ຢາແກ້ປວດ – ຢາຄາຍກ້າມຊີ້ນ ໃຊ້ແນວໃດໃຫ້ປອດໄພ

- 052112 2018 - ຢາແກ້ປວດ – ຢາຄາຍກ້າມຊີ້ນ ໃຊ້ແນວໃດໃຫ້ປອດໄພ
- Untitled design - ຢາແກ້ປວດ – ຢາຄາຍກ້າມຊີ້ນ ໃຊ້ແນວໃດໃຫ້ປອດໄພ


     ໃນປະຈຸບັນ ການໃຊ້ຢາແກ້ປວດ ແລະ ຢາຄາຍກ້າມຊີ້ນ ມັກກິນກັນຫລາຍ ບໍ່ວ່າຈະເຈັບປ່ວຍ, ເຈັບຫົວ, ເຈັບແຂ້ວ, ເຈັບປວດບາດແຜ ເປັນຕົ້ນ, ແຕ່ການເລືອກໃຊ້ຢາແກ້ປວດ ແລະ ຢາຄາຍກ້າມຊີ້ນ ໃຊ້ແນວໃດຈຶ່ງຈະຖືກຕ້ອງ ໂດຍມື້ນີ້ພວກເຮົາມີຄຳແນະນຳໃນການໃຊ້ຢາທັງ 2 ຊະນິດນີ້ຢ່າງຖືກຕ້ອງ ແລະ ປອດໄພມາສະເໜີທ່ານ.

     ໃນເວລາທີ່ເຮົາໃຊ້ຢາແກ້ປວດ ສິ່ງທີ່ຈະຕ້ອງຄຳນຶງເຖິງເປັນອັນດັບທຳອິດກໍຄື ຖືກພະຍາດ ຈະຕ້ອງຮູ້ວ່າພະຍາດຂອງເຮົາແມ່ນພະຍາດຫຍັງກ່ອນ ເຊິ່ງໂດຍທົ່ວໄປອາການປວດທີ່ພົບເລື້ອຍໆມັກຈະມີອາການປວດຈາກກ້າມຊີ້ນ, ເສັ້ນເອັນ ເຊິ່ງບໍ່ຈຳເປັນຕ້ອງມາພົບແພດກໍໄດ້ ເພາະວ່າອາການອ່າວເດັ່ນ ເຊັ່ນ : ປວດບ່າໄຫລ່, ມີຈຸດກົດແລ້ວເຈັບສະເພາະບ່ອນ, ສາມາດຊື້ຢາເອງຈາກ ຮ້ານຂາຍຢາໄດ້ເລີຍ.

     ຫາກວ່າມີອາການຂອງກ້າມຊີ້ນເຄັ່ງຜິດປົກກະຕິ ຢາທີ່ໃຊ້ຄວນຈະເປັນຢາຄາຍກ້າມຊີ້ນ, ແຕ່ຖ້າປວດຊື່ໆ ໂດຍບໍ່ມີອາການກ້າມຊີ້ນເຄັ່ງຜິດປົກກະຕິກໍຄວນຈະກິນຢາແກ້ປວດ ເຊິ່ງຈະເປັນຄົນລະກຸ່ມກັນ ສະນັ້ນ, ຈະຕ້ອງເລືອກໃຊ້ໃຫ້ຖືກຕ້ອງ ຫລື ຖ້າຫາກເປັນອາການປວດທີ່ມີການອັກເສບ ເຊັ່ນ : ຂໍ້ອັກເສບຮ່ວມນຳ ຢາທີ່ໃຊ້ກໍຈະແຮງຂຶ້ນມາອີກລະດັບໜຶ່ງ ຖ້າມີອາການປວດທຳມະດາອາດຈະໃຊ້ອາເຊດຟິໂນເຟັນ ຫລື ພາຣາເຊຕາໂມນ.

     ສ່ວນຖ້າມີອາການອັກເສບຮ່ວມນຳ ເຊັ່ນ : ຂໍໍ້ອັກເສບ ຫລື ເອັນອັກເສບ ກໍຈະເປັນກຸ່ມຢາທີ່ເອີ້ນວ່າ ຢາຕ້ານການອັກເສບທີ່ບໍ່ ແມ່ນສະເຕຍຣອຍ ໂດຍຂໍ້ແນະນຳໃນການກິນຢາທັງ 2 ຊະນິດນີ້ ຈະຕ້ອງໃຊ້ໃຫ້ຖືກຂະໜາດ ແລະ ຖືກເວລາ ເນື່ອງຈາກມີຂະໜາດວິທີໃຫ້ຢາ ແລະ ຂໍ້ຄວນລະວັງທີ່ແຕກຕ່າງກັນ.

