ປິດສາກກິລາ ມ.ອາຊຽນ 2018 ລາວ ຄວ້າຫລຽນຄຳເກີນເປົ້າໜາຍ

- 49012608 2002529729827736 7363207695068823552 n - ປິດສາກກິລາ ມ.ອາຊຽນ 2018 ລາວ ຄວ້າຫລຽນຄຳເກີນເປົ້າໜາຍ
- Untitled design - ປິດສາກກິລາ ມ.ອາຊຽນ 2018 ລາວ ຄວ້າຫລຽນຄຳເກີນເປົ້າໜາຍ

     ງານກິລາມະຫາວິທະຍາໄລອາຊຽນ ຄັ້ງທີ 19 ທີ່ນະຄອນຫລວງເນປີດໍ ສາທາລະນະລັດ ສະຫະພາບມຽນມາ ໄດ້ສຳເລັດລົງເປັນທາງການໃນວັນ​ທີ 19 ທັນວາ 2018 ຫລັງດຳເນີນການແຂ່ງຂັນເປັນທາງການມາແຕ່ວັນທີ 10 ທັນວານີ້ ໂດຍມີນັກກິລາເກືອບ 1.500 ຄົນຈາກມະຫາວິທະຍາໄລ 10 ປະເທດໃນອາຊຽນ ແລະ ຕີມໍເລັສເຕ້ ເຂົ້າຮ່ວມ ຊິງ 201 ຫລຽນຄຳ ໃນ 17 ປະເພດກິລາຄື: ບານເຕະຊາຍ, ຍິງທະນູ, ແລ່ນ-ລານ, ດອກປີກໄກ່, ບານບ້ວງ, ໝາກເສິກ, ກັອຟ, ຄາຣາເຕ້, ເປຕັງ, ເຮືອພາຍ, ກະຕໍ້, ກະຕໍ້ຊິນຫລອນ, ລອຍນໍ້າ, ປິ່ງປ່ອງ, ເທັນນິສ, ບານສົ່ງ, ໂວວີນາມ ແລະ ວູຊູ.

       ສະເພາະ ສະຫະພັນກິລາມະຫາວິທະຍາໄລລາວ ສົ່ງຄະນະນຳ, ຄູຝຶກ, ກຳມະການ ແລະ ນັກກິລາເຂົ້າຮ່ວມທັງໝົດ 150 ຄົນ ຮ່ວມແຂ່ງຂັນໃນ 9 ປະເພດກິລາເຊັ່ນ: ບານເຕະຊາຍ, ແລ່ນ-ລານ, ເປຕັງ, ວູຊູ, ຍິງທະນູ, ໂວວີນາມ, ດອກປີກໄກ່, ກະຕໍ້ ແລະ ກັອຟ ວາງເປົ້າໝາຍບໍ່ໃຫ້ຫລຸດ 5 ຫລຽນຄຳ.

       ຜ່ານການແຂ່ງຂັນ ຄະນະນັກກິລາມະຫາວິທະຍາໄລລາວ ສາມາດຄວ້າຫລຽນຄຳເກີນເປົ້າໝາຍໄດ້ 7 ຫລຽນຄຳ, 9 ຫລຽນເງິນ, 11 ຫລຽນທອງ ລວມ 27 ຫລຽນ ໄດ້ອັນດັບທີ 6 ຈາກ 11 ປະເທດເຂົ້າຮ່ວມ ເປັນຜົນງານດີສຸດໃນການເຂົ້າຮ່ວມລາຍການນີ້ ເມື່ອໄປແຂ່ງຂັນນອກປະເທດ ບໍ່ນັບປີທີ່ລາວເຮົາເປັນເຈົ້າພາບ ຄັ້ງທີ 16 ປີ 2012 ຜົນງານ 44 ຫລຽນຄຳ 39 ຫລຽນເງິນ 36 ຫລຽນທອງ ລວມ 119 ຫລຽນ.

- Wave100S AD to Website 2020 0 - ປິດສາກກິລາ ມ.ອາຊຽນ 2018 ລາວ ຄວ້າຫລຽນຄຳເກີນເປົ້າໜາຍ

       7 ຫລຽນຄຳໃນງານກິລາມະຫາວິທະຍາໄລອາຊຽນ ຄັ້ງທີ 19 ໄດ້ຈາກກິລາໂວວີນາມ 2 ຫລຽນຄຳ 3 ຫລຽນເງິນ 2 ຫລຽນທອງ, ເປຕັງ 2 ຫລຽນຄຳ 1 ຫລຽນເງິນ 3 ຫລຽນທອງ, ກະຕໍ້ຊິນ​ຫລອນ 1 ຫລຽນຄຳ 3 ຫລຽນເງິນ 1 ຫລຽນທອງ, ວູຊູ 1 ຫລຽນຄຳ 2 ຫລຽນເງິນ, ແລ່ນ-ລານ 1 ຫລຽນຄຳ 5 ຫລຽນທອງ.

       ສ່ວນເຈົ້າຄອງຫລຽນຄຳເປັນຂອງມະຫາວິທະຍາໄລໄທ ໄດ້ 62 ຫລຽນຄຳ 52 ຫລຽນເງິນ 38 ຫລຽນທອງ 152 ຫລຽນ, ທີ 2 ມ.ອິນໂດເນເຊຍ 44 ຫລຽນຄຳ 39 ຫລຽນເງິນ 30 ຫລຽນທອງ ທີ 3 ມ.ມາເລເຊຍ 37 ຫລຽນຄຳ 43 ຫລຽນເງິນ 49 ຫລຽນທອງ, ຂະນະທີ່ ເຈົ້າພາບມຽນມາ ໄດ້ອັນດັບ 3 ໄດ້ 24 ຫລຽນຄຳ 26 ຫລຽນເງິນ 29 ຫລຽນທອງ. ຄັ້ງຕໍ່ໄປຕາມແຜນກ່ອນໜ້ານີ້ແມ່ນມະຫາວິທະຍາໄລຟີລິບປິນ ຈະເປັນເຈົ້າພາບ ໃນປີ 2020 ຊຶ່ງແຕ່ຍັງລໍຖ້າຄົ້ນຄວ້າພິຈາລະນາກັນຕື່ມ.

- WhatsApp Image 2020 05 27 at 5 - ປິດສາກກິລາ ມ.ອາຊຽນ 2018 ລາວ ຄວ້າຫລຽນຄຳເກີນເປົ້າໜາຍ
- WhatsApp Image 2020 05 27 at 5 - ປິດສາກກິລາ ມ.ອາຊຽນ 2018 ລາວ ຄວ້າຫລຽນຄຳເກີນເປົ້າໜາຍ
error: Alert: ເນື້ອຫາຂ່າວມີລິຂະສິດ !!