ເຢຍລະມັນກຽມຫລຸດຜ່ອນກົດ ຊ່ວຍດຶງດູດແຮງງານຕ່າງປະເທດ

- 1545204234408 960x0 - ເຢຍລະມັນກຽມຫລຸດຜ່ອນກົດ ຊ່ວຍດຶງດູດແຮງງານຕ່າງປະເທດ
- Untitled design - ເຢຍລະມັນກຽມຫລຸດຜ່ອນກົດ ຊ່ວຍດຶງດູດແຮງງານຕ່າງປະເທດ

      ​ເຢຍລະ​ມັນກຳລັງ​ວາງ​ແຜນ​ຫລຸດຜ່ອນ​ກົດ​ຄວບ​ຄຸມ​ການ​ເຂົ້າ​ເມືອງ ​ເພື່ອ​ຊ່ວຍ​ດຶງ​ດູດ​ແຮງ​ງານ​ຕ່າງປະ​ເທດ ​ແລະ ທົດ​ແທນ​ແຮງ​ງານ​ທີ່​ມີ​ອາຍຸ​ຫລາຍ​ຂຶ້ນ ທັງ​ທີ່​ມີ​ກະ​ແສ​ຄັດຄ້ານ​ກໍ​ຕາມ.

      ກົດໝາຍ​ວ່າ​ດ້ວຍ​ການ​ເຂົ້າ​ເມືອງ​ສະບັບ​ທຳ​ອິດ​ຂອງ​ເຢຍລະ​ມັນ ​ເຊິ່ງຈະ​ຜ່ານ​ຄວາມ​ເຫັນ​ພ້ອມ​ຈາກ​ຄະນະ​ລັດຖະບານ​ພາຍ​ໃຕ້​ການ​ນຳ​ຂອງ​ນາຍົກລັດຖະມົນຕີ ອັງ​ເກ​ລາ ​ແມ​ເຄິລ ​ໃນ​ວັນ​ທີ 20 ທັນວາ​ນີ້ ກຳລັງ​ເປັນຄວາມ​ຄາດ​ຫວັງ​ຂອງ​ບັນດາ​ອຸດສາຫະກຳ​ຕ່າງໆ, ​ແຕ່​ກົດໝາຍ​ສະບັບ​ນີ້ ​ເຊິ່ງຈະ​ຕ້ອງ​ຜ່ານ​ຄວາມ​ເຫັນ​ພ້ອມ​ຈາກ​ລັດຖະສະພາ ມີ​ຄວາມ​ສ່ຽງ​ຈະ​ກໍ່​ໃຫ້​ເກີດ​ຄວາມ​ຂັດ​ແຍ່ງ​ຄັ້ງ​ໃໝ່​ໃນ​ປະ​ເທດ​ທີ່​ເຄີຍ​ເກີດ​ບັນຫາ​ມາ​ແລ້ວ​ຈາກ​ກໍລະນີ​ການ​ຫລັ່ງ​ໄຫລ​ເຂົ້າມາ​ຂອງ​ບັນດາ​ຜູ້​ອົບ​ພະຍົບຊາວ​ມຸດ​ສະ​ລິ​ມຫລາຍ​ກວ່າ 1 ລ້ານ​ຄົນ​ນັບ​ແຕ່​ປີ 2015. ທັງ​ນີ້ ກຸ່ມ​ສະຫະພາບ​ແຮງ​ງານ​ເຢຍລະ​ມັນ​ເຕືອນ​ວ່າ: ການ​ຫລຸດຜ່ອນ​ກົດ​ດັ່ງກ່າວ​ອາດ​ນຳ​ໄປ​ສູ່​ການ​ຫລຸດ​ເງິນ​ເດືອນ ​ແລະ ການ​ເອົາ​ປຽບ​ແຮງ​ງານ​ຕ່າງປະ​ເທດ.

