EU ຕົກລົງຫ້າມໃຊ້ ປລາສະຕິກແບບເທື່ອດຽວຖິ້ມແລ້ວ

- 1545214919532 960x0 - EU ຕົກລົງຫ້າມໃຊ້ ປລາສະຕິກແບບເທື່ອດຽວຖິ້ມແລ້ວ
- AGL - EU ຕົກລົງຫ້າມໃຊ້ ປລາສະຕິກແບບເທື່ອດຽວຖິ້ມແລ້ວ

       ສະມາຊິກ​ສະຫະພາບ​ເອີຣົບ (EU) ​ແລະ ລັດຖະສະພາ​ເອີຣົບ ຕົກລົງ​ລາຍ​ລະອຽດ​ເລື່ອງ​ຄຳ​ສັ່ງ​ຫ້າມ​ໃຊ້​ປລາສະຕິກ​ແບບ​ເທື່ອ​ດຽວ​ຖິ້ມ​ແລ້ວ ຄວບ​ຄຸມ​ຖົງ​ຢາງ, ຈານ, ຖ້ວຍ, ຫລອດ ລວມ​ເຖິງ​ກ້ານ​ໄມ້ຜັນ​ຫູ ຫວັງ​ຫລຸດ​ມົນ​ລະ​ພິດ​ທາງທະ​ເລ​ທີ່​ເຮັດ​ໃຫ້​ສັດ​ນ້ຳຕາຍ ​ແລະ ປົນ​ເປື້ອນ​ໃນ​ຕ່ອງ​ໂສ້​ອາຫານ​ມະນຸດ.

       ຄຳ​ສັ່ງ​ນີ້​ມຸ່ງ​ເນັ້ນປລາສະຕິກ 10 ຢ່າງ​ທີ່​ກາຍ​ເປັນ​ຂີ້​ເຫຍື້ອທົ່ວ​ຫາດ​ຊາຍ​ເອີຣົບຫລາຍ​ທີ່​ສຸດ ຖືກ​ເລັ່ງນຳ​ເຂົ້າສູ່​ການ​ພິຈາລະນາ​ຂອງ​ສະພາ​ທີ່​ປົກກະຕິ​ເປັນ​ຂະ​ບວນທີ່​ຕ້ອງ​ໃຊ້​ເວລາ. ​ເຈົ້າໜ້າ​ທີ່​ໃນ​ລັດຖະສະພາ​ເອີຣົບ ​ແລະ ຄະນະ​ມົນຕີ​ແຫ່ງ​ສະຫະພາບ​ເອີຣົບ ​ເຊິ່ງ​ເປັນ​ຕົວ​ແທນ​ຂອງ​ປະ​ເທດ​ສະມາຊິກ​ໃຊ້​ເວລາ 12 ຊົ່ວ​ໂມງ 30 ນາທີ ​ເຈລະຈາ​ກັນ​​​ໃນ​ວັນ​ທີ 18 ທັນວາ.

      ຄະນະ​ມົນຕີ​ແຫ່ງ​ສະຫະພາບ​ເອີຣົບ ອອກ​ຖະ​ແຫລ​ງການ​ວ່າ: ມາດ​ຕະການ​ທີ​່ກຳນົດ​ໄວ້​ໃນ​ຄຳ​ສັ່ງ​ນີ້ ​ແລະ ການ​ປະຕິບັດ​ຕາມ​ມາດ​ຕະການ​ຄວນ​ໃຫ້​ຄວາມ​ສຳຄັນ​ເປັນອັນ​ດັບ​ທຳ​ອິດ​ຕໍ່​ການ​ປ້ອງ​ກັນ​ການ​ເກີດ​ຂີ້​ເຫຍື້ອ ຫລື ການ​ປ່ຽນ​ແປງ​ໄປ​ສູ່​ຜະລິດ​ຕະພັນ​ທີ່​ສາມາດ​ໃຊ້​ອີກ​ຫລາຍ​ເທື່ອ. EU ຫວັງ​ວ່າ​ຈະ​ສະຫລຸບ​ລາຍ​ລະອຽດ​ໃນ​ຂັ້ນສຸດ​ທ້າຍ ​ເພື່ອ​ບັງຄັບ​ໃຊ້​ເປັນ​ກົດໝາຍ​ໄດ້​ພາຍ​ໃນ​ປີ 2021.

- lattana banner 1 - EU ຕົກລົງຫ້າມໃຊ້ ປລາສະຕິກແບບເທື່ອດຽວຖິ້ມແລ້ວ
-    AD conten website - EU ຕົກລົງຫ້າມໃຊ້ ປລາສະຕິກແບບເທື່ອດຽວຖິ້ມແລ້ວ
- lattana banner - EU ຕົກລົງຫ້າມໃຊ້ ປລາສະຕິກແບບເທື່ອດຽວຖິ້ມແລ້ວ
error: Alert: ເນື້ອຫາຂ່າວມີລິຂະສິດ !!