ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ

- 1111 - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ
- Untitled design - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ

- 22 - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ

     ​ເລື່ອງ​ທີ່​ຈະ​ນຳ​ມາສະ​ເໜີ​ໃນ​ມື້​ນີ້ ຢາກ​ໃຫ້​ຄົນ​ທີ່​ເປັນ​ລູກໝົດທຸກ​ຄົນ​ອ່ານ​ເລື່ອງ​ລາວ​ຊີວິດຂອງ “​ພໍ່ລຸງ​ຄົນໜຶ່ງ” ​ໃນ​ຕອນ​ທີ່​ຍັງ​ເປັນ​ໄວໜຸ່ມນັ້ນ ລາວ​ໄດ້​ເປັນ​ຮອດ​ຫົວໜ້າຢູ່​ບໍ່ຄຳ, ມີ​ລາຍ​ໄດ້​ສູງ ​ແຕ່​ພໍ່ລຸງ​ຄົນ​ນີ້​ບໍ່​ເຄີຍ​ເກັບ​ເງິນ-​ຄຳ, ມີ​ເທົ່າ​ໃດ​ກໍ​ໃຊ້ໝົດ ​ເນື່ອງ​ຈາກ​ວ່າ​ລາວ​ເປັນ​ຄົນ​ທີ່​​ໃຈດີ, ​ໃຜ​ມາ​ຂໍ​ຢືມ​ກໍ​​ໃຫ້​ຢືມ ​ແລະ ຍັງ​ລ້ຽງໝູ່ຄູ່​ຢູ່​ຕະຫລອດ​ເວລາ, ລາວ​ມີໝູ່ຄູ່​ຫລາຍ,  ຈົນ​ມາ​ຮອດ​ໄວ​ອາຍຸ​ທີ່​​ແກ່​ເຖົ້າ ​ແລະ ປາກົດ​ວ່າ​ບໍ່ມີ​ເງິນ

