ທີມຊາດຫວຽດນາມ ຈາກແຊ້ມອາຊຽນກັບ ຄວາມທ້າທາຍໃຫມ່ສູ່ການຊີງແຊ້ມອາຊີ 2019

- 48416689 2001635033250539 1315870665441542144 n 1 - ທີມຊາດຫວຽດນາມ ຈາກແຊ້ມອາຊຽນກັບ ຄວາມທ້າທາຍໃຫມ່ສູ່ການຊີງແຊ້ມອາຊີ 2019
- Untitled design - ທີມຊາດຫວຽດນາມ ຈາກແຊ້ມອາຊຽນກັບ ຄວາມທ້າທາຍໃຫມ່ສູ່ການຊີງແຊ້ມອາຊີ 2019

      ຫລັງຈາກພິຊິດເປົ້າໝາຍຄວ້າແຊ້ມອາຊຽນ ຫລື AFF Suzuki Cup 2018 ໃນຮອບ 10 ປີ, ທີມຊາດຫວຽດນາມ ມັງກອນໄຟແຫ່ງອາຊຽນ ວາງເປົ້າໝາຍໄກກວ່າເກົ່າ ຄືສູ້ຊົນຍົກລະດັບຕົນເອງໃຫ້ເປັນທີມຊັ້ນນຳໃນອາຊີພາຍໃນປີ 2030 ໂດຍສະເພາະການແຂ່ງຂັນຊີງແຊ້ມອາຊີ ຄັ້ງທີ 17 ຫລື ເອເອຟຊີ ເອຊຽນຄັບ 2019 (AFC Asian Cup 2019) ທີ່ຈະມີຂຶ້ນໃນວັນທີ 5 ມັງກອນ ຫາວັນທີ 1 ກຸມພາ 2019 ຢູ່ສະຫະລັດອາຣັບເອມີເຣສ, ຫວຽດນາມຕັ້ງເປົ້າສ້າງປະຫວັດສາດເຂົ້າສູ່ 4 ທີມສຸດທ້າຍເປັນຄັ້ງທຳອິດ.

          ທີມຊາດຫວຽດນາມຊຸດນີ້ເປັນຊຸດທີ່ດີທີ່ສຸດຕັ້ງແຕ່ໂຮມໂຕກັນເປັນເອກະພາບຈາກຫວຽດນາມເໜືອ ແລະ ຫວຽດນາມໃຕ້, ໃນປີ 2018 ສາມາດສ້າງປະຫວັດສາດຄວ້າອັນດັບ 2 ລຸ້ນອາຍຸບໍ່ເກີນ 23 ປີ ຊີງແຊ້ມອາຊີ, ຈາກນັ້ນມາສ້າງປະຫວັດສາດເຂົ້າເຖິງຮອບ 4 ທີມສຸດທ້າຍ ເອຊຽນເກມ 2018 ແລະ ກ້າວມາເປັນແຊ້ມອາຊຽນ AFF Suzuki Cup 2018 ພາຍໃຕ້ການຄຸມທີມຂອງ ປ໊າກຮັງໂຊ ຄູຝຶກຊາວສາທາລະນະລັດເກົາຫລີ ຜູ້ນຳທີມຂຽນປະຫວັດສາດໜ້າໃຫມ່.

          AFC Asian Cup 2019 ທີມຊາດຫວຽດນາມ ຖືກຈັດຢູ່ກຸ່ມ D ຮ່ວມກັບ ອີຣານ ເບີ 1 ຂອງອາຊີ ແຊ້ມອາຊີ 3 ສະໄຫມ, ອີຣັກ ແຊ້ມອາຊີ ປີ 2007 ແລະ ທີມຊາດເຢເມນ. ນັດທີ 1 ຈະພົບກັບ ທີມຊາດອີຣັກ ໃນວັນທີ 8 ມັງກອນ 2019, ນັດທີ 2 ພົບກັບ ທີມຊາດອີຣັກ ໃນວັນທີ 12 ມັງກອນ 2019  ແລະ ນັດທີ 3 ພົບກັບ ທີມຊາດອີຣານ ໃນວັນທີ 16 ມັງກອນ 2019.

