ຈີນນຳຮ່າງກົດໝາຍການລົງທຶນ ຕ່າງປະເທດສະບັບໃໝ່ເຂົ້າສະພາ

- advert banner 728 90 728x90 - ຈີນນຳຮ່າງກົດໝາຍການລົງທຶນ ຕ່າງປະເທດສະບັບໃໝ່ເຂົ້າສະພາ

       ຈີນ​ນຳ​ຮ່າງ​ກົດໝາຍ​ການ​ລົງທຶນ​ຈາກ​ຕ່າງປະ​ເທດ​ສະບັບ​ໃໝ່​ເຂົ້າສູ່​ການ​ພິຈາລະນາ​ຂອງ​ສະພາ​ປະຊາຊົນ​ແຫ່ງ​ຊາດ ​ໃນ​ວັນ​ທີ 23 ທັນວາ​ນີ້ ​ເພື່ອ​ໃຊ້​ແທນ​ກົດໝາຍ​ສະບັບ​ເກົ່າ​ຫລາຍ​ສະບັບ​ທີ່​ບໍ່​ເໝາະ​ສົມ​ກັບ​ສະພາບ​ເສດຖະກິດ​ທີ່​ປ່ຽນ​ແປງ.

       ກົດໝາຍ​ການ​ລົງທຶນ​ຈາກ​ຕ່າງປະ​ເທດ​ທີ່​ຈີນ​ໃຊ້​ໃນ​ປັດຈຸບັນ 3 ສະບັບ ປະກອບ​ມີ​ກົດໝາຍ​ບໍລິສັດ​ຮ່ວມ​ທຶນ​ແບບ​ຮ່ວມ​ຫຸ້ນ, ກົດໝາຍ​ບໍລິສັດ​ຮ່ວມ​ທຶນ​ແບບ​ບໍ່​ຮ່ວມ​ຫຸ້ນ ​ແລະ ກົດໝາຍ​ບໍລິສັດ​ທີ່​ຕ່າງປະ​ເທດ​ເປັນ​ເຈົ້າຂອງ​ທັງ​ໝົດ. ນັກວິ​ເຄາະ​ເບິ່ງ​ວ່າ: ກົດໝາຍ​ເຫລົ່າ​ນີ້​ບໍ່​ສາມາດ​ຮັບ​ມື​ກັບ​ສະພາບ​ເສດຖະກິດ​ທີ່​ກຳລັງ​ປ່ຽນ​ແປງ​ໃນ​ໄລຍະ​ທີ່​ຈີນ​ຕ້ອງ​ສ້າງ​ໜ່ວຍ​ງານ​ໃໝ່ ​ແລະ ​ເປີດ​ເສດຖະກິດ​ຫລາຍ​ຂຶ້ນ. ການ​ອອກ​ກົດໝາຍ​ໃໝ່​ທີ່​ມີ​ຄວາມ​ເປັນ​ເອກະ​ພາບ​ຈະ​ສ້າງ​ຫລັກ​ປະກັນ​ເລື່ອງ​ການ​ເປີດ​ເສດຖະກິດ​ໃນ​ຂັ້ນຕໍ່​ໄປ ​ແລະ ຈະ​ຊ່ວຍ​ໃຫ້​ນຳການ​ລົງທຶນ​ຈາກ​ຕ່າງປະ​ເທດ​ມາ​ໃຊ້​ປະ​ໂຫຍ​ດ​ໄດ້​ມີ​ປະສິດທິພາບ​ຫລາຍ​ຂຶ້ນ ​ເພາະ​ມີ​ການ​ກຳນົດ​ກົນ​ໄກ​ເລື່ອງ​ການ​ອຳນວຍ​ຄວາມ​ສະດວກ, ປົກ​ປ້ອງ ​ແລະ ບໍລິຫານ​ຈັດການ​ການ​ລົງທຶນຈາກ​ຕ່າງປະ​ເທດ​ເຊັ່ນ: ຫລັກການ​ປະຕິບັດ​ຂອງ​ຄົນ​ຕ່າງປະ​ເທດ​ກ່ອນ​ເຂົ້າມາ​ລົງທຶນ, ຫລຸດ​ລາຍການ​ປະ​ເພດ​ກິດຈະການ​ຕ້ອງ​ຫ້າມ​ຈາກ 63 ປະ​ເພດ​ເຫລືອ 43 ປະ​ເພດ, ກຳຈັດ​ຂໍ້​ຈຳກັດ​ການ​ລົງທຶນ​ໃນ​ຫລາຍ​ຂະ​ແໜງ​ທຸລະ​ກິດ.

       ຮ່າງ​ກົດໝາຍ​ການ​ລົງທຶນ​ສະບັບ​ໃໝ່​ຍັງ​ກຳນົດ​ໃຫ້​ລັດຖະບານ​ທ້ອງ​ຖິ່ນ​ຕ້ອງ​ປະຕິບັດ​ຕາມ​ນະ​ໂຍບາຍ ​ແລະ ສັນຍາ​ທີ່​ເຮັດ​ໄວ້​ກັບ​ບໍລິສັດ​ທີ່​ໄດ້​ຮັບ​ທຶນ​ຈາກ​ຕ່າງປະ​ເທດ​ຢ່າງ​ເຄັ່ງ​ຂັດ ​ແລະ ຄວນ​ໃຫ້ການ​ຊົດ​ເຊີຍ​ຖ້າ​ບໍລິສັດ​ຕ່າງປະ​ເທດ​ຂາດທຶນ, ​ເນັ້ນ​ເລື່ອງ​ການ​ຄຸ້ມ​ຄອງ​ຊັບ​ສິນ​ທາງ​ປັນຍາ​ຂອງ​ນັກ​ລົງທຶນ​ຕ່າງປະ​ເທດ ​ແລະ ບໍລິສັດ​ຕ່າງປະ​ເທດ, ສະໜັບສະໜູນ​ໃຫ້​ມີ​ການ​ຮ່ວມ​ມື​ທາງ​ເຕັກ​ໂນ​ໂລ​ຊີ​ໂດຍ​ສະໝັກ​ໃຈ​ບົນ​ພື້ນຖານ​ຂອງລະບຽບ​ການ​ເຮັດ​ທຸລະ​ກິດ, ທາງ​ການ​ບໍ່​ສາມາດ​ບັງຄັບ​ໃຫ້​ມີ​ການຖ່າຍ​ທອດ​ເຕັກ​ໂນ​ໂລ​ຊີ​ໄດ້.

- 1 1 - ຈີນນຳຮ່າງກົດໝາຍການລົງທຶນ ຕ່າງປະເທດສະບັບໃໝ່ເຂົ້າສະພາ
- Tiger Head 728x90 - ຈີນນຳຮ່າງກົດໝາຍການລົງທຶນ ຕ່າງປະເທດສະບັບໃໝ່ເຂົ້າສະພາ

      ຂໍ້​ມູນຮອດ​ເດືອນ​ພະຈິກ ມີ​ບໍລິສັດ​ທີ່​ໄດ້​ຮັບ​ທຶນ​ຈາກ​ຕ່າງປະ​ເທດ​ຂຶ້ນທະບຽນ​ລົງທຶນ​ໃນ​ຈີນ​ແລ້ວ 950.000 ​ແຫ່ງ, ນຳ​ເງິນ​ເຂົ້າຈີນ​ຫລາຍ​ກວ່າ 2 ຕື້​ໂດ​ລາ​ສະຫະລັດ.

error: Content is protected !!