- Untitled 1 copy 3 - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ

    ພໍ່ລຸງຄົນນີ້ ມີລູກ 5 ຄົນ ​ເມື່ອ​ລາວ​ບໍ່ມີ​ເງິນ​ແລ້ວ​ກໍ​ຈຳ​ເປັນ​ຕ້ອງ​ໄດ້​ໄປ​ອາ​ໄສ​ຢູ່​​ເຮືອນລູກ​ທັງ 5 ຄົນ, ​​ເຊິ່ງວັນ​ຈັນ​ໄປ​ຢູ່​​ເຮືອນລູກ​ສາວ ​ແຕ່​ກໍ​ຖືກ​ລູກ​ເຂີຍ​ເວົ້າ​ຈາ​ກະທົບກະ​ແທກ​ໃສ່ວ່າ “​ເປັນ​ຫຍັງ​ພໍ່ບໍ່​ໄປ​ຢູ່​​ເຮືອນ​ລູກຄົນ​ອື່ນ​ແດ່ ຂ້ອຍ​ຊິ​ເຮັດ​ຫຍັງ​ກໍ​ອຶດ​ອັດ​ແທ້ໆ” ວັນ​ອັງຄານ​ກໍ​ໄປ​ຢູ່​ບ້ານ​ລູກ​ຊາຍ ​ແຕ່​ກໍ​ຖືກ​ຫລານ ​ແລະ ລູກ​ໃພ້ເວົ້າ​ຈາ​ກະທົບກະ​ແທກ​ໃສ່ວ່າ “​ເບື່ອໜ່າຍພໍ່​ເຖົ້າ​ແທ້​ເດ ຂອງ​ກິນ​ທີ່​ຫລານ​ມັກ​ກໍ​ກິນ​ຂອງ​ຫລານ​ຈົນໝົດ ​ເປັນ​ຫຍັງ​ບໍ່​ໄປ​ຢູ່​ເຮືອນ​ຄົນ​ອື່ນ​ແດ່” ​ແລ້ວ​ກໍ​ເປັນ​ແບບ​ນີ້​ຕະຫລອດ ​ແລະ ພໍ່ລຸງ​ຄົນ​ນີ້​ກໍ​ປ່ຽນ​ໄປ​ຢູ່​​ເຮືອນ​ລູກ​ຄົນ​ນັ້ນ-​ຄົນ​ນີ້​ເປັນ​ປະຈຳ ​ແລ້ວກໍ​ຖືກລູກ​ເຂີຍ, ລູກ​ໃພ້ ​ແລະ ຫລານ​ເວົ້າ​ໃຫ້​ຕະຫລອດ ​ແຕ່​ລາວ​ກໍ​ຕ້ອງ​ອົດທົນ​ຢູ່ ​ເພາະວ່າ​ບໍ່ມີ​ເງິ​ນ​ເກັບ​​ເລີຍ. ມາ​ຮອດ​ມື້ໜຶ່ງ ພໍ່ລຸງ​ຄົນ​ນີ້ ລາວ​ຕັດສິນ​ໃຈ​ເອີ້ນ​ລູກ​ທຸກໆຄົນ​ມາ​ຫາ ​ແລ້ວ​ບອກ​ວ່າ “ພໍ່ຈະ​ບໍ່ຢູ່​ອີກ 2 ປີ ​ເດີ​ລູກ ​ເພາະໝູ່ພໍ່ທີ່​ເປັນ​ເຈົ້!ຂອງ​ບໍ່ຄຳ ມາ​ຂໍ​ຮ້ອງ​ໃຫ້​ພໍ່​ໄປ​ຊ່ວຍ​ວຽກຢູ່​ບໍ່ຄຳ​ຂອງ​ລາວ ພໍ່ຈຳ​ເປັນ​ຕ້ອງ​ໄປ​ຊ່ວຍ​ລາວ​ແທ້ໆ​ເດີ​ລູກ” ​ເມື່ອ​ລູກໆ​ໄດ້​ຍິນ​ແບບ​ນີ້​ແລ້ວ ກໍ​ພາກັນ​ດີ​ໃຈ ​ພ້ອມ​ທັງ​ສະໜັບສະໜູນ ​ເພື່ອ​ໃຫ້​ພໍ່ອອກ​ໄປ​ຈາກ​ເຮືອນຈະ​ໄດ້​ບໍ່ມີ​ພາລະ​ໃຫ້​ຮັບຜິດຊອບ​ຕໍ່​ໄປ. ​ເມື່ອ​ຮອດ​ກຳນົດເວລາ 2 ປີ ພໍ່ລຸງ​ຄົນ​ນີ້ ກໍ​ກັບ​ມາ​ພ້ອມ​ກັບ “ຫີບເຫລັກຫີບ​ໃຫຍ່” 1 ຫີບ ​ເວລາ​ໄປ​ໃສ່​ກໍ​ລາກ​ໄປ​ນຳ ​ແລະ ລູກໆກໍ​ພາກັນ​ແປກ​ໃຈ ​ແລະ​ຖາມ​ວ່າ “​ແມ່ນຫີບ​ຫຍັງ​ພໍ່” ລາວ​ຕອບ​ກັບ​ໄປ​ວ່າ “ມັນ​ແມ່ນ​ສົມບັດ​ກ້ອນ​ສຸດ​ທ້າຍ ທີ່​ໄດ້​ມາ​ຈາກ​ບໍ່ຄຳ​ຂອງໝູ່ພໍ່, ຖ້າ​ໃຜ​ເບິ່ງ​ແຍງ​ພໍ່ຈົນ​ຮອດ​ມື້​ສຸດ​ທ້າຍ ​ແລ້ວ​ພໍ່ຈະ​ມອບ​ສົມບັດ​ໃນ​ຫີບ​ເຫລັກ​ນີ້​ໃຫ້ໝົດ​ເລີຍ” ​ແລະ ປາກົດ​ວ່າ ລູກ​ທັງ 5 ພາກັນ​ດີ​ໃຈ​ຕື່ນ​ເຕັ້ນ, ພາກັນ​ມາ​ເບິ່ງ​ແຍງ​ເປັນ​ຍ່າງ​ດີ, ວັນ​ຈັນ​​ໄປ​ຢູ່​ກັບ​ລູກ​ສາວ​ກົກ, ລູກ​ເຂີຍ ​ແລະ ຫລານ​ກໍ​ພາກັນ​ເອົາ​ອົກ​ເອົາ​ໃຈ ກາ​ຂອງ​ກິນ​ດີໆ ​ແຊບໆມາ​ໃຫ້​ກິນ, ​ຢູ່​ໄປ​ບໍ່ພໍ​ເທົ່າ​ໃດ​ລູກ​ຊາຍຄົນທີ 2 ກໍ​ມາ​ນຳ​ເອົາ​ໄປ​ຢູ່​ນຳ ​ແລະ ກໍ​ເປັນ​ຄື​ກັນ​ຢູ່​ໄປ​ບໍ່​ເທົ່າ​ໃດ ລູກ​ສາວ​ຄົນທີ 3 ກໍ​ມາ​ນຳ​ເອົາ​ໄປ​ຢູ່​ນຳ. ລູກ​ທັງ 5 ຂອງ​ພໍ່ລຸງ ຕ່າງ​ຄົນ​ຕ່າງ​ມາຍາ​ດ​ແຍ່ງ​ກັນ​ເອົາ​ອົກ​ເອົາ​ໃຈ ​ແລະ ບົວລະບັດ​ເບິ່ງ​ແຍງ​ພໍ່ລຸງ​ຄົນ​ນີ້​ເປັນ​ຍ່າງ​ດີ ​ແຕ່​ເວລາ​ໄປ​ໃສ່​ລາວ​ຈະລາ​ກຫີບ​ເຫລັກ​ໄປ​ນຳ​ຕະຫລອດ.

