ລາວ-ລັດເຊຍ ເສີມຂະຫຍາຍມູນເຊື້ອສາຍພົວພັນຮ່ວມມື

- advert banner 728 90 728x90 - ລາວ-ລັດເຊຍ ເສີມຂະຫຍາຍມູນເຊື້ອສາຍພົວພັນຮ່ວມມື

    ວັນທີ 20 ທັນວານີ້, ທີ່ສະພາແຫ່ງຊາດສອງ​ຝ່າຍ ທ່ານ ພົນໂທ ແສງນວນ ໄຊຍະລາດ ເລຂທິການສູນກາງພັກ ຮອງປະທານສະພາແຫ່ງຊາດ ໄດ້ຕ້ອນຮັບການເຂົ້າຢ້ຽມຄໍານັບຂອງທ່ານ ປາຣນົບ ເດນິສ ອັນເດເຢວິຈ ຄະນະກໍາມະການກວດກາຂັ້ນສູງກາງ ຂອງພັກກອມມູນິດສະຫະພັນລັດເຊຍ ເລຂາອົງຄະນະພັກກອມມູນິດສະຫະພັນລັດເຊຍ ປະຈໍາ ນະຄອນຫຼວງມົດສະກູ ພ້ອມດ້ວຍຄະນະ ເນື່ອງໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ລາວ.

- new3 - ລາວ-ລັດເຊຍ ເສີມຂະຫຍາຍມູນເຊື້ອສາຍພົວພັນຮ່ວມມື

    ໃນໂອກາດດັ່ງກ່າວ ທ່ານ ພົນໂທແສງນວນ ໄຊຍະລາດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ທ່ານ ປາຣນົບ ເດນິສ ອັນເດເຢວິຈ ທີ່ໄດ້ນໍາຄະນະເດີນທາງມາຢ້ຽມຢາມລາວໃນຄັ້ງນີ້, ເປັນການປະກອບສ່ວນເສີມຂະຫຍາຍມູນເຊື້ອສາຍພັນມິດຕະພາບ ການຮ່ວມມືອັນດີງາມມາແຕ່ດົນນານ ແລະ ການຊ່ວຍເຫຼືອເຊິ່ງກັນ ແລະ ກັນ, ເວົ້າສະເພາະລະຫວ່າງ ພັກປະຊາຊົນ ປະຕິວັດລາວ ແລະ ພັກກອມມູນິດສະຫະພັນລັດເຊຍໃຫ້ມີຄວາມແໜ້ນແຟ້ນຍິ່ງໆຂຶ້ນ, ພ້ອມດຽວກັນນີ້, ທ່ານກໍໄດ້ຕີລາຄາສູງຕໍ່ການພົວພັນ ແລະ ຮ່ວມມື ຂອງສອງປະເທດລາວ-ລັດເຊຍ ທີ່ເຫັນວ່ານັບມື້ນັບຮັດແໜ້ນ ແລະ ເສີມຂະຫຍາຍຂຶ້ນເປັນກ້າວໆ ສະຫະພັນລັດເຊຍເປັນປະເທດເພື່ອມິດທີ່ໃກ້ສິດ ແລະ ໃຫ້ຄວາມສໍາຄັນ ຕໍ່ການເປັນຄູ່ຮ່ວມມືຍຸດທະສາດນໍາກັນ ແຕ່ປີ 2011 ລວມທັງການສະໜັບສະໜູນເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ  ສອງປະເທດໄດ້ມີການແລກປ່ຽນການຢ້ຽມຢາມເຊິ່ງກັນ ແລະ ກັນ ໃນທຸກລະດັບ ແລະ ທຸກຂະແໜງການນັບແຕ່ຂັ້ນວິຊາການ ຈົນເຖິງຂັ້ນສູນກາງຂອງສອງປະເທດ, ທີ່ສໍາຄັນແມ່ນການຢ້ຽມຢາມລັດເຊຍຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ໃນເດືອນ ກັນຍາ 2017 ທີ່ຜ່ານມາ ​ໄດ້ບັນລຸຜົນສໍາເລັດຢ່າງຈົບງາມ. ໃນໂອກາດນີ້ ສອງຝ່າຍລັດຖະບານ ກໍໄດ້ລົງນາມຮ່ວມກັນໃນບັນດາສັນຍາ ແລະ ບົດບັນທຶກຄວາມເຂົ້າໃຈວ່າດ້ວຍການຮ່ວມມືວຽກງານປ້ອງກັນຊາດ, ວຽກງານຍຸຕິທໍາ, ການຄົມມະນາຄົມທາງອາກາດ, ພະລັງງານ, ການຍົກລະດັບວິຊາການ ແລະ ວຽກງານອື່ນໆ ເພື່ອເປັນບ່ອນອີງໃນການຊຸກຍູ້ການຮ່ວມມືສອງຝ່າຍນໍາກັນ, ພ້ອມນັ້ນທ່ານ ພົນໂທ ແສງນວນ ໄຊຍະລາດ ກໍໄດ້ແຈ້ງໃຫ້ຊາບ ກ່ຽວກັບສະພາບການເຄື່ອນໄຫວຂອງສະພາແຫ່ງຊາດ ໃນປັດຈຸບັນສະພາແຫ່ງຊາດລາວ ຊຸດທີ VIII ພວມດໍາເນີນກອງປະຊຸມສະໄໝສາມັນເທື່ອທີ 6 ເຊິ່ງໄດ້ໄຂຂຶ້ນໃນວັນທີ 20 ພະຈິກ ໄປເຖິງວັນທີ 21 ທັນວານີ້, ໃນກອງປະຊຸມ​ໄດ້, ພິຈາລະນາ ແລະ ຮັບຮອງບັນຫາສໍາຄັນຕ່າງໆເປັນຕົ້ນ: ວຽກງານລັດຖະບານ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານແຫ່ງລັດ ແຜນເງິນຕາ, ບົດລາຍງານສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2017 ວຽກງາານເຄື່ອນໄຫວຂອງສານປະຊາຊົນສູງສຸດ ແລະ ໄອຍະການປະຊາຊົນສູງສຸດ ກອງປະຊຸມ ຍັງຈະໄດ້ຮັບຮອງເອົາການສ້າງ, ປັບປຸງ ແລະ ທາບທາມຮ່າງກົດໝາຍ 9 ສະບັບ, ໃນນັ້ນ, ຮ່າງກົດໝາຍສ້າງໃໝ່ 7 ສະບັບ ແລະ ຮັບຮອງເອົາວຽກງານການເຄື່ອນໄຫວຂອງສະພາແຫ່ງຊາດອີກ​ດ້ວຍ.

