ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມ ສອນລາວສະກາຍເວ

- Ribbin - ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມ ສອນລາວສະກາຍເວ
- Untitled design - ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມ ສອນລາວສະກາຍເວ

ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມສອນ ຂອງບໍລິສັດ ລັດວິສາຫະກິດລາວເດີນອາກາດ ໄດ້ມີຂຶ້ນໃນ ວັນທີ 20 ທັນວານີ້, ຢູ່ບ້ານອາກາດ ເມືອງສີໂຄດຕະບອງ ນະຄອນຫລວງວຽງຈັນ ໂດຍການເຂົ້າຮ່ວມຂອງ ທ່ານ ພົນຈັດຕະວາ ແກ່ນຈັນ ນັນທະລັງສີ ຕາງໜ້າຄະນະນຳ ກະຊວງປ້ອງກັນປະເທດ, ທ່ານ ສີວຽງທອງ ກອນນິວົງ ຜູ້ອຳນວຍການໃຫຍ່ລັດວິສາຫະກິດລາວເດີນອາກາດ  ແລະ ທ່ານ ຄຳຜາຍ ສີລາຊາ ປະທານບໍລິສັດ ກຸ່ມດວງຈະເລີນ ພັດທະນາກໍ່ສ້າງຈຳກັດ ພ້ອມພະນັກງານເຂົ້າຮ່ວມຢ່າງພ້ອມພຽງ.

ໂຄງການກໍສ້າງຕຶກສຳນັກງານຫ້ອງການ ແລະ ສະໂມສອນດັ່ງກ່າວເພື່ອເປັນການພັດທະນາໂຄງຮ່າງພຶ້ນຖານ ແລະ ຮອງຮັບການບໍລິການຂອງຜູ້ໂດຍສານທັງພາຍໃນ ແລະຕ່າງປະເທດ ໃຫ້ມີ ຄວາມສະດວກດີຂຶ້ນ, ດັ່ງນັ້ນລັດວິສາຫະລິດ ຈຶ່ງໄດ້ລົງທຶນຂະຫຍາຍຕຶກສຳນັກງານ, ຫ້ອງການ ແລະ ສະໂມສອນ ດັ່ງກ່າວ, ໂດຍແມ່ນ ບໍລິສັດ ກຸ່ມດວງຈະເລີນພັດທະນາກໍ່ສ້າງ ຈຳກັດ ເປັນຜູ້ຊະນະການປະມູນ, ຕຶກດັ່ງກ່າວ ເປັນອາຄານ 3 ຊັ້ນມີເນື້ອທີ່ຊົມໃຊ້ 1.317ຕາແມັດ( ຊັ້ນ 1 ເປັນ ຫ້ອງການຂອງຜູ້ອຳນວຍການການຄ້າ, ການຕະຫລາດ, ຂະແຫນງຮັບຕ້ອນ,ຫ້ອງອາຫານ ແລະ ສາງ, ຊັ້ນສອງເປັນຫ້ອງການຜູ້ອຳນວຍການໃຫຍ່, ພະແນກບໍລິຫານ,ພະແນກການເງີນ ແລະ ຫ້ອງປະຊຸມໃຫຍ່, ຊັ້ນ 3 ເປັນຫ້ອງການຜູ້ອຳນວຍການລັດວິສາຫະກິດລາວເດີນອາກາດ, ພະແນກປະຕິບັດການບິນ, ພະແນກຝຶກອົບຮົມ,ພະແນກຮັກສາຄວາມປອດໄພ, ຫ້ອງກຽມບິນ ແລະ ຫ້ອງວິທະຍຸ, ສ່ວນສະໂມສອນເປັນອາຄານຊັ້ນດຽວ, ເນື້ອທີ່ໃຊ້ສອຍ 903 ຕາແມັດ,ໂດຍຈະໃຊ້ເວລາກໍ່ ສ້າງ 1 ປີ 6 ເດືອນມູນຄ່າກໍ່ສ້າງທັງໝົດ 25 ຕື້ກ່ວາກີບ.