    ຜ່ານ​ໄປ 7 ປີ ພໍ່ລຸງ​ຄົນ​ນີ້​ກໍ​ໄດ້​ເສຍ​ຊີວິດ​ໄປ ຫລັງ​ຈາກ​ແລ້ງ​ງານ​ສົບ, ລູກ​ທັງ 5 ຄົນ​ກໍ​ພາກັນ​ມາ​ນັ່ງ​ລ້ອມ​ຫີບ​ເຫລັກ ​ເພື່ອ​ແບ່ງ​ສົມບັດ​ກັນ, ລູກ​ສາວ​ກົກ​ເປັນ​ຄົນ​ເປີດ​ຝາ​ຫີບ ​ແລ້ວ​ພົບ​ວ່າ​ຍັງ​ມີ​ຜ້າ​ສີຂາວ​ປິດ​ຢູ່​ອີກ​ຊັ້ນໜຶ່ງ ​ແລະ ມີ​ຈົດໝາຍສະບັບໜຶ່ງ ວາງ​ຢູ່ ​ແລ້ວລູກສາວ​ກົກ​ກໍ​ເປີດ​ອ່ານ​​ໃຫ້​ນ້ອງໆຟັງ ​ເນື້ອ​ໃນ​ຈົດໝາຍຂຽນວ່າ:

- Wave100S AD to Website 2020 0 - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ

     ​ເຖິງ​ລູກ​ທີ່​ຮັກ​ທຸກ​ໆຄົນ

ກ່ອນອື່ນພໍ່ຕ້ອງຂໍຂອບໃຈ ກ້ອນຫີນທຸກໆກ້ອນໃນຫີບເຫລັກ ຫີບນີ້, ທີ່ໄດ້ລ້ຽງດູຊີວິດພໍ່ຈົນຮອດໄລຍະສຸດທ້າຍ ພໍ່ຂໍໃຫ້ລູກໆແບ່ງກ່ອນຫີນໃນຫີບ​​ເຫລັກນີ້ໄປ​​ເທົ່າທຽມກັນເພື່ອເປັນອຸທະຫອນສອນໃຈໃຫ້ພວກເຈົ້າໝັ່ນເກັບອອມເງິນ-​ຄຳໄວ້ຕັ້ງແຕ່ມື້ນີ້ເພື່ອເວລາທີ່ພວກເຈົ້າແກ່ເຖົ້າລົງໄປຈະໄດ້ບໍ່ມີຊີວິດ ທີ່ໜ້າອາຍຄືພໍ່

- WhatsApp Image 2020 05 27 at 5 - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ
- WhatsApp Image 2020 05 27 at 5 - ພໍ່ລຸງ​ຄົນໜຶ່ງປະສົມ​ບັດ​ກ້ອນ​ສຸດ​ທ້າຍ​ໄວ້​ໃນ “ຫີບເຫລັກ” ​ໃຫ້​ລູກ 5 ຄົນ ​ແບ່ງ​ກັນ ຫລັງ​ຈາກ​ເປີດ​ອອກ​ມາ​ເຫັນ​ຈົນ​ນໍ້າຕາ​ໄຫລ
error: Alert: ເນື້ອຫາຂ່າວມີລິຂະສິດ !!