ສຸກອາພອນ ເປີດໂຕເປັນທາງການກັບສັງກັດໃໝ່ ໃນໄທລີກ 1 ໄຊນາດ ຮອນບີວ

- 48384163 2314346638640775 1692922502872825856 n - ສຸກອາພອນ ເປີດໂຕເປັນທາງການກັບສັງກັດໃໝ່ ໃນໄທລີກ 1 ໄຊນາດ ຮອນບີວ
- Untitled design - ສຸກອາພອນ ເປີດໂຕເປັນທາງການກັບສັງກັດໃໝ່ ໃນໄທລີກ 1 ໄຊນາດ ຮອນບີວ

      ​ໄຊ​ນາດ ຮອນ​ບີ​ວ ກຳລັງ​ກຽມ​ທີ​ມ​ເພື່ອ​ສູ້​​ເສິກ​ໄທ​ລີກ ລະດູ​ການ 2019 ​ໂດຍ​ກ່ອນ​ໜ້າ​ນີ້ ສະ​ໂມ​ສອນ​ໄດ້​ເປີດ​ຕົວ​ຜູ້​ຫລິ້ນ​ໃໝ່​ແລ້ວ​ທັງ​ໝົດ 3 ຄົນ ປະກອບ​ມີ ​ເລ​ອັນ​ໂດຣ ​ເຣຊິ​ດ້າ ປີກ​ຊາວ​ຮອລ​ແລນ, ຄາ​ຊູ​ກິ ມູຣາຄາ​ມິ ​ແນວ​ຮັບ​ຊາວ​ຍີ່ປຸ່ນ ​ແລະ ກໍ​ກ້າ ອຸນດ້າ ກອງ​ກາງ​ຊາວ​ສະ​ເປ​ນ ​ເຊິ່ງຫລ້າ​ສຸດ​ກໍ​ໄດ້​ເປີດ​ຕົວຢ່າງ​ເປັນ​ທາງ​ການ​ສຳລັບ​ເຈົ້າຂອງ​ສາຍາ ​ເມສຊີລາວ ສຸກ​ອາພອນ ວົງ​ຈຽງ​ຄຳ ​ເຂົ້າສູ່​ທີ​ມອີກ 1 ຄົນ​ໃນ​ຕຳ​ແໜ່​ງ​ໂກ​ຕ້າ​ອາ​ຊຽນ ຫລັງ​ຈາກ​ລາວ​ຜ່ານ​ການກວດ​ຮ່າງກາຍ ​ແລະ ​ໃນ​ລະດູ​ການ 2019 ຈະ​ເຖິງ​ນີ້ ​ເປັນ​ເທື່ອ​ທຳ​ອິດ​ຂອງ ສຸກ​ອາພອນ ວົງ​ຈຽງ​ຄຳ ທີ່​ໄດ້​ຮັບ​ໂອກາດລົງຫລິ້ນ​ໃນ​ລີກ​ສູງ​ຂອງ​​ໄທ​ນຳ​ອີກ, ສ່ວນ​ປະຫວັດ​ການ​ຫລິ້ນຂອງ​ດາວ​ດັງ​ທີ​ມຊາດ​ລາວ ​ເຄີຍ​ຫລິ້ນ​ໃຫ້​ທີ​ມ​ເຍົາວະ​ຊົນ​ຂອງ​ສະ​ໂມ​ສອນ ບີ​ອີ​ຊີ ​ເທ​ໂຣ ຮຸ່ນ​ດຽວ​ກັບ ຊະນາ​ທິບ ສົງ​ກະສິນ ​ແລະ ຜ່ານ​ການ​ຫລິ້ນມາ​ຫລາຍ​ສະ​ໂມ​ສອນ​ໃນ​ໄທ ບໍ່​ວ່າ​ຈະ​ເປັນ ກະ​ບີ ​ເອັຟຊີ, ພິດ​ສະນຸ​ໂລກ ​ເອັຟຊີ, ສະລະ​ບຸລີ ​ເອັຟຊີ ​ແລະ ຫລິ້ນ​ໃຫ້​ກັບ ສີ​ສະ​ເກດ ​ເອັຟຊີ ​ໃນ​ລະດູ​ການ​ຜ່ານ​ມາ.

       ສ່ວນ​ຜົນງານ​ຂອງ ສຸກ​ອາພອນ ວົງ​ຈຽງ​ຄຳ ​ໃນ​ທີ​ມຊາດ​ລາວ​ນັ້ນ ລາວ​ຫລິ້ນ​ໃຫ້​ກັບ​ທີ​ມຊາດ​ລາວ​ໃນ​ທຸກ​ຮຸ່ນ​ອາຍຸ​ໃນ​ລະດັບ​ເຍົາວະ​ຊົນ​ກ່ອນ​ຈະ​ຂຶ້ນຊຸດ​ໃຫຍ່​ຂອງ​ທີ​ມຊາດ​ລາວ​ດ້ວຍ​ອາຍຸ​ພຽງ 19 ປີ.

- Wave100S AD to Website 2020 0 - ສຸກອາພອນ ເປີດໂຕເປັນທາງການກັບສັງກັດໃໝ່ ໃນໄທລີກ 1 ໄຊນາດ ຮອນບີວ
- WhatsApp Image 2020 05 27 at 5 - ສຸກອາພອນ ເປີດໂຕເປັນທາງການກັບສັງກັດໃໝ່ ໃນໄທລີກ 1 ໄຊນາດ ຮອນບີວ
- WhatsApp Image 2020 05 27 at 5 - ສຸກອາພອນ ເປີດໂຕເປັນທາງການກັບສັງກັດໃໝ່ ໃນໄທລີກ 1 ໄຊນາດ ຮອນບີວ
error: Alert: ເນື້ອຫາຂ່າວມີລິຂະສິດ !!