ພູເບ້ຍ ມາຍນິງ ຊ່ວຍ​ອົບຮົມສີມືແຮງງານຂອງບໍລິສັດ

- phoubia - ພູເບ້ຍ ມາຍນິງ ຊ່ວຍ​ອົບຮົມສີມືແຮງງານຂອງບໍລິສັດ
- Untitled design - ພູເບ້ຍ ມາຍນິງ ຊ່ວຍ​ອົບຮົມສີມືແຮງງານຂອງບໍລິສັດ

ບໍລິສັດພູເບ້ຍ ມາຍນິງ (PBM) ​ໄດ້​ສຳ​ເລັດ​ຜົນ​ການ​ຊ່ວຍ​ຍົກ​ລະດັບ​ສີ​ມື​ແຮງ​ງານຂອງບໍລິສັດ ຈຳນວນ 51 ຄົນ ໂດຍ​ໄດ້​ມອບ​ໃບ​ປະ​ກາດ​ສະ​ນີ​ຍະ​ບັດ​ໃຫ້​ຜູ້​ສຳ​ເລັດ​ການ​ສຶກສາ​ດັ່ງກ່າວ ຢູ່ໂຮງແຮມຄຣາວ ພລາຊາ, ນະຄອນຫຼວງວຽງຈັນ ໃນວັນທີ 7 ທັນວານີ້.

ໃນນັ້ນເປັນຍິງ 9 ຄົນ ໄດ້ຮັບໃບປະກາດດ້ານຊ່າງສີມືແຮງງານຂັ້ນ III ຂອງປະເທດອົດສະຕຣາລີ, ໃນສາຂາວິຊາ ໄຟຟ້າລົດຍົນ, ກົນຈັກໜັກໃນໂຮງງານ, ປະກອບສິ້ນສ່ວນ ແລະ ເຊື່ອມຈອດໂລຫະ, ການສ້ອມແປງ, ເຄື່ອງກົນຈັກ ແລະ ໄຟຟ້າ. ນອກນັ້ນ ຍັງໄດ້ຮັບໃບປະກາສະນີຍະບັດຊັ້ນສູງດ້ານການຝຶກອົບຮົມເຕັກນິກຈາກວິທະຍາໄລການເຕັກນິກລາວ-ເຢຍລະມັນ ຢູ່ນະຄອນຫຼວງວຽງຈັນ.

ນີ້ແມ່ນນັກຮຽນ​ຊ່າງ​ສີ​ມື​ແຮງ​ງານກຸ່ມທີສອງ ແລະ ​ເປັນກຸ່ມສຸດທ້າຍທີ່ສຳເລັດການສຶກສາຈາກໂຄງການດັ່ງກ່າວ, ພາຍຫລັງ​ດຳ​ເນີນ​ມາ​ແຕ່ເດືອນຕຸລາ 2018 ແລະ ລວມມີນັກຮຽນຈຳນວນ 16 ຄົນຈາກໂຮງງານຂຸດຄົ້ນທອງ-ຄຳ ເຊໂປນ. ນັກຮຽນຊ່າງສີມືແຮງງານຂອງບໍລິສັດ ພູເບ້ຍ ມາຍນິງ ຈະເລີ້ມຫັນປ່ຽນມາເປັນພະນັກງານ​ທີ່​ເຮັດ​ວຽກງວຽກເຕັມເວລາຢູ່ພາຍໃນທີມງານພະແນກສ້ອມແປງໃນໂຮງງງານ ແລະ ທີມສ້ອມແປງພາຫະນະເຄື່ອນທີ່ ໃນເດືອນທັນວານີ້.

ໂຄງການພັດ​ທະ​ນາຫັດຊ່າງສີມືແຮງງານຂອງບໍລິສັດ ພູເບ້ຍ ມາຍນິງ ຈຳກັດ ໄດ້​ດຳ​ເນີນການໃນປີ 2013 ໂດຍການຮ່ວມມືກັບວິທະຍາໄລການເຕັກນິກລາວ-ເຢຍລະມັນ ເພື່ອແກ້ໄຂບັນຫາການຂາດແຄນຊ່າງສີມືແຮງງານທີ່ມີຄວາມຮູ້ຄວາມສາມາດພາຍໃນປະເທດລາວ. ໂຄງການດັ່ງກ່າວ ແມ່ນສ້າງຜູ້ສະໝັກທ້ອງຖິ່ນທີ່ມີຄຸນນະວຸດເໝາະສົມໃຫ້ບໍລິສັດເພື່ອຈ້າງງານ. ຜູ້ສະໝັກຕ້ອງຜ່ານການຝຶກອົບຮົມວິຊາຊີບກ່ອນເປັນນັກຮຽນຝຶກຫັດເປັນເວລາ 12 ເດືອນກ່ອນຈຶ່ງ​ຈະສາມາດເຂົ້າຮ່ວມໂຄງການພັດ​ທະ​ນາຊ່າງສີມືແຮງງານໃນຫຼັກສູດ 4 ປີ.

- Wave100S AD to Website 2020 0 - ພູເບ້ຍ ມາຍນິງ ຊ່ວຍ​ອົບຮົມສີມືແຮງງານຂອງບໍລິສັດ

ປະທານບໍລິສັດ ພູເບ້ຍ ມາຍນິງ ຈຳກັດ, ທ່ານ ຈັນເພັງ ບຸນນະຜົນ ໄດ້ກ່າວເຖິງຄວາມມຸ້ງໝັ້ນຂອງບໍລິສັດໃນການສົ່ງເສີມແຮງງານທ້ອງຖິ່ນທີ່ມີທັກສະຄວາມສາມາດໃນລາວ.

ເພື່ອຫຼຸດຜ່ອນການເອື່ອຍອີງພະນັກງານຕ່າງປະເທດ ໂດຍຜ່ານວຽກງານພັດທະນາແຮງງານທ້ອງຖິ່ນເພີ້ມຂຶ້ນ. ຊຶ່ງເປັນພື້ນຖານສຳຄັນຂອງຄວາມມຸ້ງໝັ້ນຂອງບໍລິສັດ ພູເບ້ຍ ມາຍນິງ ຈຳກັດ ໃນການສ້າງມໍລະດົກຕົກທອດອັນ​ດີໃຫ້ແກ່ປະເທດລາວ.

- WhatsApp Image 2020 05 27 at 5 - ພູເບ້ຍ ມາຍນິງ ຊ່ວຍ​ອົບຮົມສີມືແຮງງານຂອງບໍລິສັດ
- WhatsApp Image 2020 05 27 at 5 - ພູເບ້ຍ ມາຍນິງ ຊ່ວຍ​ອົບຮົມສີມືແຮງງານຂອງບໍລິສັດ
error: Alert: ເນື້ອຫາຂ່າວມີລິຂະສິດ !!