ອົງ​ການ​ແນວ​ລາວ​ສ້າງ​ຊາດ​ສະ​ເໜີ​ໃຫ້ສສຊ ລົງ​ພົບ​ປະ​ປະຊາຊົນ​ໃຫ້​ຫລາຍ​ຂຶ້ນ

- Lao front national - ອົງ​ການ​ແນວ​ລາວ​ສ້າງ​ຊາດ​ສະ​ເໜີ​ໃຫ້ສສຊ ລົງ​ພົບ​ປະ​ປະຊາຊົນ​ໃຫ້​ຫລາຍ​ຂຶ້ນ
- Untitled design - ອົງ​ການ​ແນວ​ລາວ​ສ້າງ​ຊາດ​ສະ​ເໜີ​ໃຫ້ສສຊ ລົງ​ພົບ​ປະ​ປະຊາຊົນ​ໃຫ້​ຫລາຍ​ຂຶ້ນ

      ທ່ານນາງ ຄຳ​ຈັນ ພົມ​ແສງ​ສະຫວັນ ຮອງ​ປະທານ​ອົງການ​ສູນ​ກາງ​ແນວ​ລາວ​ສ້າງ​ຊາດ ສະ​ເໜີ​ໃຫ້​ສະມາຊິກ​ສະພາ​ແຫ່ງ​ຊາດ​ແຕ່ລະ​ເຂດ​ລົງ​ພົບ​ປະ​ປະຊາຊົນ​ທ້ອງ​ຖິ່ນຂອງ​ຕົນ​ໃຫ້​ຫລາຍ​ຂຶ້ນ ​ເພື່ອ​ກຳ​ໄດ້​ສະພາບ​ການ​ພັດທະນາ ​ແລະ ບັນຫາ​ຕ່າງໆ​ທີ່​ເກີດ​ຂຶ້ນ​ໃນ​ທ້ອງ​ຖິ່ນ.

