ງານມະຫາກໍາບຸນຊ້າງ 2019 ຈະມີຊ້າງເຂົ້າຮ່ວມ 70 ເຊືອກ

- 48384774 2281493041883755 1377105800887009280 n - ງານມະຫາກໍາບຸນຊ້າງ 2019 ຈະມີຊ້າງເຂົ້າຮ່ວມ 70 ເຊືອກ
- Untitled design - ງານມະຫາກໍາບຸນຊ້າງ 2019 ຈະມີຊ້າງເຂົ້າຮ່ວມ 70 ເຊືອກ

ງານມະຫາກໍາບຸນຊ້າງ ແຂວງໄຊຍະບູລີ ເປັນບຸນປາງໃຫຍ່ທີ່ເປັນເອກະລັກຂອງແຂວງແລະ ເປັນແຂວງດຽວ ທີ່ໄດ້ຈັດງານດັ່ງກ່າວ ຂຶ້ນໃນເດືອນກຸມພາຂອງທຸກໆປີ. ສະ​ເພາະ​ປີ 2019 ​ແມ່ນ​ຈະ​ຈັດ​ຂຶ້ນ ​ໃນວັນ​ທີ 23-28 ກຸມພາ ​ຈະ​ມີ​ຊ້າງ​ເຂົ້າ​ຮ່ວມທັງ​ໝົດ 70 ​ເຊືອ​ກ.

​ ທ່ານ ຍັນຍົງ ສີປະເສີດ ຮອງເຈົ້າແຂວງ​ໄຊ​ຍະ​ບູລີ, ທັງເປັນປະທານຈັດງານບຸນດັ່ງກ່າວ ໄດ້ຖະແຫລງຂ່າວຕໍ່ສື່ມວນຊົນ​ໃນ​ວັນ​ທີ 18 ທັນວາ​ນີ້ວ່າ: ງານມະຫະກໍາບຸນຊ້າງໄຊຍະບູລີ ຄັ້ງທີ 13 ຈະເລີ່ມຢ່າງເປັນທາງການ ​ແຕ່ວັນທີ 23-28 ກຸມພາ 2019 ເຊິ່ງຈະມີຊ້າງເຂົ້າຮ່ວມທັງໝົດ 70​ເຊືອກ. ເພື່ອເປັນການອະນຸລັກຮັກສາຊ້າງລາວ ທີ່ເປັນມູນມໍລະດົກຂອງຊາດ ເປັນມິ່ງຂວັນຄູ່ບ້ານຄູ່ເມືອງ, ທັງເປັນການສືບຕໍ່ຮັກສາວັດທະນະທຳ, ຮີດຄອງປະເພນີອັນດີງາມ ແລະ ວິຖີການດຳລົງຊີວິດຂອງປະຊາຊົນບັນດາເຜົ່າ ຂອງແຂວງໄຊຍະບູລີ ທີ່ຕິດພັນກັບຊ້າງມາແຕ່ອາດີດຕະການ ໃຫ້ຢືນຍົງຄົງຕົວ ຄຽງຄູ່ກັບປະຊາຊົນຕະຫລອດໄປ. ນອກຈາກນີ້, ຍັງເປັນການສົ່ງເສີມກິດຈະກໍາອະນຸລັກຊ້າງ, ໃຫ້ຊ້າງຈໍານວນ 70 ໂຕ ທີ່ມາຈາກທົ່ວແຂວງ ໄດ້ພົບກັນ, ປະສົມພັນກັນ ແລະ ກໍໃຫ້ເກີດການສືບພັນໃນອະນາຄົດ, ທັງເປັນເວທີການສະແດງທັກສະຄວາມສາມາດໃນການຄວບຄຸມຊ້າງ ຕໍ່ສາທາລະນະຊົນ ແລະ ຍັງເປັນບ່ອນແລກປ່ຽນບົດຮຽນຂອງຄວນຊ້າງ ເພື່ອສືບທອດອາຊີບລ້ຽງຊ້າງ ໃຫ້ຄົງຢູ່ຄູ່ຊາວແຂວງໄຊຍະບູລີ ຕະຫລອດໄປ.

ສໍາລັບກິດຈະກໍາຫລັກຂອງການຈັດງານ ແມ່ນຈະເນັ້ນກິດຈະກຳທີ່ຕິດພັນກັບຊ້າງ ແລະ ການອະນຸລັກຊ້າງ ໂດຍສະເພາະການສະແດງຂອງຊ້າງຄຳຮູ້, ກິດຈະກໍາຂີ່​ຊ້າງ​ທ່ຽວຊົມ ແຫລ່ງທຳມະຊາດທີ່ສວຍງາມ, ວັດທະນະທໍາຂອງປະຊາຊົນ 8 ເຜົ່າ ທີ່ເປັນເອກະລັກຂອງແຂວງໄຊຍະບູລີ. ນອກຈາກ​ນີ້​, ຍັງ​ມີ​ກິດຈະກຳ​ ພິທີເຮັດບຸນຕັກບາດອຸທິດກຸສົນໃຫ້ຊ້າງ, ການວາງສະແດງ ແລະ ຈຳໜ່າຍສິນຄ້າໜຶ່ງເມືອງໜຶ່ງຜະລິດຕະພັນ, ສິນຄ້າກະສິກຳ, ຫັດຖະກຳ, ອຸດສາຫະກຳປຸງແຕ່ງທີ່ເປັນເອກະລັກຂອງທ້ອງຖິ່ນ ແລະ ສິນຄ້າຕ່າງໆ ຈາກປະເທດໃກ້ຄຽງ ​ເຊິ່ງຈະເປີດເປັນທາງການແຕ່ວັນທີ 20-28 ກຸມພາ 2019. ພ້ອມກັນນັ້ນ, ແຕ່ລະຄືນຈະມີການຄົບງັນ, ການສະແດງຄອນເສີດ, ສິລະປະວັນະຄະດີ ຈາກພາກສ່ວນຕ່າງໆອີກ​ດ້ວຍ.

- Wave100S AD to Website 2020 0 - ງານມະຫາກໍາບຸນຊ້າງ 2019 ຈະມີຊ້າງເຂົ້າຮ່ວມ 70 ເຊືອກ
- WhatsApp Image 2020 05 27 at 5 - ງານມະຫາກໍາບຸນຊ້າງ 2019 ຈະມີຊ້າງເຂົ້າຮ່ວມ 70 ເຊືອກ
- WhatsApp Image 2020 05 27 at 5 - ງານມະຫາກໍາບຸນຊ້າງ 2019 ຈະມີຊ້າງເຂົ້າຮ່ວມ 70 ເຊືອກ
error: Alert: ເນື້ອຫາຂ່າວມີລິຂະສິດ !!