ລູກແພ້ນົມງົວສາເຫດຍ້ອນພໍ່ແມ່

- 022112 2018 - ລູກແພ້ນົມງົວສາເຫດຍ້ອນພໍ່ແມ່
- Untitled design - ລູກແພ້ນົມງົວສາເຫດຍ້ອນພໍ່ແມ່

     ສາເຫດທີ່ລູກຂອງທ່ານແພ້ນົມງົວຕັ້ງແຕ່ເກີດ ເນື່ອງຈາກເດັກນ້ອຍເກີດໃໝ່ມີຂໍ້ຈຳກັດຂອງລະບົບຍ່ອຍ, ລະບົບພູມຕ້ານທານ ແລະ ແຊນເນື້ອເຍື່ອທາງເດີນອາຫານ ເມື່ອລູກໄດ້ຮັບນົມງົວເຂົ້າສູ່ຮ່າງກາຍ ໂປຣຕິນແປກປອມຂອງນົມງົວຈຶ່ງມີໂອກາດລອດ ເຂົ້າສູ່ກະແສເລືອດໄປກະຕຸ້ນໃຫ້ຮ່າງກາຍຂອງລູກສ້າງພູມຄຸ້ມກັນຕໍ່ຕ້ານຊະນິດຜິດປົກກະຕິ ເຊິ່ງຈະໄວຕໍ່ສານກໍ່ພະຍາດພູມແພ້ປະເພດອື່ນໆອີກຫລາຍຢ່າງ ບໍ່ວ່າຈະເປັນສານກໍ່ພະຍາດພູມແພ້ທີ່ຢູ່ໃນອາກາດ ເຊັ່ນ : ຂີ້ຝຸ່ນ, ຊາກແມງສາບ, ເກສອນຫຍ້າ ຫລື ດອກໄມ້, ຂີ້ຄັນແຄໝາ, ແມວ, ນົກ ຫລື ສານກໍ່ພະຍາດພູມແພ້ຈາກການກິນ ເຊັ່ນ : ນົມງົວ, ຖົ່ວ,  ໄຂ່ ຫລື ອາຫານທະເລ. ຕໍ່ມາຫາກໄດ້ຮັບນົມງົວ ຫລື ສານກໍ່ໍພະຍາດພູມແພ້ເຂົ້າໄປຕື່ມອີກ ພູມຕ້ານທານຈະເຮັດປະຕິກິລິຍາທັນທີ ເກີດເປັນອາການເຈັບປ່ວຍໄດ້ຫລາຍຮູບແບບ. ທັງນີ້ ເດັກນ້ອຍທີ່ມີອາການແພ້ນົມງົວ ຫາກຄົນໃນຄອບຄົວມີປະຫວັດພະຍາດພູມແພ້ ຫລື ມີປະຫວັດວ່າແມ່ດື່ມນົມງົວຂະນະຖືພາ ເມື່ອໄດ້ຮັບຄຳແນະນຳໃຫ້ຢຸດດື່ມນົມງົວ ແລະ ຜະລິດຕະພັນທີ່ເຮັດຈາກນົມງົວແລ້ວກໍພົບວ່າອາການດີຂຶ້ນທຸກຄົນ.

