ຄຳມ່ວນເອົາໃຈໃສ່ຄຸ້ມຄອງລາຄາສິນຄ້າ

- 145 - ຄຳມ່ວນເອົາໃຈໃສ່ຄຸ້ມຄອງລາຄາສິນຄ້າ
- Untitled design - ຄຳມ່ວນເອົາໃຈໃສ່ຄຸ້ມຄອງລາຄາສິນຄ້າ

ຫົວໜ້າພະແນກອຸດສາຫະກຳ-ການຄ້າແຂວງຄຳ ມ່ວນ ໃຫ້ຮູ້ວ່າ: ພາຍຫລັງ ແຂວງ ຄຳມ່ວນໄດ້ຮັບຜົນ ກະທົບໜັກໜ່ວງຈາກໄພ ນ້ຳຖ້ວມ ເມື່ອເດືອນສິງຫາ ຜ່ານມາໄດ້ເຮັດໃຫ້ເນື້ອທີ່ ການຜະລິດ, ສັດລ້ຽງ ແລະ ຜົນລະປູກຂອງປະຊາຊົນ ເສຍຫາຍເປັນຈຳນວນ ຫລາຍ.

 ດັ່ງນັ້ນ ເພື່ອປ້ອງກັນບໍ່ ໃຫ້ເກີດສະພາບການກັກຕຸນສິນຄ້າ,  ສວຍໂອກາດຂຶ້ນ ລາຄາ ແລະ ເພື່ອສະໜອງ ສິນຄ້າໃຫ້ພຽງພໍ ແຂວງຈຶ່ງ ໄດ້ອອກແຈ້ງການຫລາຍ ສະບັບໃຫ້ຫ້ອງການອຸດ ສາຫະກຳ-ການຄ້າເມືອງ ເອົາໃຈໃສ່ຕິດຕາມຄຸ້ມຄອງ ລາຄາສິນຄ້າຢ່າງເຂັ້ມງວດ ໂດຍສະເພາະແມ່ນສິນຄ້າ ທີ່ລັດຄວບຄຸມ, ເປີດ ສາຍ ດ່ວນ 1510 ເພື່ອໃຫ້ ປະຊາຊົນ ກໍຄືຜູ້ບໍລິໂພກ ແຈ້ງມາ ໂດຍກົງເມື່ອພົບກໍລະນີບໍ່ ໄດ້ຮັບຄວາມເປັນທຳ ຫລື ເອົາປຽບຜູ້ບໍລິໂພກ, ພ້ອມ ໄດ້ປະສານສົມທົບກັບພາກ ສ່ວນກ່ຽວຂ້ອງຄື: ຂະແໜງ ສາທາລະນະສຸກ,ກະສິກຳ-ປ່າໄມ້, ກະຊວງຊັບພະຍາກອນທຳມະຊາດ, ລົງກວດກາຄວາມປອດໄພ ໃນອາຫານ, ກວດກາສິນຄ້າ ເສື່ອມຄຸນ, ສິນຄ້າປອມແປງ ລອກຮຽນແບບ ແລະ ສິນຄ້າບໍ່ໄດ້ມາດຕະຖານຕາມທ້ອງ ຕະຫລາດ ແລະ ຮ້ານຂາຍ ເຄື່ອງຍ່ອຍຢູ່ພາຍໃນແຂວງ ຢ່າງເປັນປົກກະຕິ ແລະ ສາມາດພົບເຫັນສິນຄ້າທີ່ເສື່ອມ ຄຸນ, ໝົດອາຍຸ, ປອມ ແປງ ແລະ ລັກລອບນຳເຂົ້າຜິດກົດ ໝາຍເປັນຈຳນວນຫລາຍ ເຊິ່ງໄດ້ນຳເອົາໄປທຳລາຍ ຖິ້ມ, ພ້ອມທັງໄດ້ສຶກສາອົບ ຮົມກ່າວເຕືອນ, ປັບໃໝຜູ້ ລະເມີດ, ຜູ້ກະທຳຜິດຕາມ ລະບຽບກົດໝາຍ. ທັງນີ້ກໍ ເພື່ອ ຮັບປະກັນຄວາມປອດ ໄພຕໍ່ສຸຂະພາບຂອງຜູ້ຊົມໃຊ້ ແລະ ປົກປ້ອງຜູ້ຊົມໃຊ້ ຕາມລະບຽບກົດໝາຍ ກໍຄື ຮັບປະກັນໃຫ້ປະຊາຊົນໄດ້ບໍ ລິໂພກສິນຄ້າທີ່ມີຄຸນນະພາບ ແລະ ສະອາດປອດໄພ./.

- Wave100S AD to Website 2020 0 - ຄຳມ່ວນເອົາໃຈໃສ່ຄຸ້ມຄອງລາຄາສິນຄ້າ
- WhatsApp Image 2020 05 27 at 5 - ຄຳມ່ວນເອົາໃຈໃສ່ຄຸ້ມຄອງລາຄາສິນຄ້າ
- WhatsApp Image 2020 05 27 at 5 - ຄຳມ່ວນເອົາໃຈໃສ່ຄຸ້ມຄອງລາຄາສິນຄ້າ
error: Alert: ເນື້ອຫາຂ່າວມີລິຂະສິດ !!