ຄວາມເຊື່ອໝັ້ນພາກທຸລະກິດໃນອາຊີ ຍັງຕໍ່າເພາະກັງວົນສົງຄາມການຄ້າ

- 1545192667029 960x0 - ຄວາມເຊື່ອໝັ້ນພາກທຸລະກິດໃນອາຊີ ຍັງຕໍ່າເພາະກັງວົນສົງຄາມການຄ້າ
- Untitled design - ຄວາມເຊື່ອໝັ້ນພາກທຸລະກິດໃນອາຊີ ຍັງຕໍ່າເພາະກັງວົນສົງຄາມການຄ້າ

     ຜົນສຳ​ຫລວດ​ໃໝ່​ພົບ​ວ່າ: ຄວາມ​ເຊື່ອ​ໝັ້ນພາກ​ທຸລະ​ກິດ​ໃນ​ອາຊີ​ຍັງ​ຄາດ​ຄະ​ເນ​ຢ່າງ​ລະມັດລະວັງສຳລັບ​ໄຕ​ມາດສີ່​ຂອງ​ປີ​ນີ້ ​ເພາະ​ກຳລັງ​ເຝົ້າຕິດຕາມ​ເບິ່ງ​ວ່າ​ສົງຄາມ​ການ​ຄ້າ ຈີນ-ອາ​ເມ​ລິ​ກາ ຈະ​ມີ​ຄວາມ​ຄືບ​ໜ້າ ຫລື ບໍ່.

      ທອມ​ສັນຣອຍ​ເຕີ ​ແລະ ອິນ​ສຽດ​ສຳ​ຫລວດ​ທຸລະ​ກິດ​ຫລາຍ​ປະ​ເພດ​ໃນ 11 ປະ​ເທດ​ອາຊີ-ປາຊີ​ຟິກ ລະຫວ່າງ​ວັນ​ທີ 30 ພະຈິກ-14 ທັນວາ ​ໄດ້​ດັດຊະນີ​ບັນຍາກາດ​ທຸລະ​ກິດ​ອາຊີ​ທີ່​ບົ່ງ​ບອກ​ເຖິງ​ຄວາມ​ຄາດ​ຫວັງ​ໄລຍະ 6 ​ເດືອນ​ຂອງ 84 ບໍລິສັດ​ວ່າ: ດັດຊະນີ​ຢູ່​ທີ່ 63 ຈຸດ​ໃນ​ໄຕ​ມາດ​ເດືອນ​ຕຸລາ-ທັນວາ ​ເພີ່ມ​ຂຶ້ນ​ເລັກ​ໜ້ອຍ​ຈາກ 58 ຈຸດ​ໃນ​ໄຕ​ມາດ​ເດືອນ​ກໍລະກົດ-ກັນຍາ​ທີ່​ເກືອບ​ຕໍ່າ​ສຸດ​ໃນ​ຮອບ 3 ປີ, ​ເຖິງ​ວ່າ​ດັດຊະນີ​ທີ່​ສູງ​ກວ່າ 50 ຈຸດ ບົ່ງ​ບອກ​ເຖິງ​ຄວາມ​ຄາດ​ຫວັງ​ໃນ​ແງ່​ດີ, ​ແຕ່​ນັກວິຊາການ​ຂອງ​ອິນ​ສຽດ​ເບິ່ງ​ວ່າ: ດັດຊະນີ​ຫລ້າ​ສຸດ​ເນັ້ນບັນຍາກາດ​ຂອງ​ໄຕ​ມາດ​ກ່ອນ​ທີ່​ພາກ​ທຸລະ​ກິດ​ຍັງ​ເຕັມ​​ແຕ່​ຄວາມ​ບໍ່​ໝັ້ນ​ໃຈ ​ແລະ ຄວາມ​ກັງວົນ​ເລື່ອງ​ເສດຖະກິດ​ເຕີບ​ໃຫຍ່ ​ແລະ ບໍ່​ແປກ​ໃຈ ຖ້າ​ຈະ​ເກີດ​ວິ​ກິດ​ຂຶ້ນ​ໃນ​ອະນາຄົດ.

