ລັດຖະບານອິນໂດເນເຊຍສຽງແຕກ ເລື່ອງນຳເຂົ້າຂີ້ເຫຍື້ອປລາສະຕິກ

- advert banner 728 90 728x90 - ລັດຖະບານອິນໂດເນເຊຍສຽງແຕກ ເລື່ອງນຳເຂົ້າຂີ້ເຫຍື້ອປລາສະຕິກ

      ລັດຖະບານ​ອິນ​ໂດ​ເນ​ເຊຍ​ມີ​ຄວາມ​ຂັດ​ແຍ່ງກັນ​ເລື່ອງ​ການ​ນຳ​ເຂົ້າຂີ້​ເຫຍື້ອປລາສະຕິກ​ຈາກ​ຕ່າງປະ​ເທດ, ​ເມື່ອ​ກະຊວງ​ອຸດສາຫະກຳ ສະ​ເໜີ​ໃຫ້​ນຳ​ເຂົ້າ​ເພີ່ມ​ຂຶ້ນ ​ເພື່ອ​ຜົນ​ປະ​ໂຫຍ​ດທາງ​ເສດຖະກິດ ຫລັງ​ຈາກ​ກະຊວງ​ສິ່ງ​ແວດ​ລ້ອມ​ສັ່ງ​ຢຸດ​ນຳ​ເຂົ້ານັບ​ແຕ່​ກາງ​ປີ​ເປັນຕົ້ນມາ.

      ກະຊວງ​ສິ່ງ​ແວດ​ລ້ອມ​ອິນ​ໂດ​ເນ​ເຊຍ​ມີ​ຄຳ​ສັ່ງ​ໃນ​ເດືອນ​ມິຖຸນາ ​ໃຫ້​ຢຸດ​ການ​ນຳ​ເຂົ້າຂີ້​ເຫຍື້ອປລາສະຕິກ ​ເພາະ​ຢ້ານ​ວ່າ​ຂີ້​ເຫຍື້ອຈາກ​ຕາ​ເວັນ​ຕົກ​ຈະ​ໄຫລ​ເຂົ້າມາ ຫລັງ​ຈາກ​ຈີນ​ເລີ່​ມຫ້າມ​ນຳ​ເຂົ້ານັບ​ແຕ່​ເດືອນ​ມັງກອນ, ​ແຕ່​ກະຊວງ​ອຸດສາຫະກຳ​ມີ​ໜັງສື​ເຖິງ​ກະຊວງ​ສິ່ງ​ແວດລ້ອມ​ໃນ​ເດືອນ​ກ່ອນ​ໃຫ້​ຍົກ​ເລີກ​ຄຳ​ສັ່ງ​ນີ້ ​ໂດຍ​ໃຫ້​ເຫດຜົນ​ວ່າ: ອິນ​ໂດ​ເນ​ເຊຍ​ຈຳ​ເປັນ​ຕ້ອງ​ນຳ​ເຂົ້າຂີ້​ເຫຍື້ອປລາສະຕິກ​ປີ​ລະ 600.000 ​ໂຕນ ຫລາຍ​ກວ່າ​ນຳ​ເຂົ້າປົກກະຕິ​ປີ​ລະ 110.000 ​ໂຕນ ​ເພາະ​ການ​ສົ່ງ​ອອກ​ປລາສະຕິກຣີ​ໄຊ​ເຄິລ​ເຮັດ​ໃຫ້​ປະ​ເທດ​ເກີນ​ດູ​ນການ​ຄ້າ 40 ລ້ານ​ໂດ​ລາ​ສະຫະລັດ. ຂະນະ​ທີ່​ກຸ່ມ​ວິ່ງ​ເຕັ້ນອ້າງ​ວ່າ: ທຸລະ​ກິດ​ປລາສະຕິກ​ຈ້າງ​ແຮງ​ງານ​ໂດຍ​ກົງ 130.000 ຄົນ ​ແລະ ຊ່ວຍ​ໃຫ້​ອີກ​ຫລາຍ​ລ້ານ​ຄົນ​ມີ​ເງິນ​ຈາກ​ການ​ນຳ​ເອົາ​ຂີ້​ເຫຍື້ອ​ປລາສະຕິກ​ໄປ​ຂາຍ, ສ່ວນ​ສະມາຄົມຣີ​ໄຊ​ເຄິລປລາສະຕິກ ​ເບິ່ງ​ວ່າ: ການ​ນຳ​ເຂົ້າຂີ້​ເຫຍື້ອມາຣີ​ໄຊ​ເຄິລ​ເປັນ​ປລາສະຕິກ​ໃຊ້​ໃໝ່​ມີ​ຕົ້ນທຶນ​ຕໍ່າ​ກວ່າ​ການ​ຜະລິດ​ປລາສະຕິກ​ເອງ ​ແລະ ​ເປັນ​ໂອກາດ​ທາງ​ທຸລະ​ກິດ ຕາບ​ໃດ​ທີ່​ດຳ​ເນີນ​ມາດ​ຕະການ​ອະນຸລັກ​ສິ່ງ​ແວດ​ລ້ອມ​ຄຽງ​ຄູ່​ໄປ​ນຳ.

