້.

ເພາະລາວດຽວ ນີ້ບໍ່ແມ່ນ ລາວຕາຂາວຄືໄທດ່າສະໄໝກ່ອນອີກແລ້ວ, ລາວດຽວ ນີ້ເປັນລາວຕາແດງ, ລາວ ຄອມມູນິດ ມີເອກະລາດ, ມີອຸດົມການ, ມີສັດຈະທຳ ແລະ ມີເປົ້າໝາຍຢ່າງແນ່ວ ແນ່, 70 ປີ ແຫ່ງການຕໍ່ສູ້ ປະຕິວັດ ປົດປ່ອຍຊາດ, 43 ປີແຫ່ງການປົກປັກຮັກສາ ແລະ ພັດທະນາປະເທດ ຊາດ ລາວມີຄວາມພູມໃຈຕໍ່ເຊື້ອ ຊາດ ແລະ ປະຫວັດສາດ ຂອງຕົນເອງ.

ຄຳວ່າລາວຢືມເງິນຈີນ,ທັງເງິນທັງງານມີແຕ່ຈີນ ໄດ້ມັນບໍ່ເປັນຄວາມຈິງຈັກ ຢ່າງ ແລະ ຜົນປະໂຫຍດ ທຸກຢ່າງມັນແມ່ນເພື່ອອະນາຄົດ ຂອງສອງປະເທດ,ຖ້າບໍ່ຮູ້ລະອຽດກໍບໍ່ຕ້ອງເວົ້າ ເພາະມັນເປັນປະເທດຂອງ ໃຜມັນ ແລະ ບໍ່ຕ້ອງໄປກ້າວກ່າຍ, ພາກັນຮັບຈ້າງຫາເງິນ ລ້ຽງຊີບໃຫ້ດີໆ ຢ່າຊອກຫາ ເຫດຖ້າບໍ່ດັ່ງນັ້ນອາດຕົກຢູ່ໃນກໍລະນີກົບຕາຍຍ້ອນປາກຄັນ ຄາກຕາຍຍ້ອນສຽງ./.

- 1241 - ກົບຕາຍຍ້ອນປາກ ຄັນຄາກຕາຍຍ້ອນສຽງ
- WhatsApp Image 2020 05 27 at 5 - ກົບຕາຍຍ້ອນປາກ ຄັນຄາກຕາຍຍ້ອນສຽງ
- WhatsApp Image 2020 05 27 at 5 - ກົບຕາຍຍ້ອນປາກ ຄັນຄາກຕາຍຍ້ອນສຽງ
error: Alert: ເນື້ອຫາຂ່າວມີລິຂະສິດ !!