     ການສະ​ເໜີ​ດັ່ງກ່າວ​ມີ​ຂຶ້ນ​ໃນ​ໂອກາດ​ປະກອບ​ຄຳ​ເຫັນ​ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 6 ຂອງ​ສະພາ​ແຫ່ງ​ຊາດ​ຊຸດ​ທີ VIII ທີ່​ພວມ​ດຳ​ເນີນ​ໃນ​ປັດຈຸບັນ​ນີ້​ວ່າ: ໃນຜ່ານມາເຖິງວ່າບັນດາ​ສະມາຊິກ​ສະພາ​ແຫ່ງ​ຊາດ-ສະພາ​ປະຊາຊົນ​ຂັ້ນ​ແຂວງ​​ໄດ້ເອົາໃຈໃສ່​ປະຕິບັດ​ພາລະ​ບົດບາດ​ໃນຖານະ​ທີ່​ເປັນ​ຕົວ​ແທນ​ແຫ່ງ​ສິດຜົນປະ​ໂຫຍ​ດ ອັນ​ຊອບ​ທຳຂອງ​ປະຊາຊົນ​, ​ໄດ້​ເຄົາລົບ​ສິດ, ​ໄດ້​ມີ​ຄວາມ​ເປັນ​ຫ່ວງ​ເປັນ​ໄຍປະຊາຊົນ​, ອົດທົນ​ຜ່ານ​ຜ່າ​ຄວາມ​ຫຍຸ້ງຍາກ​ລົງທ້ອງ​ຖິ່ນ​ໄປ​ພົບ​ປະຊາຊົນຢູ່​ເຂດ​ຫ່າງ​ໄກ​ສອກຫລີກ, ​ໄດ້​ເຮັດ​ໃຫ້​ຄວາມ​ເຊື່ອ​ໝັ້ນຈາກ​ປະຊາຊົນ​ຕໍ່​ສະພາ​ແຫ່ງ​ຊາດ​ນັບ​ມື້ສູງ​ຂຶ້ນ. ​ແຕ່​ແນວ​ໃດ​ກໍ​ຕາມ, ​ເພື່ອ​ຍົກ​ສູງ​ບົດບາດ​ໜ້າ​ທີ່​ຂອງ ສສຊ-ສສຂ ທາງ​ດ້ານ​ການ​ເມືອງ, ການ​ຕິດຕາມ​ກວດກາ ​ໂດຍ​ສະ​ເພາະ ສສຊ-ສສຂ ທີ່​ຄວບ​ຕຳ​ແໜ່​ງຢູ່​ສູນ​ກາງ ​ແລະ ທ້ອງ​ຖິ່ນຕ້ອງໄດ້​ເພີ່ມ​ທະວີ​ການ​ລົງ​ພົບ​ປະ​ປະຊາຊົນ ກໍ​ຄືກ​ານປຸກລະດົມ​ພາກສ່ວນ​ສັງຄົມ​ເຂົ້າຮ່ວມ​ໃນ​ພາລະກິດປົກປັກຮັກສາ ​ແລະ ສ້າງສາ​ປະ​ເທດ​ຊາດ ກໍ​ຄື​ການ​ຊຸກຍູ້​ຕິດຕາມ, ​ແກ້​ໄຂ​ບັນຫາຂອງ​ໂຄງການ​ຕ່າງໆ​ທີ່​ສົ່ງ​ຜົນ​ກະທົບ​ຕໍ່​ສິ່ງ​ແວດ​ລ້ອມ ​​ແລະ ສັງຄົມ, ການຈັດ​ສັນ​ທີ່ຢູ່​ອາ​ໄສ, ການ​ສ້າງ​ອາຊີບ​ໝັ້ນຄົງ​ໃຫ້​ປະຊາຊົນ, ຕິດຕາມ​ກວດກາ​ການ​ປະຕິບັດ​ຄຳ​ຕັດສິນ​ຂອງ​ສານ, ​ໄອ​ຍະ​ການ​ທີ່​ມີ​ພະນັກງານ​ຈຳນວນ​ໜຶ່ງ​ໃນ​ຂົງ​ເຂດ​ນີ້​ຂາດ​ຈັນ​ຍາ​ບັນ-ຈັນຍາທຳ, ບໍ່​ມີ​ຄວາມ​ໂປ່​ງ​ໃສ, ຍຸຕິ​ທຳ. ນອກ​ນີ້ ກໍ​ສະ​ເໜີ​ໃຫ້ ສສຊ-ສສຂ ​ເປັນ​ເຈົ້າການ​ຕິດຕາມ​ອົງຄະ​ນະ​ພັກ, ອົງການ​ປົກຄອງ​ທ້ອງ​ຖິ່ນ​ໃນ​ການ​ຄຸ້ມ​ຄອງ-ບໍລິຫານ​ລັດ-ສັງຄົມ, ການ​ປະຕິບັດ​ກົດໝາຍ, ການ​ແກ້​ໄຂ​ການລະ​ເມີດ​ແຜນການ-ການ​ເງິນ, ການ​ສໍ້​ລາດ​ບັງ​ຫລວງ ​ແລະ ຄວາມ​ບໍ່​ເປັນ​ລະບຽບ​ຮຽບຮ້ອຍ​ຂອງ​ສັງຄົມໃຫ້ມີຄວາມເຂັ້ມແຂງໜັກແໜ້ນກວ່າເກົ່າ.

- Wave100S AD to Website 2020 0 - ອົງ​ການ​ແນວ​ລາວ​ສ້າງ​ຊາດ​ສະ​ເໜີ​ໃຫ້ສສຊ ລົງ​ພົບ​ປະ​ປະຊາຊົນ​ໃຫ້​ຫລາຍ​ຂຶ້ນ
- WhatsApp Image 2020 05 27 at 5 - ອົງ​ການ​ແນວ​ລາວ​ສ້າງ​ຊາດ​ສະ​ເໜີ​ໃຫ້ສສຊ ລົງ​ພົບ​ປະ​ປະຊາຊົນ​ໃຫ້​ຫລາຍ​ຂຶ້ນ
- WhatsApp Image 2020 05 27 at 5 - ອົງ​ການ​ແນວ​ລາວ​ສ້າງ​ຊາດ​ສະ​ເໜີ​ໃຫ້ສສຊ ລົງ​ພົບ​ປະ​ປະຊາຊົນ​ໃຫ້​ຫລາຍ​ຂຶ້ນ
error: Alert: ເນື້ອຫາຂ່າວມີລິຂະສິດ !!