ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ

- 27841414 - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ
- Untitled design - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ

​​# ວິ​ເສດ ສະ​ແຫວ​ງສຶກສາ

ບົດຄໍລຳເກົ່າ ເຈົ້າເດີມ ປະຈຳວັນນີ້, ຜູ້ຂຽນຂໍສະເໜີ ບາງເຫດການສຳຄັນທີ່ເກີດ ຂຶ້ນຢູ່ ສ. ເກົາຫລີ ພາຍໃນປີ 2018 ເຊິ່ງພົວພັນກັບມາດຕະການທາງກົດໝາຍ ແລະ ນະໂຍບາຍຄຸ້ມຄອງລັດຄຸ້ມ ຄອງສັງຄົມຂອງປະເທດ.

- 274 - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ
+ https://www.laophattananews.com/archives/41165
+ https://www.laophattananews.com/archives/44637

ເລື່ອງທຳອິດກໍແມ່ນນະໂຍບາຍສົ່ງເສີມການທ່ອງ ທ່ຽວຕິດພັນກັບການແພດກໍ ຄືການປິ່ນປົ່ວສຸຂະພາບ. ສ.ເກົາຫລີ ເປັນປະເທດແຖວໜ້າດ້ານຄວາມຈົບຄວາມງາມ, ເຊັ່ນການຕົກແຕ່ງແປງໂສມຄົນເຮົາໃຫ້ເປັນຕາໜ້າຮັກໜ້າແພງດ້ວຍການແພດທີ່ທັນສະໄໝ  ແລະ  ຢາພື້ນເມືອງ.

ດັ່ງນັ້ນບັນດານັກທ່ອງ ທ່ຽວຕ່າງປະເທດທີ່ເຂົ້າໄປ ເກົາຫລີ ຈຶ່ງຕ້ອງການຍິງປືນລູກດຽວ ໃຫ້ໄດ້ນົກສອງໂຕ ພ້ອມບາດ ຄືທັງໄດ້ຊົມຄວາມ ງາມທາງທຳມະຊາດ, ຄວາມ ອຸດົມຮັ່ງມີທາງປະຫວັດສາດ ແລະ ວັດທະນະທຳຂອງຊາດ ເກົາຫລີ ແລະ ອັນທີສອງກໍ ແມ່ນເພື່ອປິ່ນປົວສຸຂະພາບ ແລະ ເສີມຄວາມງາມ.

ເລື່ອງນີ້ພິສູດ ໄດ້ຈາກຕົວເລກນັກທ່ອງທ່ຽວຕ່າງ ປະເທດທີ່ເຂົ້າໄປທ່ຽວ ສ. ເກົາຫລີ ໃນປີ 2017 ຄືນັກທ່ອງທ່ຽວປະມານ 50.000 ເຂົ້າ ໄປເພື່ອດັດແປງແຕ່ງ ໂສມເອີ້ນວ່າສັນຍະກຳໃບໜ້າໂດຍ ໄດ້ຈົກເງິນຈ່າຍຄ່າ ບໍລິການ ເປັນຈຳນວນ 215 ຕື້ວອນ ຫລື ເທົ່າກັບ 189 ລ້ານໂດລາສະຫະລັດລື່ນ   ລາຍຮັບປະເພດດຽວກັນໃນປີ 2012  ສີ່ ເທົ່າຕົວ.

ໂດຍສະຫລຸບແລ້ວຈຳ ນວນເງິນທີ່ນັກທ່ອງທ່ຽວ ຕ່າງປະເທດຈ່າຍເພື່ອເຮັດ ສັນຍະກຳໃບໜ້ານັ້ນກວມເອົາ 33.6% ຂອງລາຍຈ່າຍ ເພື່ອຮັກສາສຸຂະພາບຂອງ ບັນດານັກທ່ອງທ່ຽວ, ສ່ວນ ລາຍຮັບຂອງຄລີນິກເຄື່ອງສຳອາງ ແລະ ສຸຂະພາບຜິວນັ້ນກວມເອົາ 23,2%.

- Wave100S AD to Website 2020 0 - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ

ການທ່ອງທ່ຽວໃນຍຸກ ນີ້ຕ້ອງຕິດພັນກັບການໃຫ້ ບໍລິການດ້ານຕ່າງໆຕື່ມຈິ່ງ ຈະໄປທັນໂລກເຂົາ. ອີກ    ຂ່າວໜຶ່ງ ກໍບໍ່ມົ້ມເລື່ອງສຸຂະພາບຄືທາງການ ສ. ເກົາ ຫລີ ໄດ້ສັ່ງຫ້າມຂາຍເຄື່ອງ ດື່ມທຸກຊະນິດທີ່ມີທາດກາເຟອິນ ຢູ່ຕາມໂຮງຮຽນປະຖົມ, ມ ຕົ້ນ ແລະ  ມ. ປາຍ ທຸກແຫ່ງໃນທົ່ວປະເທດນັບແຕ່ວັນທີ 14 ເດືອນກັນຍາ ປີນີ້ເປັນຕົ້ນມາ.