- lattana 1 - ລັດຖະບານອິນໂດເນເຊຍສຽງແຕກ ເລື່ອງນຳເຂົ້າຂີ້ເຫຍື້ອປລາສະຕິກ
- 1 1 - ລັດຖະບານອິນໂດເນເຊຍສຽງແຕກ ເລື່ອງນຳເຂົ້າຂີ້ເຫຍື້ອປລາສະຕິກ

      ວາລະສານ​ໄຊ​ເອິນ ​ເຜີຍ​ແຜ່​ຜົນ​ການ​ສຶກສາ​ໃນ​ປີ 2015 ວ່າ: ອິນ​ໂດ​ເນ​ເຊຍ​ເປັນ​ປະ​ເທດ​ຕົ້ນຕໍ​ຂີ້​ເຫຍື້ອປລາສະຕິກ​ໃນ​ທະ​ເລ​ຫລາຍ​ເປັນອັນ​ດັບ​ສອງ​ຂອງ​ໂລກ​ຮອງ​ຈາກ​ຈີນ ​ເພາະ​ຂີ້​ເຫຍື້ອປລາສະຕິກ​ທີ່​​ເກີດ​ຂຶ້ນປີ​ລະ 3,2 ລ້ານ​ໂຕນ ​ເກືອບ​ເຄິ່ງໜຶ່ງ​ໄປ​ລອຍ​ຢູ່​ໃນ​ທະ​ເລ. ​ເດືອນ​ຜ່ານ​ມາ ອິນ​ໂດ​ເນ​ເຊຍ​ພົບ​ຊາກ​ປາວານ​ເຊິ່ງ​ໃນ​ທ້ອງ​ມີ​ຂີ້​ເຫຍື້ອປລາສະຕິກ​ສູງ​ເຖິງ 6 ກິ​ໂລ. ລັດຖະບານ​ປະທານາທິບໍດີ ​ໂຈ​ໂກ ວິ​ໂດ​ໂດ ປະກາດ​ໃນປີ​ກ່ອນ​ວ່າ: ຈະ​ທຸ້ມງົບປະມານ​ປີ​ລະ 1.000 ລ້ານ​ໂດ​ລາ​ສະຫະລັດ ຫລຸດ​ຂີ້​ເຫຍື້ອປລາສະຕິກ​ໃນ​ທະ​ເລ​ໃຫ້​ໄດ້ 70% ພາຍ​ໃນ​ປີ 2025. ​ເຖິງ​ຢ່າງ​ໃດ​ກໍ​ດີ, ​ແຜນການ​ຍົກ​ເລີກ​ການ​ໃຊ້​ຜະລິດ​ຕະພັນ​ປລາສະຕິກ​ທຸກ​ຢ່າງ​ທີ່​ປະກາດ​ໃຊ້​ໃນ​ປີ 2016 ຖືກ​ຫລຸດ​ລົງ​ໃຫ້​ເຫລືອ​ພຽງ​ຫ້າມ​ໃຊ້​ຖົງ​ປລາສະຕິກ​ຕາມ​ຮ້ານ​ຄ້າ ​ແລະ ຍັງ​ບໍ່​ມີ​ການ​ບັງຄັບ​ໃຊ້​ຢ່າງ​ຈິງ​ຈັງ.

error: Content is protected !!