ປະເທດພັນທະມິດອາເມລິກາ ເປັນຫ່ວງກຸ່ມ IS ຄືນຊີບຢູ່ຊີຣີ

- 750x422 821887 1545352923 - ປະເທດພັນທະມິດອາເມລິກາ ເປັນຫ່ວງກຸ່ມ IS ຄືນຊີບຢູ່ຊີຣີ
- Untitled design - ປະເທດພັນທະມິດອາເມລິກາ ເປັນຫ່ວງກຸ່ມ IS ຄືນຊີບຢູ່ຊີຣີ

     ບັນດາ​ປະ​ເທດພັນທະ​ມິດ​ຂອງ​ອາ​ເມ​ລິ​ກາ​ຫລາຍ​ປະ​ເທດ ຕ່າງ​ອອກ​ມາສະ​ແດງ​ຄວາມ​ກັງວົນ​ກໍລະນີ​ອາ​ເມ​ລິ​ກາ​ກຽມ​ຖອນ​ທະຫານ​ອອກ​ຈາກ​ຊີຣີ ​ເນື່ອງ​ຈາກ​ຢ້ານ​ວ່າ: ການ​ຖອນ​ທະຫານ​ຈະ​ເຮັດ​ໃຫ້​ກຸ່ມ​ຕິດ​ອາວຸດ​ລັດ​ອິສລາມ (IS) ຟື້ນຄືນ​ມາ​ອີກ.

      ​ໃນ​ວັນ​ທີ 20 ທັນວາ, ປະທານາທິບໍດີ ​ໂດ​ນັລ ທຣຳ ​ໂພສຂໍ້ຄວາມ​ປະກາດ​ໄຊຊະນະ​ຂອງ​ອາ​ເມ​ລິ​ກາ​ເໜືອ​ກຸ່ມ IS ​ໃນ​ຊີຣີ ​ເຊິ່ງການ​ປະກາດ​ໄຊຊະນະ​ນີ້​ມີ​ຂຶ້ນ ຫລັງ​ຈາກ​ມີ​ລາຍ​ງານ​ວ່າ: ກອງທັບ​ອາ​ເມ​ລິ​ກາ​ກຽມ​ຖອນ​ທະຫານ​ທັງ​ໝົດ​ຈຳນວນ 2.000 ຄົນ​ອອກ​ຈາກຊີຣີ ​ໂດຍ​ຢຸດ​ຍຸດ​ທະ​ສາດ​ຂອງ​ອາ​ເມ​ລິ​ກາ​ໃນ​ການ​ສົ່ງ​ກອງ​ກຳລັງ​ພາກພື້ນດິນ​ເຂົ້າສູ້​ຮົບ​ກັບ​ກຸ່ມ IS.

      ບັນດາ​ປະ​ເທດ​ພັນທະ​ມິ​ດອາ​ເມ​ລິ​ກາ ​ເບິ່ງ​ວ່າ: ກອງທັບ​ອາ​ເມ​ລິ​ກາ​ໃນ​ຊີຣີຊ່ວຍ​ກຳຈັດ​ກຸ່ມ​ຍິຮັດ​ໃນ​ພື້ນທີ່​ທາງ​ຕາ​ເວັນ​ອອກສຽງ​ເໜືອ​ຂອງ​ຊີຣີ, ​ແຕ່​ກຸ່ມ​ນັກຮົບ​ກຸ່ມ​ຕ່າງໆ​ຍັງ​ຢູ່​ໃນ​ພື້ນທີ່​ດັ່ງກ່າວ.

- Wave100S AD to Website 2020 0 - ປະເທດພັນທະມິດອາເມລິກາ ເປັນຫ່ວງກຸ່ມ IS ຄືນຊີບຢູ່ຊີຣີ

       ​ເຖິງ​ຢ່າງ​ໃດ​ກໍ​ຕາມ, ປະທານາທິບໍດີ ວະ​ລາ​ດິ​ເມຍ ປູ​ຕິນ ຂອງຣັດ​ເຊຍ ສະໜັບສະໜູນ​ການ​ຕັດສິນ​ໃຈ​ຂອງ​ທຳນຽບຂາວ ​ເລື່ອງ​ການ​ຖອນ​ທະຫານ​ອາ​ເມ​ລິ​ກາ​ຈຳນວນ 2.000 ຄົນ ອອກ​ຈາກ​ຊີຣີ ​ໂດຍ​ບອກ​ວ່າການ​ທີ່​ອາ​ເມ​ລິ​ກາ​ສົ່ງ​ທະຫານ​ເຂົ້າ​ໄປ​​ໃນ​ຊີຣີ​ເປັນ​ເລື່ອງ​ບໍ່​ຖືກຕ້ອງ​ແຕ່​ທຳ​ອິດ ຖື​ເປັນ​ການ​ຂັດຂວາງ​ຂະ​ບວນການ​ສັນຕິພາບ​ໃນ​ພາກພື້ນນັ້ນ.

      ປະທານາທິບໍດີ ປູ​ຕິນ ກ່າວ​ອີກ​ວ່າ: ບໍ່​ຈຳ​ເປັນ​ຕ້ອງ​ມີ​ທະຫານ​ອາ​ເມ​ລິ​ກາ​ປະຈຳການ​ຢູ່​ຊີຣີອີກ​ຕໍ່​ໄປ ​ແລະ ຕ້ອງ​ບໍ່​ລືມ​ວ່າ​ອາ​ເມ​ລິ​ກາ​ເຂົ້າ​ໄປ​ແຊກ​ແຊງ​ໃນ​ຊີຣີຢ່າງ​ບໍ່​ຖືກຕ້ອງ​ແຕ່​ທຳ​ອິດ, ທັງ​ຍັງ​ບໍ່​ໄດ້​ຮັບ​ການ​ສະໜັບສະໜູນ​ຈາກ​ສະຫະ​ປະຊາ​ຊາດ (UN) ຫລື ຈາກ​ລັດຖະບານ​ຊີຣີ​ເອງ, ​ແຕກ​ຕ່າງ​ຈາກຣັດ​ເຊຍ​ທີ່​ໄດ້​ຮັບ​ຄຳ​ເຊີນ​ຈາກ​ລັດຖະບານ​ຊີຣີ​ໂດຍ​ກົງ.

- WhatsApp Image 2020 05 27 at 5 - ປະເທດພັນທະມິດອາເມລິກາ ເປັນຫ່ວງກຸ່ມ IS ຄືນຊີບຢູ່ຊີຣີ
- WhatsApp Image 2020 05 27 at 5 - ປະເທດພັນທະມິດອາເມລິກາ ເປັນຫ່ວງກຸ່ມ IS ຄືນຊີບຢູ່ຊີຣີ
error: Alert: ເນື້ອຫາຂ່າວມີລິຂະສິດ !!