ຜູ້ອຳນວຍການລັດວິສາຫະກລິດລາວເດີນອາກາດ ໃຫ້ຮູ້ວ່າ: ບໍລິສັດ ລາວເດີນອາກາດໄດ້ສ້າງຕັ້ງຂຶ້ນໃນປີ 2002, ມາຮອດປີ 2018 ລາວເດີນອາກາດ ໄດ້ກາຍເປັນ ກຸ່ມບໍລິສັດ ລັດວິສາຫະກິດລາວເດີນອາກາດ ປະກອບມີ 5 ຫົວໜ່ວຍທຸລະກິດຄື: ບໍລິສັດ ລາວເດີນອາກາດ ( ບໍລິການຖ້ຽວບິນເຫມົາ ແລະ ສາຍການ ບິນເປັນບໍລິສັດແມ່ ), ອຸດສາຫະກຳການບິນລາວສະກາຍເວ ( ບໍລິການສ້ອມແປງເຮືອບິນ ), ໂຮງແຮມ ລາວສະກາຍເວ, ບໍລິສັດ ທ່ອງທ່ຽວລາວສະກາຍເວ ແລະ ບໍລິສັດ ລາວສະກາຍເວບໍລິການອາຄານ ແລະ ບໍລິການພາກພື້ນດິນ, ນັບແຕ່ມື້ສ້າງຕັ້ງບໍລິສັດ, ມາຮອດປັດຈຸບັນມີເຮືອບິນ 19 ລຳ, ທຸລະກິດມີການເຕີບໃຫຍ່ ສະເລ່ຍ 15% ຕໍ່ປີ, ມີ 7 ເສັ້ນ ທາງບິນ ຈາກນະຄອນຫລວງ ວຽງຈັນ ໄປບັນດາແຂວງ ພາກເຫນືອ ແລະ 1 ເສັ້ນທາງ ບິນໄປແຂວງພາກໃຕ້,  ເປັນ ການຮອງຮັບໃຫ້ການເພີ່ມຂຶ້ນ ຂອງພະນັກງານ ແລະ ອຳ ນວຍຄວາມສະດວກໃຫ້ແຂກທີ່ມາພົວພັນວຽກງານກັບບໍລິ ສັດ.

- Wave100S AD to Website 2020 0 - ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມ ສອນລາວສະກາຍເວ

ຜູ້ອຳນວຍການບໍລິສັດ ດັ່ງກ່າວ ໃຫ້ຮູ້ວ່າ: ເພື່ອຍົກສູງ ການບໍລິການຕ່າງໆໃຫ້ມີມາດ ຕະຖານສາກົນ, ບໍລິສັດ ໄດ້ມີ ການຮ່ວມມືກັບຕ່າງປະເທດ ເປັນຕົ້ນ ສສ. ຫວຽດນາມ, ສປ ຈີນ, ສະຫະພັນລັດເຊຍ, ການາ ດາ, ນິວຊີແລນ, ອົດສະຕາລີ, ອາຟຣິກກາໃຕ້ ແລະ ສ. ເກົາຫລີ ໃນດ້ານການທ່ອງ ທ່ຽວ ແລະ ອີກຫລາຍປະເທດ ໃນໂລກ ທີ່ສະໜອງເຮືອບິນ ແລະ ອາໄຫລ່. ອັນໄດ້ເຮັດໃຫ້ ບໍລິສັດກາຍເປັນບໍລິສັດການ ບິນທຳອິດ ແລະ ເປັນບໍລິສັດ ທີ 3 ໃນລາວ ທີ່ໄດ້ຮັບຮອງ ແລະ ນຳໃຊ້ລະບົບບໍລິຫານຄຸນນະ ພາບຕາມມາດຕະຖານ ISO 9001:2015 ດ້ານການບິນ, ໄດ້ຮັບການກວດສອບຄວາມປອດໄພຈາກອົງການກວດ ສອບ CARB ຂອງອາເມລິກາໃນການບິນຮັບໃຊ້ໂຄງການຂຸດຄົ້ນ ແລະ ຊອກຫາສິ່ງເສດເຫລືອຂອງທະຫານອາເມລິກາໃນປາງສົງຄາມຢູ່ລາວ, ປັດຈຸບັນບໍລິສັດໄດ້ຮັບ ຄວາມເຊື່ອຫມັ້ນຈາກລູກຄ້າ ແລະ ສັງຄົມ ທັງພາຍໃນ ແລະ ຕ່າງປະເທດນັບມື້ສູງຂຶ້ນ.

- WhatsApp Image 2020 05 27 at 5 - ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມ ສອນລາວສະກາຍເວ
- WhatsApp Image 2020 05 27 at 5 - ພິທີວາງສີລາລືກໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມ ສອນລາວສະກາຍເວ
error: Alert: ເນື້ອຫາຂ່າວມີລິຂະສິດ !!