ສາທາ​ລະນະ​ສຸກຫາລື​ມາດຕະການ​ຕອບ​ໂຕ້​ໄພ​ນ້ຳຖ້ວມ

- Health public - ສາທາ​ລະນະ​ສຸກຫາລື​ມາດຕະການ​ຕອບ​ໂຕ້​ໄພ​ນ້ຳຖ້ວມ
- Untitled design - ສາທາ​ລະນະ​ສຸກຫາລື​ມາດຕະການ​ຕອບ​ໂຕ້​ໄພ​ນ້ຳຖ້ວມ

  ກອງ​ປະຊຸມຫາລື​ມາດ​ຕະການ​ແຜນຕອບ​ໂຕ້​ໄພ​ນ້ຳຖ້ວມ​ທີ່​ເກີດ​ຂຶ້ນ​ໃນ​ລາວ ​ໄດ້ຈັດ​ຂຶ້ນ​ໃນ​ວັນ​ທີ 19 ທັນວານີ້, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ບຸນ​ກອງ ສີ​ຫາ​ວົງ ລັດຖະມົນຕີ​ກະຊວງສາທາລະນະ​ສຸກ, ພ້ອມ​ບັນດາ​ຄູ່​ຮ່ວມ​ງານ​ສາກົນ ​​ ເພື່ອ​ສົນທະນາ ​ແລະ ວາງ​ແຜນຕອບ​ໂຕ້​ຕໍ່​ເຫດການ​ສຸກ​ເສີນ​ໃນ ສປປ ລາວ.

  ທ່ານລັດຖະມົນຕີກະຊວງສາທາລະນະ​ສຸກ ​ໃຫ້​ຮູ້​ວ່າ: ​ໃນ​ປີ 2018 ສປປ ລາວ ​ໄດ້​ຮັບ​ຜົນ​ກະທົບ​ຈາກ​ໄພ​ນ້ຳຖ້ວມ​ຢ່າງ​ຮ້າຍ​ແຮງ, ​ໂດຍ​ສະ​ເພາະ​ແມ່ນ​ຢູ່​ແຂວງອັດ​ຕະປື ຍ້ອນ​ສັນ​ເຂື່ອນ​ເຊ​ປຽນ-​ເຊ​ນ້ຳນ້ອຍ​ແຕກ ​ແລະ ແຂວງຕ່າງໆຍ້ອນ​ຝົນຕົກໜັກ, ຈາກ​ເຫດການ​ດັ່ງກ່າວຂະ​ແຫນງ​ສາທາລະ​ນະ​ສຸກສົມທົບ​ກັບ​ທຸກ​ກຳລັງ​ແຮງ​ໃນ​ສັງຄົມ, ​ຊ່ວຍ​ເຫລືອ​ຜູ້​ເຄາະ​ຮ້າຍ ​ແລະ ການ​ສະກັດ​ກັ້ນ​ພະຍາດ​ລະບາດ​ໃນ​ພຶ້ນທີ່​ໄດ້​ຮັບ​ຜົນ​ກະທົບ​ໄດ້​ເປັນ​ຢ່າງ​ດີ ​ແລະ ມາ​ຮອດປັດຈຸບັນ ສະພາບ​ການ​ຕ່າງໆ ​ເລີ່​ມ​ເຂົ້າ​ສູ່​ສະພາບ​ປົກະຕິ​ແລ້ວ ​ແລະ ລັດຖະບານກຳລັງ​ສຸມ​ໃສ່​ສ້າງ​ພຶ້ນຖານ​ໂຄງ​ລ່າງ ​ແລະ ສິ່ງ​ອຳນວຍ​ຄວາມ​ສະດວກ​ອື່ນໆ ​ເພື່ອ​ຮັບປະກັນ​ເຮັດ​ໃຫ້​ເຂົາ​ເຈົ້າ​ມີ​ຊີວິດ​ທີ່​ດີ​ຂື້ນ​, ສະ​ນັ້ນ​ເພື່ອ​ຕອບ​ໂຕ້​ຕໍ່​ເຫດການ​ສຸກ​ເສີນ​ທາງ​ທຳ​ມະ​ຊາດ ກໍ​ຄື​ດ້ານ​ສາທາລະນະ​ສຸກ​ ໃນຕໍ່ໜ້ານັ້ນ​ຈະ​ຕ້ອງ​ມີ​ການວາງ​ແຜນ​ຢ່າງ​ລະອຽດ ​ແລະ ຮັບປະກັນ​ໃຫ້​ມີ​ຄວາມ​ວ່ອງ​ໄວ ​ແລະ ດີ​ກ່ວາ​ເກົ່າ.

- Wave100S AD to Website 2020 0 - ສາທາ​ລະນະ​ສຸກຫາລື​ມາດຕະການ​ຕອບ​ໂຕ້​ໄພ​ນ້ຳຖ້ວມ

  ທ່ານລັດຖະມົນຕີກະຊວງສາທາລະນະ​ສຸກ ​ໃຫ້​ຮູ້​ວ່າ: ຜ່ານ​ມາ​ການ​ລົງ​ແກ້​ໄຂ​ຕອບ​ໂຕ້​ໄພ​ນ້ຳຖ້ວມ ຖື​ວ່າ​ຍັງ​ພົບ​ຄວາມ​ຫຍຸ້ງຍາກ, ສະ​ນັ້ນກະຊວງສາທາລະນະ​ສຸກ ຈຶ່ງ​ໄດ້​ມີ​ການວາງ​ແຜນ​ແກ້​ໄຂ​ເຫດ​ສຸກ​ເສີນ​ທາງ​ທຳ​ມະ​ຊາດ​ໃຫ້​ໄດ້​ດີ​ຂຶ້ນຄື: ການ​ປະສານ​ງານ, ການ​ຄວບ​ຄຸມພະ​ຍາດຕິ​ດຕໍ່, ການສະໜອງນ້ຳສະອາດ ​ແລະ ສຸຂະ​ພິບານ, ການ​ບໍລິການ​ທາງ​ການ​ແພດ ​ແລະ ອື່ນໆ.

- WhatsApp Image 2020 05 27 at 5 - ສາທາ​ລະນະ​ສຸກຫາລື​ມາດຕະການ​ຕອບ​ໂຕ້​ໄພ​ນ້ຳຖ້ວມ
- WhatsApp Image 2020 05 27 at 5 - ສາທາ​ລະນະ​ສຸກຫາລື​ມາດຕະການ​ຕອບ​ໂຕ້​ໄພ​ນ້ຳຖ້ວມ
error: Alert: ເນື້ອຫາຂ່າວມີລິຂະສິດ !!