     ສຳລັບຢາພາຣາເຊຕາໂມນນັ້ນ ຂະໜາດທີ່ໃຊ້ໃນປະຈຸບັນມັກຈະໃຊ້ຜິດວິທີກັນຢູ່ສະເໝີ ແນະນຳວ່າຄວນກິນພຽງແຕ່ 1 ເມັດ ຫລື 500 ມິນລີກຣາມ ຕໍ່ 1 ເທື່ອເທົ່ານັ້ນ, ບໍ່ຄວນກິນ 2 ເມັດທຸກໆ 6 ຊົ່ວໂມງ ດັ່ງທີ່ແຕ່ກ່ອນນຳໃຊ້ກັນມາ ເຊິ່ງອາດຈະມີຜົນຂ້າງຄຽງຕໍ່ຕັບໄດ້ ໂດຍຂໍ້ດີຂອງຢາພາຣາເຊຕາໂມນ ຈະປອດໄພຫລາຍ, ຫາຊື້ໄດ້ງ່າຍ ເໝາະສຳລັບການປວດທີ່ບໍ່ຮຸນແຮງ.

- Wave100S AD to Website 2020 0 - ຢາແກ້ປວດ – ຢາຄາຍກ້າມຊີ້ນ ໃຊ້ແນວໃດໃຫ້ປອດໄພ

     ສ່ວນຢາຕ້ານການອັກເສບທີ່ບໍ່ແມ່ນສະເຕຍຣອຍ ຈະມີຄວາມຮຸນແຮງຂຶ້ນມາອີກລະດັບໜຶ່ງ ແລະ ມີຫລາຍຊະນິດ, ຂະໜາດທີ່ໃຊ້ຂຶ້ນກັບແຕ່ລະຊະນິດ ແລະ ມີຜົນຂ້າງຄຽງຫລາຍກ່ວາຢາພາຣາເຊຕາໂມນ ໂດຍເຮັດໃຫ້ເກີດການລະຄາຍເຄືອງກັບກະເພາະອາຫານ ເຮັດໃຫ້ເລືອດອອກໃນກະເພາະອາຫານໄດ້ ອາດເຮັດໃຫ້ໝາກໄຂ່ຫລັງວາຍ ແລະ ມີຜົນເຮັດໃຫ້ຫລອດເລືອດອັດຕັນເພີ່ມຂຶ້ນໄດ້ ໃນຜູ້ປ່ວຍທີ່ມີຄວາມສ່ຽງ. ດັ່ງນັ້ນ ຢາໃນກຸ່ມນີ້ຄວນໃຊ້ພາຍໃຕ້ຄຳ ແນະນຳຂອງແພດ ໂດຍສະເພາະ ໃນຜູ້ປ່ວຍທີ່ມີພະຍາດຮ່ວມ ຫລື ຜູ້ເຖົ້າ ເພື່ອທີ່ແພດຈະມີແນວທາງການປ້ອງກັນຄວາມຜິດປົກກະຕິ ຈາກຜົນຂ້າງຄຽງຂອງຢາ ຫລື ປ່ຽນໄປໃຊ້ຢາກຸ່ມອື່ນໆ ເຊິ່ງອາດຈະປອດໄພຫລາຍກ່ວາ.

     ທັງນີ້ ເມື່ອອາການ ແລະ ອາການສະແດງຂອງພະຍາດ ຫລື ສະພາບດັ່ງກ່າວເຊົາ ຫລື ຫລຸດຜ່ອນອາການລົງ ຄວນຢຸດຢາ ເນື່ອງຈາກຫາກໃຫ້ຢາເປັນໄລຍະເວລາດົນ ອັດຕາການເກີດຜົນຂ້າງຄຽງຈະສູງຂຶ້ນ.

     ແນວໃດກໍຕາມ, ບໍ່ວ່າທ່ານຈະເຈັບໄຂ້ໄດ້ປ່ວຍດ້ວຍອາການໃດກໍຕາມ ທຸກໆການໃຊ້ຢາຄວນຈະຢູ່ໃນການເບິ່ງແຍງດູແລຈາກແພດຜູ້ຊ່ຽວຊານຢ່າງໃກ້ຊິດ ທັງນີ້ກໍໍເພື່ອຄວາມປອດໄພຕໍ່ສຸຂະພາບ ກໍຄືຊີວິດຂອງທ່ານເອງ.

- WhatsApp Image 2020 05 27 at 5 - ຢາແກ້ປວດ – ຢາຄາຍກ້າມຊີ້ນ ໃຊ້ແນວໃດໃຫ້ປອດໄພ
- WhatsApp Image 2020 05 27 at 5 - ຢາແກ້ປວດ – ຢາຄາຍກ້າມຊີ້ນ ໃຊ້ແນວໃດໃຫ້ປອດໄພ
error: Alert: ເນື້ອຫາຂ່າວມີລິຂະສິດ !!