ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ

- 25478 - ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ
- Untitled design - ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ

ໂດຍ: ທິດ​ກ່ຳ

ນັບວ່າເປັນນິຕິໃໝ່ແຫ່ງ ຍຸກສະໄໝ ໃນການຮ່ວມມື ແລະ ຄວາມສຳຄັນລະຫວ່າງ ສປປ ລາວ ກັບລາຊະອານາຈັກໄທ ເຊິ່ງບໍ່ເຄີຍໄດ້ຍິນມາໃນປະຫວັດສາດຂອງສອງຊາດ.

ຈົນມາຮອດຍຸກປັດຈຸບັນຈຶ່ງໄດ້ມີການຕົກລົງໝາຍ ໝັ້ນຈັບມືກັນສານຕໍ່ຄວາມຮັກ, ຄວາມສາມັກຄີການ ບ້ານໃກ້ເຮືອນຄຽງບ້ານພີ່ ເມືອງນ້ອງ ແລະ ໃຫ້ການຊ່ວຍເຫລືອ ເຊິ່ງກັນ ແລະ ກັນ ຍົກລະດັບຈາກການຮ່ວມ ມືໃນດ້ານຕ່າງໆຂຶ້ນມາເປັນ ເພື່ອນຮ່ວມຍຸດທະສາດໄດ້ ດັ່ງໃຈປອງ.

ຕໍ່ສະພາວະຄວາມເປັນຈິງ ແລະ ໂອກາດເລີກງາມ ຍາມດີນີ້ ແມ່ນມີຂຶ້ນພາຍຫລັງ ທີ່ ທ່ານ ນາຍົກລັດຖະມົນຕີ ປຣະຢຸດ ຈັນໂອຊາ, ພ້ອມດ້ວຍ ພັນລະຍາ ແລະ ບັນດາການ ນຳ ໃນຄະນະລັດຖະບານໄທ ໄດ້ມາພົບປະຢ້ຽມຢາມລາວ ແບບບໍ່ເປັນທາງການໃນ ວັນທີ   13-14 ທັນວາ 2018 ທີ່ຜ່ານມານີ້ເອງ.

ໃນການມາຄັ້ງນີ້, ຈຸດ ປະສົງກໍແມ່ນບົນພື້ນຖານ ການເຂົ້າຮ່ວມກອງປະຊຸມ ເຈຊີອາ (Joint Cabinet Retreat-JCR) ຄັ້ງທີ 3 ແລະ ທັງມອບການຊ່ວຍ ເຫລືອໃນບາງດ້ານທີ່ລັດຖະບານລາຊະອານາຈັກໄທ ໄດ້ມີຕໍ່ ສປປ ລາວ ເປັນຕົ້ນ ແມ່ນໄດ້ມອບເງິນຈຳນວນ  75 ລ້ານບາດ ຫລື 19 ຕື້ກີບ ເພີ່ມເຕີມເພື່ອເປັນການຊ່ວຍ ເຫລືອຜູ້ປະສົບໄພເຂື່ອນເຊ ປຽນ-ເຊນ້ຳນ້ອຍແຕກ, ມອບ ອາຄານພະລະສຶກສາທີ່ ລັດຖະບານໄທໄດ້ໃຫ້ການ ຊ່ວຍເຫລືອ.

ນອກຈາກນັ້ນ, ທັງສອງ ນາຍົກ ລາວ-ໄທ ຍັງໄດ້    ຮ່ວມກັນຖະແຫລງຂ່າວ ແລະ ເປັນສັກຂີພິຍານໃນການ    ລົງນາມເອກະສານເຖິງ 7  ສະບັບຄື: ບົດບັນທຶກຄວາມ ເຂົ້າໃຈວ່າດ້ວຍການຮ່ວມມືດ້ານກົດໝາຍ ແລະ ຍຸຕິທຳ, ບົດບັນທຶກການຮ່ວມ ມືໃນຂົງເຂດການຄົມມະນາຄົມ-ຂົນສົ່ງ, ບົດບັນ ທຶກຄວາມເຂົ້າໃຈວ່າດ້ວຍ ການຮ່ວມມືດ້ານການສຶກ ສາທິການ, ບົດບັນທຶກ ຄວາມເຂົ້າໃຈວ່າດ້ວຍການ ກໍ່ສ້າງສວນພຶກສາສາດ,  ບົດບັນທຶກຂອບການຮ່ວມ ມືວ່າດ້ວຍການກວດຄົນ ເຂົ້າ-ອອກເມືອງ ແລະ ບົດບັນທຶກຄວາມເຂົ້າໃຈວ່າ ດ້ວຍການຊື້ຂາຍໄຟຟ້າ ລາວ-ໄທ.

ສິ່ງທີ່ທິດກ່ຳໄດ້ຍົກມາຂ້າງເທິງນີ້, ແມ່ນເປັນ ບາດກ້າວໃໝ່ແຫ່ງການພົວພັນຊ່ວຍເຫລືອ ເຊິ່ງ ກັນ ແລະ ກັນ ຕ່າງຝ່າຍ ຕ່າງ ມີຜົນປະໂຫຍດຮ່ວມກັນ ລະຫວ່າງສອງຊາດ.

