5 ຄຸນປະໂຫຍດໜ້າຮູ້ໃນໝາກແຕງດອງ

- advert banner 728 90 728x90 - 5 ຄຸນປະໂຫຍດໜ້າຮູ້ໃນໝາກແຕງດອງ


     1. ມີເສັ້ນໄຍອາຫານ ຫລື ໄຟເບີ : ໝາກແຕງດອງເປັນແຫລ່ງສານອາຫານທີ່ສຳຄັນດັ່ງໄຟເບີ (Fiber)  ຫລື ເສັ້ນໄຍອາຫານ ເຊິ່ງມີສ່ວນໃນການຄວບຄຸມການເຮັດວຽກຂອງລະບົບຍ່ອຍອາຫານ ແລະ ລະບົບທາງເດີນອາຫານ ເຮັດໃຫ້ສາມາດລຳລຽງອາຫານໄດ້ດີ ທັງຍັງເປັນການເສີມເກາະປ້ອງກັນໃຫ້ແກ່ລະບົບຍ່ອຍອາຫານໃຫ້ແຂງແຮງ ປາສະຈາກອາການຖ່າຍຍາກ, ຖ່າຍແຫລວ, ຖອກທ້ອງ. ຜົນການສຶກສາໃນວາລະສານ  the Journal of the American Medical Association  ພົບວ່າ : ຫາກໃນຮ່າງກາຍມີໄຟເບີໜ້ອຍເກີນໄປກໍຈະມີບັນຫາສຸຂະພາບອື່ນໆຕາມມາໄດ້ເຊັ່ນ : ພະຍາດຫົວໃຈ, ໄສ້ຕິ່ງອັກເສບ ໄປຈົນເຖິງມະເຮັງລຳໄສ້.

     2. ປ້ອງກັນແຊນຖືກທຳລາຍ: ໃນໝາກແຕງດອງຍັງພົບສານຕໍ່ຕ້ານອະນຸມູນອິດສະລະຫລາຍຊະນິດ ແຕ່ລະສ່ວນກໍມີໜ້າທີ່ປະສານ ແລະ ຊ່ວຍກັນປ້ອງກັນແຊນໃນຮ່າງກາຍບໍ່ໃຫ້ຖືກທຳລາຍຈາກອະນຸມູນອິດສະລະ ພ້ອມກັບຊ່ວຍຫລຸດຜ່ອນອາການອັກເສບຂອງລະບົບໃນຮ່າງກາຍໄປພ້ອມໆກັນ ເພາະອາການອັກເສບທີ່ເຊື່ອງຢູ່ນີ້ອາດພັດທະນາໄປສູ່ພະຍາດຮ້າຍອື່ນໆຕາມມາໄດ້.

     3. ປ້ອງກັນອາການລຳໄສ້ດູດຊຶມຜິດປົກກະຕິ (Leaky Gut Syndrome) :ແມ່ນອາການທີ່ເນື້ອເຍື່ອຜິວໜັງລຳໄສ້ເຮັດວຽກຜິດປົກກະຕິຈາກເກີດອາການອັກເສບຊຳ້ເຮື້ອ ເຮັດໃຫ້ບໍ່ສາມາດດູດຊຶມອາຫານທີ່ເປັນປະໂຫຍດໄດ້ ແລະ ຍັງເປັນຊ່ອງທາງທີ່ເຮັດໃຫ້ສານພິດເຂົ້າສູ່ລະບົບອື່ນໆໃນຮ່າງກາຍໄດ້ ເຊິ່ງໝາກແຕງດອງກໍສາມາດຫລຸດຜ່ອນອາການດັ່ງກ່າວໄດ້ຄືກັນ ເພາະມີໂປຣໄບໂອຕິກ ຫລື ແບັກທີເຣຍດີທີ່ຊ່ວຍໃຫ້ລະບົບຍ່ອຍອາຫານເຮັດວຽກດີ, ເພີ່ມປະລິມານແບັກທີເຣຍດີໃນລຳໄສ້ໄປພ້ອມກັບຊ່ວຍປ້ອງກັນພະຍາດອື່ນໆກ່ຽວກັບລະບົບທາງເດີນອາຫານໄດ້ນຳ.

