ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ

- image001 - ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ
- Untitled design - ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ

     ພິ​ທີ​ເປີດ​ສາຂາ​ໃໝ່​ຂອງ​ທະນາຄານ​ ລາວ-ຫວຽດ ທີ່​ແຂວງ​ບໍລິ​ຄຳ​ໄຊ​ໄດ້​ມີ​ຂຶ້ນ​ໃນ​ວັນ​ທີ 12 ທັນວາ​ຜ່ານ​ມາ​ນີ້ ​ໂດຍ​ການ​ເຂົ້າຮ່ວມ​ຂອງ​ຄະນະ​ນຳ​ແຂວງ​ບໍລິ​ຄຳ​ໄຊ​ແລະ ຄະນະ​ອຳນວຍ​ການ​ຂອງ​ທະນາຄານ​ດັ່ງກ່າວ ພ້ອມ​ດ້ວຍ​ມວນ​ຊົນ​ຊາວ​ເມືອງ​ປາກ​ຊັນ​ເຂົ້າຮ່ວມ​ເປັນ​ຈຳນວນ​ຫລາຍ.

- image001 - ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ

      ການ​ເປີດ​ສາຂາ​ດັ່ງກ່າວ​ກໍ​ເພື່ອ​ແນ​ໃສ່​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ການ​ພັດທະນາ​ເສດຖະກິດ-ສັງຄົມ​ຂອງ​ແຂວງ​ບໍລິ​ຄຳ​ໄຊ​ທີ່​ນັບ​ມື້ຂະຫຍາຍຕົວ ​ໂດຍ​ສະ​ເພາະ​ແມ່ນ​ແນ​ໃສ່​ໃຫ້​ແກ່​ປະຊາຊົນ ​ແລະ ບັນດາ​ຫົວໜ່ວຍ​ທຸລະ​ກິດ​ຕ່າງໆ​ສາມາດ​ເຂົ້າ​ເຖິງ​ການ​ບໍລິການ​ຂອງ​ທະນາຄານ​ມີ​ຄວາມ​ສະດວກ​ດີ​ຂຶ້ນກວ່າ​ເກົ່າ.

- Wave100S AD to Website 2020 0 - ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ

     ທ່ານ ຟ້າ​ມ ກວັກ ກົງ ຮອງ​ຜູ້ອຳນວຍການ​ໃຫຍ່ LaoVietBank ​ໃຫ້​ຮູ້​ວ່າ: ທະນາຄານ​ຮ່ວມ​ທຸລະ​ກິດ ລາວ-ຫວຽດ ​ໄດ້​ຮັບ​ການ​ສ້າງຕັ້ງຂຶ້ນ​ໃນ​ປີ 1999 ພາຍ​ໃຕ້​ການ​ຊີ້​ນຳ​ຂອງ​ສອງ​ພັກ, ລັດຖະບານ ​ແລະ ປະຊາຊົນ​ສອງ​ຊາດ ລາວ-ຫວຽດນາມ ​ໂດຍ​ການ​ຮ່ວມ​ມື​ລະຫວ່າງ​ທະນາຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ (BCEL) ​ແລະ ທະນາຄານ​ຮຸ້ນ​ສ່ວນ​ລົງທຶນ ​ແລະ ພັດທະນາ​ຫວຽດນາມ (BIDV) ​ເພື່ອ​ແນ​ໃສ່​ເຊື່ອມ​ໂຍງ​ການ​ຮ່ວມ​ມື​ເສດຖະກິດ ​ແລະ ການ​ພົວພັນ​ສາມັກຄີ​ມິດຕະພາບ​ພິ​ເສດ​ອັນ​ເປັນ​ມູນ​ເຊື້ອລະຫວ່າງ​ສອງ​ຊາດ​ລາວ ​ແລະ ຫວຽດນາມ. ພາຍຫລັງ 19 ປີ ​ແຫ່ງ​ການ​ເຕີບ​ໃຫຍ່​ຂະຫຍາຍຕົວ, ປັດຈຸບັນ LaoVietBank ​ໄດ້​ພັດທະນາ​ຢ່າງ​ເຂັ້ມ​ແຂງ​ດ້ານ​ເຄືອ​ຂ່າຍ ​ແລະ ປະສິດທິ​ຜົນ​ຂອງ​ການ​ເຄື່ອນ​ໄຫວ, ກາຍ​ເປັນ​ໜຶ່ງ​ໃນ​ບັນດາ​ສະ​ຖາ​ບັນ​ການ​ເງິນ​ຢູ່​ໃນ​ແຖວ​ໜ້າ​ຂອງ ສປປ ລາວ ​ແລະ ​ໄດ້​ປະກອບສ່ວນ​ຢ່າງ​ໃຫຍ່​ຫລວງ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມຂອງ​ສອງ​ປະ​ເທດ. ພ້ອມ​ກັນນັ້ນ ກໍ​ເປັນ​ການ​ສ້າງ​ໂອກາດ​ໃນ​ການ​ດຳ​ເນີນ​ທຸລະ​ກິດ, ຂະຫຍາຍ​ເຄືອ​ຂ່າຍ​ທຸລະ​ກິດ ​ແລະ ການ​ພັດທະນາ​ຢູ່​ເຂດ​ທ້ອງ​ຖິ່ນ​ໄດ້​ເຕີບ​ໃຫຍ່​ເຂັ້ມ​ແຂງ.

- WhatsApp Image 2020 05 27 at 5 - ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ
- WhatsApp Image 2020 05 27 at 5 - ທະນາຄານ ລາວ-ຫວຽດ ​ເປີດ​ສາຂາ​ໃໝ່ ທີ່​ແຂວງ​ບໍລິ​ຄຳ​ໄຊ
error: Alert: ເນື້ອຫາຂ່າວມີລິຂະສິດ !!