      ພາຍ​ໃຕ້​ກົດ​ຄວບ​ຄຸມ​ການ​ເຂົ້າ​ເມືອງ​ສະບັບ​ໃໝ່, ຜູ້​ຫາ​ວຽກ​ເຮັດ​ຈາກ​ປະ​ເທດ​ນອກ​ກຸ່ມ​ສະຫະພາບ​ເອີຣົບ ຫລື EU ລວມທັງ​ພໍ່ຄົວ, ຊ່າງ​ໂລຫະ ຫລື ຊ່າງ​ເຕັກນິກ​ດ້ານ​ໄອ​ທີ ຈະ​ໄດ້​ຮັບ​ອະນຸຍາດ​ໃຫ້​ເຂົ້າມາ ​ເພື່ອ​ທົດ​ລອງ ​ແລະ ຫາ​ວຽກ​ເຮັດ​ໃນ​ເຢຍລະ​ມັນ​ໄດ້​ເປັນ​ເວລາ 6 ​ເດືອນ, ຖ້າ​ສາມາດ​ເວົ້າພາສາ​ເຢຍລະ​ມັນ ​ແລະ ກຸ້ມ​ຕົນ​ເອງ​ໄດ້. ນອກຈາກ​ນີ້ ​ເຢຍລະ​ມັນ​ຍັງ​ມີ​ແຜນ​ຈະ​ອະນຸຍາດ​ໃຫ້​ຜູ້​ອົບ​ພະຍົບທີ່ຢູ່​ໃນ​ເຢຍລະ​ມັນ​ແລ້ວ ​ແລະ ກຳລັງ​ລໍຖ້າ​ອະນຸມັດ​ການ​ຂໍ​ລີ້​ໄພ​ອາ​ໄສ​ຢູ່​ຕໍ່​ໄປ, ຖ້າ​ໄດ້​ຮັບ​ການ​ຈ້າງ ​ແລະ ສະ​ແດງ​ໃຫ້​ເຫັນ​ວ່າ​ສາມາດ​ຢູ່​ຮ່ວມ​ກັບ​ຄົນ​ໃນ​ສັງຄົມ​ໄດ້. ​ເຖິງ​ຢ່າງ​ໃດ​ກໍ​ຕາມ, 60% ຂອງ​ບໍລິສັດ​ຕ່າງໆ​ກຳລັງ​ເບິ່ງ​ວ່າ: ກາ​ນຂາດ​ເຂີນ​ແຮງ​ງານ ​ເປັນຄວາມ​ສ່ຽງ​ຕໍ່​ການ​ພັດທະນາ​ທຸລະ​ກິດ.

- Wave100S AD to Website 2020 0 - ເຢຍລະມັນກຽມຫລຸດຜ່ອນກົດ ຊ່ວຍດຶງດູດແຮງງານຕ່າງປະເທດ

        ການ​ອົບ​ພະຍົບ​ເຂົ້າ​ເມືອງ​ກາຍ​ເປັນ​ບັນຫາ​ຮ້ອນ​ໃນ​ໄລຍະ​ຫລາຍ​ປີຜ່ານມາ,​ ຫລັງ​ຈາກ​ມີ​ຜູ້​ອົບ​ພະຍົບຈຳນວນ​ຫລາຍ​ຫລັ່ງ​ໄຫລ​ເຂົ້າມາ ​ໂດຍ​ສ່ວນ​ຫລາຍ​ເປັນ​ຜູ້​ຫລົບໜີ​ສົງຄາມ​ໃນ​ອີຣັກ ຫລື ຊີຣີ.​

- WhatsApp Image 2020 05 27 at 5 - ເຢຍລະມັນກຽມຫລຸດຜ່ອນກົດ ຊ່ວຍດຶງດູດແຮງງານຕ່າງປະເທດ
- WhatsApp Image 2020 05 27 at 5 - ເຢຍລະມັນກຽມຫລຸດຜ່ອນກົດ ຊ່ວຍດຶງດູດແຮງງານຕ່າງປະເທດ
error: Alert: ເນື້ອຫາຂ່າວມີລິຂະສິດ !!