- 1 1 - 5 ຄຸນປະໂຫຍດໜ້າຮູ້ໃນໝາກແຕງດອງ
- lattana 1 - 5 ຄຸນປະໂຫຍດໜ້າຮູ້ໃນໝາກແຕງດອງ

     4. ປ້ອງກັນອາການຂາປັ້ນ : ລວມທັງອາການປັ້ນຢູ່ກ້າມຊີ້ນກໍສາມາດກິນໝາກແຕງດອງ ຫລື ນຳ້ໝາກແຕງດອງເພື່ອຫລຸດອາການດັ່ງກ່າວໄດ້. ໂດຍມີຜົນງານວິໄຈຮອງຮັບຈາກມະຫາວິທະຍາໄລ North Dakota State University ພົບວ່າ : ນັກກິລາທີ່ດື່ມນຳ້ໝາກແຕງດອງກ່ອນການຝຶກຊ້ອມກິລາ ມີອາການເປັນຂາປັ້ນຫລຸດລົງ ພ້ອມກັນນັ້ນຍັງຊ່ວຍຫລຸດອາການປວດ, ອັກເສບໃນເວລາດຽວກັນ.

     5. ຫລຸດການຈັບໂຕຂອງເລືອດ : ໂດຍປົກກະຕິແລ້ວຮ່າງກາຍຈະມີປະສິດທິພາບໃນການເຮັດໃຫ້ເລືອດແຂງໂຕ ຫລື ມີລັກ ສະນະເປັນເກັດເລືອດເພື່ອປ້ອງກັນການສູນເສຍເລືອດທີ່ອາດເປັນອັນຕະລາຍແກ່ຊີວິດ ເຊັ່ນ : ການຖືກມີດບາດ, ແຕ່ຖ້າມີເກັດເລືອດເກີດຂຶ້ນໃນເວລາທີ່ບໍ່ຈຳເປັນກໍຖືວ່າເປັນອັນຕະລາຍໄດ້ຄືກັນ ເຊັ່ນ: ອາການເສັ້ນເລືອດສະໝອງຕີບຕັນ, ຫົວໃຈລົ້ມເຫລວກະທັນຫັນ ແລະ ອາການຫລອດເລືອດຂາຕີບຕັນ ເຊິ່ງໃນໝາກແຕງດອງນັ້ນຈະມີແຮ່ທາດ ເຊັ່ນ : ວິຕາມິນ K ທີ່ສາມາດຊ່ວຍຫລຸດອາການເກັດເລືອດ, ບຳລຸງລະບົບກະດູກ ແລະ ລະບົບສະໝອງ, ຊ່ວຍເພີ່ມອັດຕາການເຜົາຜານ ແລະ ປ້ອງກັນພະຍາດມະເຮັງບາງຊະນິດໄດ້ນຳ.

     – ການເຮັດໝາກແຕງດອງໄວ້ກິນເອງກໍບໍ່ຍາກ ພຽງແຕ່ເອົາໝາກແຕງ, ນຳ້ດື່ມບໍລິສຸດ, ນຳ້ສົ້ມສາຍຊູ, ເກືອ, ນຳ້ຕານ, ຜັກຫອມປ້ອມ ແລະ ຜັກທຽມ ນຳສ່ວນປະສົມທັງໝົດນີ້ມາປະສົມກັນ ແລະ ດອງໄວ້ຕາມປົກກະຕິ, ຢ່າລືມປິດຝາພາຊະນະໃສ່ດອງໃຫ້ແຈບດີເພື່ອປ້ອງກັນແມງໄມ້ຕ່າງໆເຂົ້າ.

error: Content is protected !!