        ເມື່ອສຳຫລວດເບິ່ງທັງ 4 ທີມໃນກຸ່ມນີ້ ຫວຽດນາມ ພົບງານໜັກແນ່ນອນ ໂດຍສະເພາະ ອີຣານ ແລະ ອີຣັກ 2 ທີມເຕັງ 1-2 ຂອງກຸ່ມ ແຕ່ ຫວຽດນາມ ກໍພ້ອມທ້າຊົນທຸກທີມ ເພື່ອຫວັງບັນລຸເປົ້າໝາຍທີ່ຕັ້ງໄວ້.

- Wave100S AD to Website 2020 0 - ທີມຊາດຫວຽດນາມ ຈາກແຊ້ມອາຊຽນກັບ ຄວາມທ້າທາຍໃຫມ່ສູ່ການຊີງແຊ້ມອາຊີ 2019

        AFC Asian Cup 2019 ມີ 24 ທີມທີ່ຜ່ານການຄັດເລືອກໃນອາຊີເຂົ້າຮ່ວມ, ຫວຽດນາມ ເປັນ 1 ໃນ 3 ທີມຈາກອາຊຽນທີ່ຜ່ານການຄັດເລືອກ ຕໍ່ຈາກໄທ ແລະ ຟີລິບປິນ, ຮູບແບບການແຂ່ງຂັນແບ່ງອອກເປັນ 6 ກຸ່ມ, ກຸ່ມລະ 4 ທີມ ແຂ່ງແບບພົບກັນໝົດໃນກຸ່ມ ແລ້ວຄັດເອົາທີ 1-2 ຂອງກຸ່ມ ບວກກັບທີ 3 ດີສຸດ 4 ທີມຈາກ 6 ທີມ ເຂົ້າສູ່ຮອບ 16 ທີມສຸດທ້າຍຕໍ່ໄປ.

        ຜົນງານດີສຸດຂອງທີມຊາດຫວຽດນາມໃນ AFC Asian Cup ເຂົ້າຮ່ວມລາຍການນີ້ໃນຮອບສຸດທ້າຍ 3 ຄັ້ງ ດີສຸດເຂົ້າເຖິງຮອບ 8 ທີມສຸດທ້າຍໃນປີ 2007 ທີ່ເປັນເຈົ້າພາບຮ່ວມກັບ ອິນໂດເນເຊຍ, ມາເລເຊຍ ແລະ ໄທ, ສ່ວນຜົນງານອີກ 2 ຄັ້ງ ຄືຄັ້ງທີ 1 ແລະ 2 ຂອງການແຂ່ງຂັນໃນປີ 1956 ແລະ 1960 ຕອນນັ້ນຍັງເປັນຫວຽດນາມໃຕ້ ມີພຽງ 4 ທີມເຂົ້າຮ່ວມ, ຫວຽດນາມບໍ່ຊະນະຈັກນັດ ໄດ້ອັນດັບສຸດທ້າຍທັງສອງຄັ້ງ.

- WhatsApp Image 2020 05 27 at 5 - ທີມຊາດຫວຽດນາມ ຈາກແຊ້ມອາຊຽນກັບ ຄວາມທ້າທາຍໃຫມ່ສູ່ການຊີງແຊ້ມອາຊີ 2019
- WhatsApp Image 2020 05 27 at 5 - ທີມຊາດຫວຽດນາມ ຈາກແຊ້ມອາຊຽນກັບ ຄວາມທ້າທາຍໃຫມ່ສູ່ການຊີງແຊ້ມອາຊີ 2019
error: Alert: ເນື້ອຫາຂ່າວມີລິຂະສິດ !!