11 ນັກເຕະຕິດທີມດີເດັ່ນ AFF Suzuki Cup 2018

- 48404298 2002649223149120 6261763679901974528 n - 11 ນັກເຕະຕິດທີມດີເດັ່ນ AFF Suzuki Cup 2018
- Untitled design - 11 ນັກເຕະຕິດທີມດີເດັ່ນ AFF Suzuki Cup 2018

      11 ນັກເຕະຕິດທີມດີເດັ່ນ AFF Suzuki Cup 2018 ຄັ້ງນີ້ ຈັດໂດຍຄະນະກຳມະການຈັດການແຂ່ງຂັນເຕະບານຊາຍຊີງແຊ້ມອາຊຽນ 2018 ກໍຄືສະຫະພັນບານເຕະອາຊຽນ (AFF) ກັບບໍລິສັດ Suzuki ຜູ້ສະໜັບສະໜູນຫລັກ ເຊິ່ງມີຄວາມແຕກຕ່າງຈາກ FOX Sport ສື່ທາງການຂອງການແຂ່ງຂັນຄັ້ງນີ້.

        ຜູ້ຮັກສາປະຕູ: ດາງວັນເລິມ (ຫວຽດນາມ) ອະດີດຜູ້ຮັກສາປະຕູສະໂມສອນ ຮວາງແອັງອັດຕະປື ເຊັຟປ້ອງກັນການຍິງຂອງຄູ່ແຂ່ງຫລາຍຈັງຫວະ ເສຍພຽງ 4 ປະຕູ ຈາກ 8 ນັດ. ກອງຫລັງຟາກຂວາ: ສະຢາມີ້ ຊາຟາຣີ້ (ມາເລເຊຍ) ຍິງໄກສຸດງາມນັດບຸກສະເໝີກັບ ໄທແຊ້ມເກົ່າ 2-2 ໂດດເດັ່ນດ້ານຄວາມໄວ ໃນການເສີມເກມບຸກ ແລະ ລົງຮັບຢ່າງໜຽວແໜ້ນ. ກອງຫລັງຟາກຊ້າຍ: ດ໋ວນວັນເຮົ້າ (ຫວຽດນາມ) ດ້ວຍພະລະກຳລັງທີ່ແຂງແຮງທັງບຸກທັງຮັບປະຈັກຕາຜູ້ຊົມ ຈົນເປັນແບັກຊ້າຍເບີ 1 ຂອງຫວຽດນາມ. ກອງຫລັງທາງກາງ: ອາວວາໂຣ ຊິນວາ (ຟີລິບປິນ) ດ້ວຍຮູບຮ່າງທີ່ສູງໃຫຍ່ ມີແຮງປະທະ ແລະ ສະກັດບານຄູ່ແຂ່ງເດັດຂາດຫລາຍຄັ້ງ ເປັນຟີລິບປິນຄົນດຽວທີ່ຕິດມາ. ອີກໜຶ່ງກອງຫລັງທາງກາງ ຕິດມາແມ່ນ ເຈິ້ນດິ້ງຈ້ອງ (ຫວຽດນາມ) ປ້ອງກັນການຍິງ ແລະ ສະກັດກັ້ນເກມບຸກຂອງຄູ່ແຂ່ງໄດ້ຢ່າງຮັດກຸມ, ເດັດຂາດ ປາບກອງໜ້າຄູ່ແຂ່ງຫລາຍລາຍ. ກອງກາງ: ຫງຽນກວາງຮາຍ (ຫວຽດນາມ) ເຈົ້າຂອງລາງວັນນັກເຕະດີເດັ່ນ MVP ປະຈຳປີນີ້ ໂດດເດັ່ນທັງບຸກ ແລະ ຮັບ. ກອງກາງທີ 2: ຮ່ຽງໂບໂບ້ (ມຽນມາ) ໜຶ່ງດຽວຈາກມຽນມາຕິດມາ ມີທັກສະທີ່ສວຍງາມ, ແຂງແກ່ນ, ຈ່າຍບານໄດ້ຄົມ ເດັ່ນທັງບຸກ ແລະ ຮັບ ອາຍຸພຽງ 22 ປີ. ກອງກາງທີ 3: ໂມຮາມາດູ ຊູມາເຣ (ມາເລເຊຍ) ຮູບຮ່າງໜາໃຫຍ່ມີຄວາມໄວ, ຕັດສ້າງສັນເກມບຸກໄດ້ຢ່າງໜ້າສົນໃຈ. ກອງກາງທີ 4: ຊາຟາວີ ຣາຊິດ (ມາເລເຊຍ) ເປັນນັກເຕະທີ່ຫລິ້ນເຂົ້າກັນດີກັບແບັກຂວາ ສະຢາມີ້ ຊາຟາຣີ້ ປັ້ນເກມ ເຄື່ອນໂຕໄປກັບບານໄດ້ຢ່າງຄ່ອງແຄ້ວ ແລະ ທຳລາຍເກມບຸກຂອງຄູ່ແຂ່ງຢ່າງເດັດຂາດ. ກອງໜ້າ: ນໍຣສະຣຸນ ອິດລານ (ມາເລເຊຍ) ເປັນນັກເຕະທີ່ຫາຊ່ອງວ່າງຍິງປະຕູໄດ້ດີ ສ້າງສັນໂອກາດຍິງປະຕູໄດ້ຫລາຍຈັງຫວະ ເປັນພາລະໜັກຂອງກອງຫລັງຄູ່ແຂ່ງ. ອີກໜຶ່ງກອງໜ້າຄື: ສັນຣະວັດ ເດດມິດ (ໄທ) ຢືນຕໍາແໜ່ງໜ້າຕໍ່າ ແລະ ປີກ ໄດ້ຢ່າງໜ້າສົນໃຈ ມີພອນສະຫວັນ ຄ່ອງແຄ້ວ ແລະ ໄຫວພິບ.

- Wave100S AD to Website 2020 0 - 11 ນັກເຕະຕິດທີມດີເດັ່ນ AFF Suzuki Cup 2018
- WhatsApp Image 2020 05 27 at 5 - 11 ນັກເຕະຕິດທີມດີເດັ່ນ AFF Suzuki Cup 2018
- WhatsApp Image 2020 05 27 at 5 - 11 ນັກເຕະຕິດທີມດີເດັ່ນ AFF Suzuki Cup 2018
error: Alert: ເນື້ອຫາຂ່າວມີລິຂະສິດ !!