ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ

ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ - 18623ba3 9864 4d91 86be d41dfac54913 - ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ
ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ - Untitled design - ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ

    ໃນວາລະດໍາເນີນກອງປະຊຸມສະໄໜສາມັນ ເທີື່ອທີ VI ຂອງສະພາແຫ່ງຊາດ ຊຸດທີ VIII, ຜ່ານມານີ້, ທ່ານ ສຸວັນນີ ໄຊຊະນະ ສະມາຊິກສະພາແຫ່ງຊາດ ເຂດເລືອກຕັ້ງທີ 11 ແຂວງບໍລິຄໍາໄຊ ທັງເປັນປະທານສະພາປະຊາຊົນແຂວງ ໄດ້ມີຄໍາເຫັນຕໍ່ຮ່າງກົດໝາຍທີ່ດິນ ວ່າ: ບັນຫາທີ່ດິນ ແມ່ນບັນຫາສໍາຄັນຫຼາຍ ຊຶ່ງພົວພັນເຖິງຊີວິດ, ສິດ ແລະ ຜົນປະໂຫຍດຂອງພົນລະເມືອງລາວທຸກຄົນ, ພົວພັນເຖິງການພັດທະນາເສດຖະກິດ-ສັງຄົມຢູ່ໃນໄລຍະໃໝ່ອີກດ້ວຍ, ສະນັ້ນ, ບັນຫານີ້ເປັນບັນຫາທີ່ລະອຽດອ່ອນ, ຮຽກຮ້ອງເຖິງການຄົ້ນຄວ້າຢ່າງຮອບຄອບ, ສົມເຫດສົມຜົນ ແລະ ຮັບປະກັນສິດຜົນປະໂຫຍດພື້ນຖານຂອງພົນລະເມືອງ, ຮັບປະກັນໃຫ້ແກ່ການຊຸກຍູ້ການພັດທະນາ, ເພາະບັນຫານີ້ຢູ່ໃນແຕ່ລະເຂດເລືອກຕັ້ງ ໂດຍສະເພາະທ້ອງຖິ່ນຕ່າງໆໄດ້ມີປະກົດການຫຼາຍຢ່າງທີ່ກ່ຽວຂ້ອງກັບທີ່ດິນ ບໍ່ວ່າຈະເປັນຂໍ້ຂັດແຍ່ງກ່ຽວກັບສິດ, ກ່ຽວກັບການນໍາໃຊ້, ການຄຸ້ມຄອງ-ປົກປັກຮັກສາ ແລະ ການພັດທະນາທີ່ດິນນີ້ ຕ້ອງໄດ້ເພີ່ມທະວີຕື່ມ. ທ່ານກ່າວວ່າ: ນະໂຍບາຍການນໍາໃຊ້ທີ່ດິນກະສິກໍາ ຄວນຈະນໍາເຂົ້າຢູ່ໃນມາດຕາໃດໜຶ່ງຂອງກົດໝາຍ ໂດຍສະເພາະຢູ່ໃນທ້ອງຖິ່ນຕ່າງໆ ເວລາເກີດມີໄພພິບັດ ເຂົາເຈົ້າຄວນໄດ້ຮັບນະໂຍບາຍຄືແນວໃດ, ເປັນຕົ້ນ ແມ່ນການຍົກເວັ້ນ ຫຼືຫຼຸດຜ່ອນຄ່າທໍານຽມນໍາໃຊ້ທີ່ດິນກະສິກໍາ ເພາະຜ່ານມານະໂຍບາຍດັ່ງກ່າວຍັງບໍ່ທັນໄດ້ຍົກເວັ້ນ ບໍ່ວ່າຈະໄດ້ຮັບຜົນກະທົບຈາກນໍ້າຖ້ວມ ຫຼືແຫ້ງແລ້ງ ແມ່ນບໍ່ມີນະໂຍບາຍໃດໆ. ນອກຈາກບາງກໍລະນີທີ່ລັດຖະບານເຫັນວ່າຄວນຈະໄດ້ຮັບການຊົດເຊີຍ, ຊ່ວຍໜູນ ເຊັ່ນປີນີ້ ລັດຖະບານໄດ້ຊ່ວຍເຫຼືອບັນຫາກະແສໄຟຟ້າ, ສະນັ້ນ ບັນຫານີ້ຄວນຈະປະກອບເຂົ້າໃນກົດໝາຍຕື່ມບໍ?.

    ນອກນີ້, ບັນຫາການຈັບຈອງ, ການບຸກລຸກທີ່ດິນ ທີ່ບໍ່ຖືກຕ້ອງຕາມລະບຽບກົດໝາຍ ແລະ ຜ່ານມາ ມີການບຸກລຸກເຂົ້າໃນເຂດປ່າສະຫງວນ, ເຂົ້າໃນເຂດປ່າຜະລິດ ຫຼືຈັບຈອງຢູ່ໃນພື້ນທີ່ກວ້າງຂວາງ ແຕ່ບໍ່ໄດ້ຮັບການພັດທະນາ, ສະນັ້ນ, ບັນຫາທີ່ຍົກຂຶ້ນ ເພື່ອຈະມີມາດຕະການໃດ ເພື່ອດັດສົມເຮັດໃຫ້ເນື້ອທີ່ດິນໄດ້ຮັບການພັດທະນາຢ່າງມີຄວາມເປັນທໍາ, ມີຄວາມສະເໜີພາບຕໍ່ໜ້າກົດໝາຍ.

ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ - Wave100S AD to Website 2020 0 - ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ
ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ - WhatsApp Image 2020 05 27 at 5 - ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ
ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ - WhatsApp Image 2020 05 27 at 5 - ສສຊ ແຂວງບໍລິຄໍາໄຊ ມີຄໍາເຫັນຫຼາຍຢ່າງຕໍ່ຮ່າງກົດໝາຍວ່າດ້ວຍທີ່ດິນ
error: Alert: ເນື້ອຫາຂ່າວມີລິຂະສິດ !!