     ອາການແພ້ນົມງົວມີສາເຫດໜຶ່ງມາຈາກກຳມະພັນ ເຊັ່ນ : ຫາກທັງພໍ່ ແລະ ແມ່ເປັນພະຍາດພູມແພ້ ຫລື ອາດບໍ່ຕ້ອງເປັນພະ ຍາດພູມແພ້ຊະນິດດຽວກັນກໍມີ ເຊັ່ນ : ຜູ້ໜຶ່ງເປັນພະຍາດຫອບຫືດ, ອີກຜູ້ໜຶ່ງເປັນພະຍາດຕຸ່ມຜື່ນແພ້ ລູກກໍມີໂອກາດເກີດອາການ ແພ້ໄດ້ຫລາຍກ່ວາການມີພໍ່ ຫລື ແມ່ແພ້ພຽງຄົນດຽວ ແລະ ເດັກນ້ອຍທີ່ແພ້ນົມງົວມັກມີໂອກາດທີ່ຈະແພ້ອາຫານ, ຢາ ແລະ ສານ ຕ່າງໆໄດ້ສູງກ່ວາຄົນທົ່ວໄປ ເມື່ອໃຫຍ່ຂຶ້ນເດັກກຸ່ມທີ່ແພ້ນົມງົວອາດເປັນຜື່ນແພ້ຜິວໜັງອັກເສບ, ພະຍາດຫອບຫືດ ຫລື ພະຍາດພູມແພ້ທາງເດີນຫາຍໃຈໄດ້.

     ເດັກທີ່ແພ້ນົມງົວຈະມີອາການ ໃຫ້ເຫັນໄດ້ຫລາກຫລາຍ ຄວາມ ຮຸນແຮງໃນເດັກແຕ່ລະຄົນຕ່າງ ກັນ ບາງຄົນເປັນບໍ່ຫລາຍ ບໍ່ດົນກໍ ເຊົາ, ບາງຄົນອາດແພ້ດົນຈົນໃຫຍ່ ຫລື ແພ້ແບບຮຸນແຮງ ໂອ  ກາດອັນຕະລາຍເຖິງຊີວິດກໍມີ ແຕ່ ເຫລົ່ານີ້ສາມາດກວດພົບ ແລະ  ເຝົ້າລະວັງໄດ້ບໍ່ຍາກ.

- Wave100S AD to Website 2020 0 - ລູກແພ້ນົມງົວສາເຫດຍ້ອນພໍ່ແມ່

     ແນວໃດກໍຕາມ, ເດັກທີ່ແພ້ນົມງົວສ່ວນຫລາຍບໍ່ຄ່ອຍຮຸນແຮງ, ສັງເກດອາການໄດ້ງ່າຍ, ການກວດປິ່ນປົວເຮັດໄດ້ບໍໍ່ຍາກ ສິ່ງສຳຄັນມີໂອກາດເຊົາເປັນປົກກະຕິ ຂໍພຽງໝັ່ນສັງເກດ ແລະ ພາລູກໄປກວດ – ປິ່ນປົວກັບທ່ານໝໍຜູ້ຊ່ຽວຊານ ອາການແພ້ນົມງົວກໍບໍ່ໜ້າຢ້ານດັ່ງທີ່ຄິດເລີຍ.

     ເດັກນ້ອຍສ່ວນຫລາຍແພ້ນົມແລ້ວຈະມີອາການຖ່າຍຜິດປົກກະຕິ ຫລື ຖ່າຍເປັນເລືອດ ເຮັດໃຫ້ພໍ່ແມ່ຮູ້ສຶກກັງວົນໃຈ, ແຕ່ສຸຂະພາບໂດຍທົ່ວໄປຍັງແຂງແຮງດີ, ນຳ້ໜັກກໍຂຶ້ນປົກກະຕິ ເມື່ອຜ່ານໄປ 6 ເດືອນ ຫລື 1 ປີກໍຈະເຊົາແພ້ ສາມາດກັບມາດື່ມນົມງົວໄດ້ ຫລື ເດັກທີ່ແພ້ນົມແລ້ວມີອາການຕຸ່ມຜື່ນແພ້ ແຕ່ເມື່ອອາຍຸປະມານ 1 – 2 ປີ ອາການແພ້ກໍເຊົາເອງກໍມີ.

- WhatsApp Image 2020 05 27 at 5 - ລູກແພ້ນົມງົວສາເຫດຍ້ອນພໍ່ແມ່
- WhatsApp Image 2020 05 27 at 5 - ລູກແພ້ນົມງົວສາເຫດຍ້ອນພໍ່ແມ່
error: Alert: ເນື້ອຫາຂ່າວມີລິຂະສິດ !!