ສາເຫດຂອງການຫ້າມກໍເພາະວ່າ ທາດກາເຟອິນ ເຮັດໃຫ້ນອນບໍ່ຫລັບ, ບີບຮັດ ຫົວໃຈ, ພາໃຫ້ເກີດອາລົມ ຫງຸດຫງິດກະວົນກະວາຍ ງ່າຍ. ສານກາເຟອິນ ຢູ່ ສ. ເກົາຫລີ ນັ້ນມັກພົບຢູ່ນ້ຳ ໂສດາ (Sodapop), ນ້ຳ ໝາກໄມ້ ແລະ ເຄື່ອງດື່ມ ປະເພດນົມ. ໃນເມື່ອກ່ອນ ຢູ່ຕາມໂຮງຮຽນເຫລົ່ານີ້ ມີການບໍລິການເຄື່ອງດື່ມ ທີ່ມີທາດກາເຟອິນ ໃຫ້ລູກຄ້າໃນເກນອາຍຸຜູ້ໃຫຍ່ ແລະ ຄູ-ອາຈານ.

ກົດໝາຍວ່າດ້ວຍອາ ຫານ ແລະ ຄວາມປອດໄພ ການຢາ ສ. ເກົາຫລີ ໄດ້ກຳ ນົດໃຫ້ເຄື່ອງດື່ມທີ່ມີທາດ ກາເຟອິນ ປະມານ 0,15 ມີລີກຼາມ ເປັນເຄື່ອງດື່ມທີ່ມີ ທາດກາເຟສູງ ເຊິ່ງເປັນອັນຕະລາຍຕໍ່ສຸຂະພາບຂອງເດັກໃນໄວເຕີບໃຫຍ່ ທາງດ້ານຮ່າງກາຍ ແລະ ມັນສະໝອງ.

ຕໍ່ໄປແມ່ນຂ່າວກ່ຽວກັບຄະດີຕົ້ມຕຸ໋ນ ເຊິ່ງເປັນບັນ ຫາອາຊະຍາກຳ ທີ່ເກີດຂຶ້ນ ຫລາຍໃນ ສ. ເກົາຫລີ. ຂ່າວ ບອກວ່າ ໃນໄລຍະ 4 ປີຜ່ານ ມາ, ຊາວເກົາຫລີ ຈຳນວນ 16,802 ຄົນຖືກຈັບກຸມ ຍ້ອນມີການພົວພັນກັບຄະ ດີຕົ້ມຕຸ໋ນ, ໃນນັ້ນ 16.375 ຄົນ ເປັນເພດຊາຍ. ຍ້ອນ ແນວ ນີ້ເອງທາງຫ້ອງ ການ ລັດຖະສະພາ ສ. ເກົາຫລີ ຈຶ່ງສາມາດສະຫລຸບເຕັມ ສົບເຕັມປາກວ່າ ອາຊະຍາ ຕົ້ມຕຸ໋ມນີ້ ເພດຊາຍກໍ່ຂຶ້ນ ຫລາຍກວ່າເພດຍິງຢ່າງຂາດລອຍ.

ນອກຈາກນີ້ກໍຍັງມີຕົວ ເລກໜ້າສົນໃຈທີ່ບອກວ່າ 15,7 ຂອງຜູ້ຊາຍທີ່ຕິດຄະດີນີ້ນັ້ນ, ເປັນບຸກຄົນທີ່ເຫຍື່ອ ຮູ້ຈັກດີ, ໃນນັ້ນສ່ວນໃຫຍ່ ກໍແມ່ນອະດີດຄົນຮັກຂອງເຫຍື່ອທີ່ເປັນເພດຍິງນັ້ນເອງ. ເລື່ອງນີ້ຖືກກັບຄຳ ເຕືອນ ຂອງເຖົ້າແກ່ບູຮານ ລາວທີ່ວ່າ “ລະວັງໄສ້ຢູ່ທ້ອງຊິກັບເກີດເປັນໜອນ ເນີ!” ເຊິ່ງໝາຍຄວາມວ່າ ຕ້ອງມີສະຕິລະວັງຄົນໃກ້ ຕົວເປັນພິເສດ./.

- 27841414 - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ
- WhatsApp Image 2020 05 27 at 5 - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ
- WhatsApp Image 2020 05 27 at 5 - ສ. ເກົາຫລີ ເອົາການທ່ອງທ່ຽວ ຕິດພັນກັບອຸດສາຫະກຳເສີມຄວາມງາມ
error: Alert: ເນື້ອຫາຂ່າວມີລິຂະສິດ !!