ອັນສຳຄັນທີ່ສຸດໃນ ການມາຢ້ຽມຢາມ ສປປ ລາວ ຄັ້ງນີ້ທັງສອງຝ່າຍ ໄດ້ບັນລຸເປົ້າໝາຍຍົກລະ ດັບການຮ່ວມມືໃຫ້ເປັນ ເພື່ອນມິດການຮ່ວມຍຸດທະ ສາດດ້ວຍກັນ, ນີ້ຄືສິ່ງ ໃໝ່ໆ, ນິຕິໃໝ່ທີ່ບໍ່ເຄີຍໄດ້ ຍິນມາໃນຍຸກປະຫວັດສາດ ຂອງສອງຊາດ.

- Wave100S AD to Website 2020 0 - ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ

ເວົ້າເຖິງການພົວພັນ ຊ່ວຍເຫລືອ ແລະ ຄວາມສາ ມັກ ຄີຮັກແພງລະຫວ່າງ ສອງຊາດ ລາວ-ໄທ ແມ່ນ ມີຕັ້ງແຕ່ດຶກດຳບັນເພາະ ລາວກັບໄທມີເຊື້ອຊາດ, ສາສະໜາ ແລະ ຕົ້ນຕະ     ກູນອັນດຽວກັນ, ນອກນັ້ນ, ກໍມີປະເພນີວັດທະນະທຳ ພາສາປາກເວົ້າຄ້າຍຄືກັນ ແລະ ໃຫ້ການຊ່ວຍເຫລືອ ກັນຕະຫລອດມາຈົນບໍ່ສາ ມາດຄິດໄລ່ມູນຄ່າກິໆກີໆ  ໄດ້. ໃນບາງໄລຍະປະຫວັດ ສາດຜ່ານມາເຖິງວ່າມີ ຄວາມອາຄາດບາດໝາງ ກັນ, ຂ້າຟັນລັນແທງກັນ, ຈູດບ້ານເຜົາເມືອງກັນ, ດ່າກັນ, ເວົ້າສຽດສີກັນຈົນ ມາຮອດປັດຈຸບັນກໍຍັງມີ ພວກຈັງໄຮຕິດແສດເຂົ້າ ກະດູກດຳຍັງດ່າກັນບໍ່ເລີກ ບໍ່ແລ້ວ.

ແຕ່ສິ່ງນັ້ນເບິ່ງຢ່າງໜຶ່ງ ມັນເປັນພຽງເລື່ອງມະຍິບ ມະຍ່ອຍຕະປິດຕະປີ່ ແລະ ເປັນແນວຄວາມຄິດຂອງ ພວກຫົວເກົ່າເຕົ່າລ້ານປີ.

ເຫດການເຂື່ອນເຊ ປຽນ-ເຊນ້ຳນ້ອຍແຕກ ພີ່ນ້ອງຊາວໄທນັບແຕ່ອົງ ພະມະຫາກະສັດ, ຂັ້ນລັດຖະ ບານໄປຮອດບຸກຄົນ, ນິຕິບຸກ ຄົນໄດ້ພາກັນເສຍສະ ຫລະ ໃຫ້ການຊ່ວຍເຫລືອ ແລະ ຮອດບ່ອນເກີດເຫດ ກ່ອນປະເທດອື່ນໆ, ສິ່ງນີ້ລະ ປະຊາຊົນຊາວລາວກໍຄືຊາວ ແຂວງອັດຕະປື ໂດຍສະເພາະແມ່ນຊາວເມືອງ ສະໜາມໄຊໄດ້ຈົດຈຳ ແລະ ບໍ່ລືມບຸນຄຸນດ້ວຍຄວາມ ຊາບຊຶ້ງ.

ເຖິງຢ່າງໃດກໍດີ, ຊາ ທິດກ່ຳຄິດແມ່ນຢາກໃຫ້    ເພິ່ນຕື່ມເຮັດບົດບັນທຶກຄວາມເຂົ້າໃຈອີກສະບັບ ໜຶ່ງເປັນສະບັບທີ 8 ວ່າ  ດ້ວຍການໃຊ້ມາດຕະການ ກັບ ພວກຈັງໄຮ, ມັກປ່ອຍດ່າ ສຽດສີ, ຂົ່ມເພິ່ນຍໍໂຕ, ສ້າງເງື່ອນໄຂໃຫ້ປະຊາຊົນສອງ ຊາດລາວ-ໄທຊັງກັນ, ຜິດກັນແມ່ນຕ້ອງເອົາພວກ ນີ້ໄປຂັງຄຸກຂີ້ໄກ່ ຫລື ມອບ ໃຫ້ສານໄຄຟົງຈັບໄປລົງ ໂທດໃຫ້ສະສົມ./.

- 25478 - ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ
(ພາບປະກອບ)
- WhatsApp Image 2020 05 27 at 5 - ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ
- WhatsApp Image 2020 05 27 at 5 - ການຮ່ວມມື ລາວ-ໄທ ກາຍເປັນເພື່ອນຮ່ວມຍຸດທະສາດ
error: Alert: ເນື້ອຫາຂ່າວມີລິຂະສິດ !!