ສິ່ງທີ່ທ່ານຄວນປະຕິບັດເມື່ອມີເດັກນ້ອຍເດີນທາງເທິງເຮືອບິນ

- advert banner 728 90 728x90 - ສິ່ງທີ່ທ່ານຄວນປະຕິບັດເມື່ອມີເດັກນ້ອຍເດີນທາງເທິງເຮືອບິນ


      ຊາຣາ ຄີເກິລ ເຈົ້າຂອງບລັອກ Flying Pinto ແລະ ດຣ. ລໍຣໍ ມາແຄມ ຜູ້ແຕ່ງໜັງສືເລື່ອງ Peaceful Parents, Happy Kids ມີເຕັກນິກດີໆທີ່ຈະຊ່ວຍໃຫ້ທ່ານນັ່ງເຮືອບິນກັບລູກໄດ້ຢ່າງມີຄວາມສຸກໄປຕະຫລອດການເດີນທາງ.

    1. ໄປເຖິງສະໜາມບິນກ່ອນເວລາ : ເປົ້າໝາຍຂອງທ່ານແມ່ນການປ່ອຍໃຫ້ລູກຫລິ້ນຈົນໝົດແຮງກ່ອນຂຶ້ນເຮືອບິນ ຖ້າຫາກສະໜາມບິນບໍ່ມີບ່ອນຫລິ້ນໄວ້ໃຫ້ເດັກນ້ອຍ ທ່ານອາດຈະໃຫ້ລູກຍ່າງຫລາຍໆ. ນອກຈາກນີ້, ທ່ານກໍຄວນຈະຫລິ້ນຫຍັງທີ່ຕະຫລົກໆໃຫ້ລູກຫົວ ແລະ ມ່ວນ ເພາະການຫົວຈະເຮັດໃຫ້ຮໍໂມນຄໍຕິໂຊນ  ເຊິ່ງເປັນຄວາມເຄັ່ງຄຽດຫລຸດລົງ ລູກຈຶ່ງຜ່ອນຄາຍຄວາມກະວົນກະວາຍໃຈລົງໄປໄດ້ແດ່.

     2. ຜູກມິດໄວ້ : ກຽມສິ່ງຂອງເລັກໆນ້ອຍໆ ເຊັ່ນ : ຊັອກໂກແລັດໄວ້ໃຫ້ລູກມອບໃຫ້ເຈົ້າໜ້າທີ່ເທິງເຮືອບິນ, ລອງຂໍນາງສາວອາກາດເບິ່ງວ່ານາງຈະພາລູກທ່ານໄປທັກທາຍກັບຕັນໄດ້ບໍ່ ເຊິ່ງສ່ວນຫລາຍແລ້ວນາງສາວອາກາດຈະຍິນຍອມຕາມຄຳຂໍຂອງທ່ານ ເມື່ອພົບກັບຕັນແລ້ວ ທ່ານອາດຈະຂໍໃຫ້ເຂົາອະທິບາຍໃຫ້ລູກທ່ານຟັງກ່ຽວກັບຕອນທີ່ເຮືອບິນຂຶ້ນລູກຂອງທ່ານຈະໄດ້ຕັ້ງໃຈລໍຖ້າ (ແຕ່ຕ້ອງຂໍພົບກ່ອນທີ່ຈະຂຶ້ນເຮືອບິນເທົ່ານັ້ນ).

     3. ກະກຽມເຄື່ອງຫລິ້ນ : ແວ່ຮ້ານຂາຍເຄື່ອງຫລິ້ນລາຄາປະຢັດຈັກ 2 – 3 ມື້ກ່ອນເດີນທາງ, ຊື້ເຄື່ອງຫລິ້ນ ແລະ ເກມມາຫລາຍໆຢ່າງ ແລ້ວເອົາມາຫໍ່ຂອງຂັວນໄວ້ ຂອງຂັວນເຫລົ່ານີ້ຈະຊ່ວຍກູ້ສະຖານະການໃຫ້ທ່ານໄດ້ ເມື່ອລູກຂອງທ່ານເລີ່ມຢູ່ບໍ່ເປັນສຸກ ແລະ ທ່ານຕ້ອງຫັນຄວາມສົນໃຈຂອງລູກມາໃສ່ຂອງຂັວນແທນ.

- lattana 1 - ສິ່ງທີ່ທ່ານຄວນປະຕິບັດເມື່ອມີເດັກນ້ອຍເດີນທາງເທິງເຮືອບິນ
- 1 1 - ສິ່ງທີ່ທ່ານຄວນປະຕິບັດເມື່ອມີເດັກນ້ອຍເດີນທາງເທິງເຮືອບິນ

     4. ກຽມສິ່ງຂອງຈຳເປັນ : ເນື່ອງຈາກບໍ່ມີການເຮັດຄວາມສະອາດໂຕະພັບສຳລັບວາງຖາດອາຫານລະຫ່ວາງການເດີນທາງ ຂໍແນະນຳໃຫ້ທ່ານຊື້ແຜ່ນຮອງສຳລັບໂຕະອາຫານຊະນິດທີ່ມີກາວ ຕິດແລ້ວດຶງອອກໄດ້ ລູກທ່ານຈະໄດ້ມີພື້ນທ່ີສະອາດໆໄວ້ກິນອາ ຫານ ແລະ ຫລິ້ນໄດ້ຕະຫລອດເວລາ. ສ່ວນສໍສີທີ່ພົກພາຕິດໂຕມາ ຄວນເລືອກແບບທີ່ເປັນແທ່ງ 3 ຫລ່ຽມ ຈຶ່ງຈະບໍ່ກິ້ງຕົກຈາກໂຕະ.

     5. ຫາຫຍັງໃຫ້ເຮັດ : ສັນຍານ Wi – Fi ທີ່ມີໄວ້ໃຫ້ໃຊ້ລະຫ່ວາງເດີນທາງມັກຈະບໍ່ແຮງພໍທີ່ຈະເປີດເບິ່ງວີດີໂອຕ່າງໆ ດັ່ງນັ້ນ ທ່ານຄວນກຽມດາວໂຫລດລາຍການໂທລະພາບ ແລະ ຮູບເງົາໄວ້ລ່ວງໜ້າ. ນອກຈາກນີ້ຄວນຈະກຽມຫູຟັງສຳລັບເດັກ, ສາຍສຽບຫູຟັງ ແລະ ແບັດເຕີຣີສຳຮອງມານຳ.

    6. ເອົາເກມໃຫ້ຫລິ້ນ : ຖ້າລູກຂອງທ່ານຍັງບໍ່ໃຫຍ່ພໍທີ່ຈະນັ່ງເບິ່ງຮູບເງົາແຕ່ຕົ້ນຈົນຈົບ ລອງໃຫ້ລູກຫລິ້ນເກມອື່ນ ເຊັ່ນ : Toca Kitchen ເຊິ່ງໄດ້ຮັບລາງວັນຊະນະເລີດຂອງ Parents Choice Award ເກມນີ້ສອນເດັກນ້ອຍໃຫ້ຮູ້ຈັກເຮັດອາຫານເບື້ອງຕົ້ນ ຫາກທ່ານຢາກໄດ້ຄວາມຄິດອື່ນໆວ່າຄວນຫາຫຍັງໃຫ້ລູກເຮັດເວລາເດີນທາງດ້ວຍເຮືອບິນ ລອງຫາຂ້ໍມູນຕື່ມຈາກ  Common Sense Media ໄດ້.

error: Content is protected !!