      ປັດ​ໄຈ​ຄວາມ​ສ່ຽງ​ຫລັກ​ທີ່​ພາກ​ທຸລະ​ກິດ​ໃນ​ອາຊີ​ກັງວົນ​ຍັງ​ເປັນ​ເລື່ອງ​ສົງ​ຄາ​ມການ​ຄ້າ​ໂລກ, ​ເສດຖະກິດ​ຈີນ​ຂະຫຍາຍຕົວ​ຊ້າ ​ແລະ ອັດຕາ​ດອກ​ເບ້ຍ​ສູງ​ຂຶ້ນ. ທຸລະ​ກິດ​ດ້ານ​ເຕັກ​ໂນ​ໂລ​ຊີ ​ແລະ ​ໂທລະ​ຄົມມະນາຄົມ​ທີ່​ໄດ້​ຮັບ​ຜົນ​ກະທົບ​ແລ້ວ​ຈາກ​ຄວາມ​ຕ້ອງການ​ໃນ​ຕະຫລາດ​ໂລກ​ຊຸດ​ໂຊມ​ເປັນ​ກຸ່ມ​ທີ່​ຄາດ​ຄະ​ເນ​ໃນ​ແງ່​ຮ້າຍ​ທີ່​ສຸດ. ດັດຊະນີ​ຕໍ່າ​ເປັນ​ປະຫວັດສາດ​ຢູ່​ທີ່ 44 ຈຸດ, ທຸລະ​ກິດ​ໃນ​ໄຕ້​ຫວັນ ​ເຊິ່ງ​ເປັນ​ຜູ້​ສົ່ງ​ອອກ​ດ້ານ​ເອ​ເລັກ​ໂຕຣນິກສຳຄັນ​ມີ​ຄວາມ​ຄາດ​ຫວັງ​ທາງ​ລົບ​ຫລາຍ​ທີ່​ສຸດ​ເຖິງ 17 ຈຸດ ຫລຸດ​ລົງ​ຈາກ​ໄຕມາດ​ກ່ອນ​ຢູ່​ທີ່ 58 ຈຸດ. ​ເຊັ່ນ​ດຽວ​ກັບ​ທຸລະ​ກິດ​ໃນ​ຍີ່ປຸ່ນ ​ແລະ ສ.​ເກົາຫລີ ທີ່​ມີ​ຄວາມ​ຄາດ​ຫວັງ​ໃນ​ທາງ​ລົບ​ຫລາຍ​ທີ່​ສຸດ. ຂະນະ​ທີ່​ທຸລະ​ກິດ​ໃນ​ຟີ​ລິບ​ປິນ, ມາ​ເລ​ເຊຍ ​ແລະ ​ໄທ ມີ​ຄວາມ​ຄາດ​ຫວັງ​ໃນ​ທາງ​ບວກ​ຫລາຍ​ທີ່​ສຸດ​ໃນ​ການ​ສຳ​ຫລວດ. ​ເຖິງ​ຢ່າງ​ໃດ​ກໍ​ດີ, ປະ​ເທດ​ເຫລົ່າ​ນີ້​ຍັງ​ກັງວົນ​ເລື່ອງ​ຮັບ​ມື​ກັບ​ທະນາຄານ​ກາງ​ອາ​ເມ​ລິ​ກາ (​ເຟດ) ຂຶ້ນດອກ​ເບ້ຍ​ນະ​ໂຍບາຍ​ຢ່າງ​ຕໍ່​ເນື່ອງ ​ແລະ ​ໂດ​ລາ​ສະຫະລັດ​ແຂງ​ຄ່າ.

- Wave100S AD to Website 2020 0 - ຄວາມເຊື່ອໝັ້ນພາກທຸລະກິດໃນອາຊີ ຍັງຕໍ່າເພາະກັງວົນສົງຄາມການຄ້າ
- WhatsApp Image 2020 05 27 at 5 - ຄວາມເຊື່ອໝັ້ນພາກທຸລະກິດໃນອາຊີ ຍັງຕໍ່າເພາະກັງວົນສົງຄາມການຄ້າ
- WhatsApp Image 2020 05 27 at 5 - ຄວາມເຊື່ອໝັ້ນພາກທຸລະກິດໃນອາຊີ ຍັງຕໍ່າເພາະກັງວົນສົງຄາມການຄ້າ
error: Alert: ເນື້ອຫາຂ່າວມີລິຂະສິດ !!