- lattana 1 - ລາວ-ລັດເຊຍ ເສີມຂະຫຍາຍມູນເຊື້ອສາຍພົວພັນຮ່ວມມື

    ທ່ານ ປາຣນົບ ເດນິສ ອັນເດເຢວິຈກໍໄດ້ສະແດງຄວາມຂອບໃຈ ຕໍ່ທ່ານ ພົນໂທ ແສງນວນ ໄຊຍະລາດທີ່ໄດ້ສະຫຼະເວລາອັນມີຄ່າມາຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງ ແຈ້ງຈຸດປະສົງຂອງການເດີນທາງມາຢ້ຽມຢາມລາວຄັ້ງນີ້ ​ໂດຍຢືນຢັນວ່າ ຈະສືບຕໍ່ເສີມຂະຫຍາຍການພົວພັນຮ່ວມມືຊ່ວຍເຫຼືອປະຕິບັດໜ້າທີ່ ທີ່ສອງຝ່າຍເຫັນດີຮ່ວມມືກັນໃນຕໍ່ໜ້າໃຫ້ດີທີ່ສຸດ ເພື່ອປະກອບສ່ວນສົ່ງເສີມ ຮັດແໜ້ນສາຍພົວພັນຮ່ວມມື ລະຫວ່າງສອງປະເທດລາວ-ລັດເຊຍກໍຄືລະຫວ່າງສອງສະພາ ໃຫ້ນັບມື້ບັນລຸໝາກຜົນຍິ່ງຂຶ້ນ.

error: Content is protected !!